زمن التحرش الجميل :
-----------------------
ظاهره التحرش أصبحت من الظواهر المنتشرة في مجتمعنا للأسف و لذلك
نذكر حضراتكم بتلك المقوله الجميله التى قالها فكرى باشا اباظه سنة 1932 .
http://www5.0zz0.com/2015/07/19/23/721035270.jpg
عرض للطباعة
زمن التحرش الجميل :
-----------------------
ظاهره التحرش أصبحت من الظواهر المنتشرة في مجتمعنا للأسف و لذلك
نذكر حضراتكم بتلك المقوله الجميله التى قالها فكرى باشا اباظه سنة 1932 .
http://www5.0zz0.com/2015/07/19/23/721035270.jpg
ده كان أيام الملكية
هي دي قمه الصياعه اياميهم ؟؟؟ :)))
لسه كان حمايا ربنا يكرمه قاعد يحديلي ان الستات كانوا بيقعدوا بالمايكرو جيب في الترام قدام الشباب و محدش يبصلهم و لا يتعرض لهم.
دلوقتي بقى رغم ان معدل الحجاب و الاحتشام زاد عن ايامه بكتير. لكن التحرش اللفظي و الجسدي زاد برضه جدا . عجبي !
ربنا يخرجنا من الدنيا دى على خير
فعلا كان زمنهم حلو فى كل حاجه
احنا فى زمن المسخ
بس مش ملاحظين ان المتحرش كان بيقول "بونسوار يا هانم" يعني كانوا بيتكلموا فرنساوي و متحضرين حتي في تحرشهم
اللي بيحصل الايام دي هو التطور الطبيعي لتحرش الثلاثينيات يعني كلمة وبعدين بقي جملة وبعدين بقي موضوع انشا وبعدين لمسه خفيفة وبعدين مسكة وبعد كده ينتهي بخطف واغتصاب
المنشور المذكور يدل علي شئ خطير الناس مش واخده بالها منه
انه علي الرغم من الانفتاح الشديد علي الغرب في العادات والتقاليد في القاهرة علي الاقل وترخيص الدعارة وانتشار البيكيني والميني جيب الا انه لم يمنع التحرش كما يطالب البعض
هناك متغيرات كثيرة حدثت
زمان كان الجنس متاحا للجميع من خلال ترخيص الدعارة
ولم تكن هناك وسائل الاعلام الحالية التي لا تكف عن الشحن الجنسي المتواصل
و لم يكن السبكي قد نقل نشاطه من تجارة اللحوم البلدية الى المتاجرة باللحم البشري
ده كفاية الافلام الاباحية المتاحة لطلبة اعدادي وثانوي وعلى الموبايل
ياراجل ده حتى الناس أصبحت بتصور نفسها على سبيل التفاخر (عندك مثلا أفلام ابو الفتوح ودينا و ايناس مكي)
زمان في السبعينات عندما نزل فيلم حمام الملاطيلي بالسينما كنا نعتبره فيلما مخلا بالآداب العامة
والعجيب أنه مازال ممنوع عرضه بالتليفزيون ، رغم انه يعتبر الآن فيلم كارتون بالمقارنة مع أفلام السبكي
خدت بالك مكتوب ايه .. "المكان المخصص لركوب السيدات" ! .. ياترى اكشاك مساواة المرأة .. و صلوها لايه النهاردة !