الناس مالها كده مغيش اي زوق وﻻ جدعنه

كل سنه وحضر اتكم بخير
عيدسعيد
بمناسبه العيد وعنوان الموضوع
اخدت العيال وامهم وخرجنا بناء علي الحاح منهم ﻻئني كاره للخروج في اﻻعياد بسبب الزحام
طلبوا يروحو كاير و فيستفال
روحنا زحام رهيب وعناء في ركنه العربيه والدخول
المهم بعد لف ودوران ركنت وتجوال في المول
جاعوا عايزين ياكلوا
طلعنا علي قاعاه الطعام
ايه ده مفيش مكان وﻻ يوم الحشر
طلبواكل مش عارف ا ﻻكل ده صيني وﻻ ظروفه ايه
اللي عارف يقولي واسمه ايه كمان
اللي هو عباره عن عن ارزز شبيه البسمتي والمكرونه النوودلز الطويله قوي
وخضارمن كل شكل ولحمه وفراخ وفي سمك بس مش موجود علشان الزحمه
المهم احنا 6 افراد
استلمت اﻻكل ومفيش صينيه اشيل عليها
واتلفت ورايا مفيش حد وﻻ العيال وﻻ امهم
اتضح ان ابني الكبير راح بيتزا هت مش عاجبه اﻻكل واخته الصغيره نفس الكلام
والمدام وابني وبنتي الكبيره بيدور علي مكان نقعد فيه من غير مايقولوا
انا استلمت اﻻكل ومحتاس بيه مش عارف اعمل ايه
وجدت ترابيزه فيها مكان صغير حطيت اﻻكل عليها
لقيت الست اللي قاعده بتقولي ماينفعش
ياحاجه مش هاقعد خلي بس اﻻكل علي مادور علي مكان واﻻقي العيال وامهم
ﻻء ماينفعش كائنه ورث بتاع ابوها
رصيت اﻻكل وﻻ سالت فيها
ياستاذ ور رديت عليها
لقيت المدام ووﻻدي جاين عليا ولسه هازعق وصوتي يعلي بتقولي بدور علي مكان ومش ﻻقيه
رجعنا للست اللي عندها اﻻكل قولت لهم كل واحد يشيل طبق وورايا ندور علي مكان
وجدت اﻻتي
طرابيزات عليها 6 كراسي قاعد عليها فردين وشاغلين بقيه الكراسي بشنط ومفاتيح ومخلصين اكل وقاعدين بيهضموا
طبرماتقوموا ووتوسعوا مكان لغيركم
طب ياست في كراسي فاضيه ممكن نقعد جمبكم
ﻻء ماينفعش اصل احنا مستنين ناس
ماشي
في الترابيزات اعاليه الطويله دي
اﻻقي واحد ست مقعده وﻻدها علي الترابيزه بطولها والكراسي فاضيه حاطه عليهاشنط واكياس
طب ياست قعدي وﻻدك علي الكراسي نصف الترابيزه هايفضي
ﻻء هما عايزين يقعدو كده
طب ماناكلش يعني ماليش دعوه
كله هكذا
مفيش اي فهم وﻻ زوق
لحد ماﻻقيت ترابيزه عليها شويه شباب بيخلصوا اكلهم
قالولي تعالي ياحاج احنا قربنا نخلص
ولسه برص اﻻكل
لقيت واحد بيقولي انا حاجز الترابيزه قولت له نعم
حاجزها من مين ان شاء الله
ياراجل عيب عليك انا قومت الشباب قبل ما يخلصوا
والله زوقيا مني قسمت الترابيزه معاه
مفيش مراعاه وﻻ احساس كله همه نفسه
المكان يتسع لكن اللي استولي علي حاجه خلاص
وضع يد
اللي شوفته النهارده حاجه غريبه فعلا المفترض انهم ناس كويسه

الناس الكويسة ماتت..

للاسف هو دا حال الشعب المصرى دلوقتى.
99% منه اقول ايه بس ربنا يهديهم .
انا باتعرض لموقفك دا كتير بس باتعامل حتى لو وصلت اننا ناخد الاكل وناكل فى العربيه ونرجع نكمل الخروجه جوا المول.

أخلاق الزحام تختلف عن الظروف العادية
حتى في أرقى الاماكن ، سوف تجد تصرفات غير مفهومة
كنت معزوم مع أسرتي في أحد الفنادق الكبرى
الحضور كلهم المفروض مستوى اجتماعى معقول
ونظرا لان البوفيه مفتوح شفت العجب ، يعني ممكن فردين فقط ياخدو صينية الحلويات كاملة
رغم تنبيهات المشرفين على البوفيه ان جميع الاصناف متوافرة وسيتم توفير المزيد
في النهاية ، 90% من الطعام في الزبالة
لسه قدامنا كتير

أخلاق الزحام معروف انها مختلفة عن اى اخلاق تانية لدرجة ان العلماء عملوا اكثر من تجربة حتى على الحيوانات و اتاكدوا ان اى كائن حى بيتعرض للزحمة بيبتدى يبقى سلوكه عدوانى و انفعالى.
عموما الحمد لله انا مليش فى خروجات المولات دى خالص انا باحب ال Outdoor جو النيل و التمشية و الحاجات دى :)

اقتباس:

---

المشاركة الأصلية كتبت بواسطة hilal

أخلاق الزحام تختلف عن الظروف العادية
حتى في أرقى الاماكن ، سوف تجد تصرفات غير مفهومة
كنت معزوم مع أسرتي في أحد الفنادق الكبرى
الحضور كلهم المفروض مستوى اجتماعى معقول
ونظرا لان البوفيه مفتوح شفت العجب ، يعني ممكن فردين فقط ياخدو صينية الحلويات كاملة
رغم تنبيهات المشرفين على البوفيه ان جميع الاصناف متوافرة وسيتم توفير المزيد
في النهاية ، 90% من الطعام في الزبالة
لسه قدامنا كتير

---

قلبي معاك يا هوجان ... حد يخرج في العيد يا راجل !!!!!!!!

لا البوفيه المفتوح في مصر فضيحه بكل المقاييس
مش هتانسى انا و زمايلي الفرنسيين و احنا في استوديو مصر في رمضان و المصريين عملم ايه في البوفيه المفتوح ...........كانت فضيحه حضاريه ... وكنت مكسوووووووووووووووووووووو ف

نفس الموقف ده اتعرضت له فى كايروفيستيفال فى رمضان وقت الفطار طلبنا اكل انا واسرتى وكان فى ناس مسيحين اعدين يكلو قبل الفطار , اقسملك بالله روحت استأذنهم وقت الفطار قلولى لا احنا مستنين ناس , وعارفين اننا صايمين ومش لاقين مكان نعد فيه !!!

اقتباس:

---

المشاركة الأصلية كتبت بواسطة adorehearts

نفس الموقف ده اتعرضت له فى كايروفيستيفال فى رمضان وقت الفطار طلبنا اكل انا واسرتى وكان فى ناس مسيحين اعدين يكلو قبل الفطار , اقسملك بالله روحت استأذنهم وقت الفطار قلولى لا احنا مستنين ناس , وعارفين اننا صايمين ومش لاقين مكان نعد فيه !!!

---

ده اسمها عفانة

في اوقات الاعياد و الاجازات الرسمية تقعد في البيت احسن… انت بتخرج عشان تتمتع و اعصابك تهدي مش عشان تتخانق وانت سايق وو انت في محل و وانت في ملاهي و و وو.…

المصرييين بالذات هم اللي بيعملو كده وبعض الجنسيات الاخري من نفس المستوي والمشكلة انهم بيغلطو اللي بيعترض
كنا في الحرم في رمضان والدنيا زحمة وانا شايل الولد وواقف مش لاقي مكان اقعد فيه والولد عاوز يرضع والست وجوزها مصريين حاجزين المكان بشنط وكرسيين جيت اميل الشنط زعقت وقالت ده مكان ناس راحت الحمام وجايه لقيت باكستاني نايم ومعاه ابنه نايم جنبه قعدت جنبهم قام الباكستاني وقالي محجوز قلتله لما يجي هقوم راح شال ابنه وحطه جنبي وبيقول ده مكانه قلتله الواد هياخد الرضعه واقوم الواد خلص من هنا الرضعه والصلاه دخلت ورفعو الاذان الناس قامت تصلي وبقي فيه اماكن صليت والولد جنبي وجيت اقعد لقيت الباكستاني بيطردني وبيقولي قوم امشي طيب المكان واسع لا قوم والست المصرية وجوزها بيحامو للباكستاني ويقولو ده مكان قوم منه مرضتش اقوم وقلتلها خليكي في حالك - واحد باكستاني تاني قاله المكان واسع بتضيق عليه ليه تعالي جنبي طبعا بيكلمه بالباكستاني ومش فاهم حاجة غير من اشارته له والتاني بيرد عليه وقال كلمة مصري فرعون - المهم انه وسع وبقي فيه مكان كبير والناس مزحومه وطلع السبب ان الباكستاني حاجز مكان لولاده التلاته اللي هم قاعدين مع الحريم عند امهم لكن رايحين جايين يعني حاجزين مكان عند الحريم وعند الرجالة
المهم في الموضوع ان فيه واحد مصري جه فالست قالتله اتاخرت يابو فلان النهارده احنا قلنا انت هتيجي بقي ع المغرب قال لها انا جيت قبل العصر بس كانو مانعين الدخول يعني عمنا الحاج كان في البيت مش في الحمام - قالت له اصل فيه واحد كان عاوز يقعد مكانك قالها كنت قعدتيه ياستي وانا لما اجي هلاقي مكان ومفيش قعد بالزبط 10 دقايق وخد بعضه وقام عند واحد قريبة
دي اخلاق المصريين وبعض الجنسيات في الزحام
مايسمي الحجز
الحل معاهم هقعد لحد ما اللي انت حاجز له يجي مش عاجبك اتخانق يالا

انا بخرج فى الوقت الل الناس مبتخرجش فيه وبرضه المصيف بروح فى 5 او 9

الخروج في العيد للغسح اصبح مرمطه للاسف

معلش ياباشا محدش يخرج فى العيد ويقول الشباب خلصت اكل ومش عايزه تقوم

اقتباس:

---

المشاركة الأصلية كتبت بواسطة hilal

أخلاق الزحام تختلف عن الظروف العادية
حتى في أرقى الاماكن ، سوف تجد تصرفات غير مفهومة
كنت معزوم مع أسرتي في أحد الفنادق الكبرى
الحضور كلهم المفروض مستوى اجتماعى معقول
ونظرا لان البوفيه مفتوح شفت العجب ، يعني ممكن فردين فقط ياخدو صينية الحلويات كاملة
رغم تنبيهات المشرفين على البوفيه ان جميع الاصناف متوافرة وسيتم توفير المزيد
في النهاية ، 90% من الطعام في الزبالة
لسه قدامنا كتير

---

ثقافه الزحمه يا ساده

فــ العيد متخرجش من البيت خالص .

فـ الأيام العادية متخرجش بردو .

دور علي شغل يكون من البيت . freelancer مثلا .

يفضل تعليم ولادك يكون online self study . المدارس مش هتزودهم غير إحتكاك بفئات ضاله .

تجنب مصر والمصريين لحد ماتسافر .. وفــ الغربه تجنبهم بردو .

اقتباس:

---

المشاركة الأصلية كتبت بواسطة graffittiii

فــ العيد متخرجش من البيت خالص .

فـ الأيام العادية متخرجش بردو .

دور علي شغل يكون من البيت . freelancer مثلا .

يفضل تعليم ولادك يكون online self study . المدارس مش هتزودهم غير إحتكاك بفئات ضاله .

تجنب مصر والمصريين لحد ماتسافر .. وفــ الغربه تجنبهم بردو .

---

ده عبارة عن ايه freelancers

يا أخي كأنك بتتكلم عني بالضبط

كنت في كارفور سيتي سنتر عندنا في إسكندرية تاني يوم العيد

وبرضه كنت عاوز أتغدى

رحت على منطقة المطاعم ...شوف نفس اللي حصل معاك بالضبط وهتعرف ليه دلوقتي ..

المهم ..شفت كل واحد من الأولاد عايز ياكل إيه والمدام برضه وعملت الأوردر

جينا بقى لأقذر لحظه ..إنك تتعامل مع الناس وتشوف مكان فاضي

مش عايز أقولك بقى ..ناس حاجزه كراسي عشان تقعد عليها الشنط بتاعتها

ناس لغاية ما قامت وسابت المكان وإنت متعرفش أصلا مين اللي كان حاجز الكرسي الفاضي اللي كان في القعده ..يعني لما رحت أستأذن في الكرسي قالولي محجوز ..ولغاية ما قاموا اللي محجوز ليه الكرسي ده مجاش

ناس سايبين طفله عندها تلات سنين هي وأخوها اللي ميفرقش عنها كتير في السن وكل واحد واخد فيهم كرسي لوحده وهما أصلا مش موجودين ..اللي هما الأب والأم ..يعني ممكن أي حد يسحب عيل من الإتنين ولا حد هيحس بيهم

مكانش في حل قدامي غير إني أشوف أي حد بيقفل وخلاص ناوي يقوم وأول ما قام حتى ما أستأذنتش منه ..قمت ساحب الكرسي من تحت منه ...أنا متهيألي لو فكر يرجع يقعد تاني في نفس اللحظه كان هيقع لإنه ما أخدش باله إني سحبت الكرسي منه لإني كنت واقف في ضهره ..وطبعا المدام فضلت مستنيه لغاية ما لاقت واحده سوريه كانت مخلصة أكلها وأول ما قامت أخدت منها كرسي ..وكان في كرسي واحد ساحبه وماشي بيه وحطه قدام ترابيزه وسابه ..تقريبا راح يجيب كرسي تاني قمت أنا واخده ...

آه ..ده غير الناس اللي خلصت طفح طبعا وقاعدين مفكرين نفسهم قاعدين في كافيه ..قاعدين بقى ضحك وهزار وشغل كله قلة ذوق وهبل ..

المكان ده مخصص للأكل بس ..ومعمول مخصوص لمرتادي المطاعم دي ..يعني حضرتك بتقعد على الكراسي دي فري ...ما بتدفعش مقابل خدمه..وده مقابل إنك تخلص أكلك وتقوم تسيب غيرك يقعد ..هما بقى سايقينها ..يخلصوا أكل ..ويقضوها قعاد ولعب في الموبايل والتاب ..وأهي قعدة ببلاش كده

نفس اللي بيحصل معايا بالضبط لما أبقى في باركنج ..ومش لاقي مكان أركن فيه ..وألاقي واحد ركب عربيته هو ومراته وعياله والمفروض إنه هيطلع بالعربية ...أبص ألاقيه بعد ما ركب العربية قاعد مكانه ما بيعملش حاجه ..وقاعد يرغي مع المدام ..أفضل أنا واقف بتاع عشر دقايق وهو عمال بيرغي..ولا دور عربيته ولا طلع من مكانه ..أو تلاقيه قعد يلعب في الموبايل ..الله ..طيب ما دام ركبت عربيتك إطلع بقى وسيب المكان لغيرك ..لأ ..ده تلاقيه طالع يكمل الخروجه بتاعته في العربية ..

فعلا ..حاجه تغيظ

مش بس المولات والنوادي كمان ، تلاقي اسرة مكونه من اربع او خمس افراد وحاطين حواليهم عشر كراسي ولو طلبت منهم كرسي من العشره يقولك محجوز ويفضل الكرسي محجوز بالساعات جنبهم فاضي والناس دايخه على كرسي تقعد عليه

الموضوع ده بقى عادى فى مصر كلها تروح اى فود كورت تلاقى واحده قاعده مع ابنها الصغير على ترابيزة ل 4 افراد و تلاقى ناس قاعدة وخلصت و شايفة ناس واقفه فى ايديها الاكل و عاملة من بنها انا لما بكون باكل و شايف حد شايل الاكل بحاول اخلص بسرعة علشان اقعده مكانى .

بس برضه حضرتك غلطان لانك افترضى ان اى حد فى كايرو فستيفال معاه فلوس و بالتالى يكون من (( الناس الكويسين ))

زى ماحضرتك قلت


عمر مالفلوس بتخلى الواحد كويس او نضيف حتى لو استحمى بفلوسه كل يوم اللى مش نضيف حيفضل مش نضيف ومشيها اللى مش نضيف بلاش لفظ تانى علشان الحظر :grin21:

اقتباس:

---

المشاركة الأصلية كتبت بواسطة ahmed abdkarim

الموضوع ده بقى عادى فى مصر كلها تروح اى فود كورت تلاقى واحده قاعده مع ابنها الصغير على ترابيزة ل 4 افراد و تلاقى ناس قاعدة وخلصت و شايفة ناس واقفه فى ايديها الاكل و عاملة من بنها انا لما بكون باكل و شايف حد شايل الاكل بحاول اخلص بسرعة علشان اقعده مكانى .

بس برضه حضرتك غلطان لانك افترضى ان اى حد فى كايرو فستيفال معاه فلوس و بالتالى يكون من (( الناس الكويسين ))

زى ماحضرتك قلت


عمر مالفلوس بتخلى الواحد كويس او نضيف حتى لو استحمى بفلوسه كل يوم اللى مش نضيف حيفضل مش نضيف ومشيها اللى مش نضيف بلاش لفظ تانى علشان الحظر :grin21:

---

ما هو المشكلة إن في ناس مش فاهمة طبيعة المكان ..يعني هو خلاص ..إتسمم..وأنا آسف في اللفظ ..إتسسم وخلص أكل ..قوم بقى ..في كافيهات تانيه في المكان ممكن تروح تتلقح في أي واحد منهم وتقعد وتأنتخ وتلاقي واي فاي كمان عشان تخش على النت بالتاب ولا الموبايل اللي إنت قاعد تلعب فيه ده وسايبنا واقفين ...بس تعمل إيه بس ..

أنا آسف على الألفاظ بس من غيظي ..أصل الموضوع ده لسه حاصل معايا تاني يوم العيد

ياسيدي الفاضل ده الطبيعي اغلب الناس مفيش دم ولا احساس وطمعين ده حال الشعب المصري

اولا كل عام وانتم بخير
ثانيا العيشة فى البلد دى اصبحت شئ مهين
لعل حضرتك خدت عظة انك ما تخرجش بعد كدة فى العيد