الموضوع: حكايات البشر

المشاركة الأصلية كتبت بواسطة shanodaa

شكرا يا دكتوره

لا شكر على واجب.

أنا اللى بأشكركم على تواصلكم و ردودكم

المشاركة الأصلية كتبت بواسطة نور القمر

والله دكتورة لو مدخن شاف واحد مريض بالسرطان مثلا بسبب التدخين
وشافو بيتألم اد ايه وندمان اد ايه وكاره حتى اسم السجاير اد ايه عمره ما هايفكر يدخن تاني
مش لازم تستنوا لما توصلوا لمرحلة الندم لا قدر الله
ربنا يحفظكم جميعا من هذا المرض اللعين يارب

عنك حق يا نور.

و كمان بقى يا ست الستات أنا هنا لا دكتورة و لا حاجة انا هنا وسط اخوة و أخوات ليا، فنرفع الأقاب و التكليف بيننا أحسن:)

:wacko:الحكاية الثالثة:wacko:

عايزة احكيلكم النهاردة عن الوجه الآخر من العملة ، قصدى اكلمكم شوية عن الدكاترة.ماتخفوش مش هيبقى الكلام بعيد عنكم لكن هيبقى أقرب مما كنتم تتوقعوا.

أما كنت لسة طالبة فى الكلية كان معانا فى الدفعة زميل كان دايماً بيطلع من الأوائل بس كان عنده داء صعب أوى و هو انه غشاش كان بيموت فى حاجة اسمها غش ، كان بيئرف اى حد قاعد جنبه فى اللجنة.

خلصنا البكالوريوس و بقينا أطباء و طبيبات امتياز و كنا بنتقسم rounds يعنى كل شهر فى قسم من أقسام الكلية يعنى شهر جراحة ، شهر تقويم ،شهر علا جذور و الخ................
زميلى ده كان شغله حلو أوى بس كان بيشتغل بمزاجه يعنى مثلاً لو العيان أو العيانة دخل أو دخلت دماغه كان يعملها أحلى شغل و لو العيان مادخلش نافوخه يقلبه قلبة تمام ، مش بس كدة اما كنا فى قسم الجراحة كان يتعمد يعمل اخطاء علشان يتعلم يعنى مثلاً أما كان بيخلع الضروس كان يتعمد يكسرها علشان يجيب نوع معين من الأدوات علشان يتعلم يستخدمها و أما كنا نسأله:انت بتعمل كدة ليه
كان يقول:أُمال أتعلم ازاى
كنا نقوله:طيب حرام عليك تعرض العيان للأمر ده كان الخلع مايخدش معاك 5 دقايق دخلت العيان فى ربع ساعة علشان تتعلم.

المهم صاحبنا ماكنش بيسمع حد ، خلصنا امتياز و رحنا دار الحكمة علشان نقول القًسم فاذا بصاحبنا مارضاش يقول معانا القسم سألته:انت مأقولتش القًسم معانا ليه.
قال:علشان انا عارف هاعمل ايه بعد كدة.

المهم اتخرجنا و عشان هو من الأوائل اتعين مُعيد فى الجامعة و اما كنا فى امتحانات تمهيدى الماجستير كان برده داء الغش ملازمه بس كان حظه وحش لأنى كنت أنا اللى جنبه فماكنش عارف يغش اى شئ.

مرة كنت بأراقب على طلبة الكلية و اكتشفنا حالة غش لطالبة عن طريق سماعة البلوتوث نخيلوا مين اللى كان بيغششها طلع صاحبنا لأنه كان ُمعجب بيها:K15:.

أنا مش بأحكى حكاية صاحبنا علشان نغتابه أنا بأقولكم "من شب على شئ شاب عليه" اللى هيغش و هو طالب هيفضل طول عمره غشاش ، غشاش فى حياته الاجتماعية ،غشاش فى العمل ، و ممكن يبقى غشاش مع عياله.

و صدق رسول الله صلى الله عليه و سلم عندما قال:"من غش فليس منا"

فخلوا بالكم "اياكم و الغش"

:wacko:الحكاية الثالثة:wacko:

عايزة احكيلكم النهاردة عن الوجه الآخر من العملة ، قصدى اكلمكم شوية عن الدكاترة.ماتخفوش مش هيبقى الكلام بعيد عنكم لكن هيبقى أقرب مما كنتم تتوقعوا.

أما كنت لسة طالبة فى الكلية كان معانا فى الدفعة زميل كان دايماً بيطلع من الأوائل بس كان عنده داء صعب أوى و هو انه غشاش كان بيموت فى حاجة اسمها غش ، كان بيئرف اى حد قاعد جنبه فى اللجنة.

خلصنا البكالوريوس و بقينا أطباء و طبيبات امتياز و كنا بنتقسم rounds يعنى كل شهر فى قسم من أقسام الكلية يعنى شهر جراحة ، شهر تقويم ،شهر علا جذور و الخ................
زميلى ده كان شغله حلو أوى بس كان بيشتغل بمزاجه يعنى مثلاً لو العيان أو العيانة دخل أو دخلت دماغه كان يعملها أحلى شغل و لو العيان مادخلش نافوخه يقلبه قلبة تمام ، مش بس كدة اما كنا فى قسم الجراحة كان يتعمد يعمل اخطاء علشان يتعلم يعنى مثلاً أما كان بيخلع الضروس كان يتعمد يكسرها علشان يجيب نوع معين من الأدوات علشان يتعلم يستخدمها و أما كنا نسأله:انت بتعمل كدة ليه
كان يقول:أُمال أتعلم ازاى
كنا نقوله:طيب حرام عليك تعرض العيان للأمر ده كان الخلع مايخدش معاك 5 دقايق دخلت العيان فى ربع ساعة علشان تتعلم.

المهم صاحبنا ماكنش بيسمع حد ، خلصنا امتياز و رحنا دار الحكمة علشان نقول القًسم فاذا بصاحبنا مارضاش يقول معانا القسم سألته:انت مأقولتش القًسم معانا ليه.
قال:علشان انا عارف هاعمل ايه بعد كدة.

المهم اتخرجنا و عشان هو من الأوائل اتعين مُعيد فى الجامعة و اما كنا فى امتحانات تمهيدى الماجستير كان برده داء الغش ملازمه بس كان حظه وحش لأنى كنت أنا اللى جنبه فماكنش عارف يغش اى شئ.

مرة كنت بأراقب على طلبة الكلية و اكتشفنا حالة غش لطالبة عن طريق سماعة البلوتوث نخيلوا مين اللى كان بيغششها طلع صاحبنا لأنه كان ُمعجب بيها:K15:.

أنا مش بأحكى حكاية صاحبنا علشان نغتابه أنا بأقولكم "من شب على شئ شاب عليه" اللى هيغش و هو طالب هيفضل طول عمره غشاش ، غشاش فى حياته الاجتماعية ،غشاش فى العمل ، و ممكن يبقى غشاش مع عياله.

و صدق رسول الله صلى الله عليه و سلم عندما قال:"من غش فليس منا"

فخلوا بالكم "اياكم و الغش"

يااااااة الموضوع دة حصل معايا وانا فى الكلية اتوبيس غرب اتقلب بينا واحنا راجعين من الكلية وكنا 48طالب من الكلية وعلشان السواق كان محشش كان طاير الساعة 2الظهر وبيسابق وبيغرز على عربيات النقل ومعرفش يفادى مقطورة قاطعة الطريق علشان يدير والاتوبيس اتقلب اكتر من مرة لحد ماوقع فى حاجة زى مصرف كدة والنتيجة موت زميلة فى الكلية واصابات بالغة وناس تانية الحمدالله سليمة
بعد الحادثة دى انا فكرت زيك بالظبط يادكتورة القدر والنصيب كان مستنيها هى بس مع ان كلنا كنا فى اتوبيس واحد
وفكرت لو كنت موت كنت هبقى اية؟؟
الحادثة دى غيرت حاجات كتير اولها انى كنت بشرب سجاير بس من ثانوى عزمت انى ابطلها والحمد الله بطلتها بعد الكلية دلوقتى خلاص مش بشرب سجاير بحاول اغير من نفسى والحمد الله

أخى الكريم elassar2010 ما اكثر المواقف التى تمر بنا فى الحياة و تقلب حياتنا رأساً على عقب و فى تصورى أن هذه المواقف رحمة من عند الله كى نتغير للأحسن فهى بمثابة جرس الانذار حتى نستفيق من غفلتنا و ربنا يقويك و تكمل الطريق و جعل مثوى هذه الأخت المُتوفاة الجنة.