صيانه الألف كيلو ,, ايه اللى بيحصل فيها بالظبط ؟؟

**m7nsh** · 17-11-2008 01:57 AM

السلام عليكم ورحمه الله و بركاته

ازيكم يا شباب يا رب يكون كله تمام

الحقيقه انى كنت داخل على صيانه الألف كيلولأن العربيه عامله دلوفتى حوالى 950 كيلو بس المشكله انى فى وقت امتحانات و قلق دلوقتى ,, و معروف ان بيتغير فيها زيت فعاوز اعرف ممكن اغيره بره و ابقى اروح الصيانه برده بس لما افضى عشان مابقاش ماشى بزيت التليين فوق الألف كيلو؟ ولا طالما غيرته يبقى خلاص ممنهاش لازمه الصيانه؟
و كمان هو ايه اللى المفروض بيحصل بالظبط فى الصيانه دى ؟ وايه اللى بيتغير ؟؟

و المفروض اكون عامل حسابى فى فلوس اد ايه اخدهم معايا ؟؟

و شكرا مقدما لكل اعضاء المنتدى الهايل ده

**abou_sama** · 17-11-2008 09:38 AM

تربيط عفشة + كشف على السوائل + غيار زيت وفلتر
الكشف على اى ملاحظة وجدتها خلال الالف الاولى
ومبروك عليك السيارة

**m7nsh** · 17-11-2008 11:10 AM

الله يبارك فيك ياأبوسما و يخليلك سما :)

طيب و بالنسبه لحوار الفلوس ده ؟ و هل ينفع فعلا اغير الزيت بره عشان لو هتاخر شويه فى المرواح للصيانه ؟

والف شكر مره تانيه

**m7nsh** · 18-11-2008 08:14 PM

من فضلكم يا جماعه حد يقولى ينفع اغيره بره ولا لأ ,, العربيه خلاص كسرت الألف كيلو النهرده و مقلق من المشى بيها كده على زيت التليين

افيدونا افادكم الله

**aboezz44** · 24-11-2008 01:11 PM

المشاركة الأصلية كتبت بواسطة m7nsh

من فضلكم يا جماعه حد يقولى ينفع اغيره بره ولا لأ ,, العربيه خلاص كسرت الألف كيلو النهرده و مقلق من المشى بيها كده على زيت التليين

افيدونا افادكم الله

بسم الله
اولا يفضل تغير زيت بره وانا انصحك بزيت شل هيلكس الترا... دا الزيت التخليقى اللى بتنتجة شل
او
BP visco 5000

ممتاز واحسن مليون مره من موبيل 1 ولازم تغير الفلتر كمان
ربنا يباركلك فى عربيتك ويرزق خيرها وينجيك من شرها