ايه احسن نوع جهاز انذار؟؟؟

**pharonicking** · 17-11-2008 02:26 AM

انا انشاء الله حستلم عربيتى اليارس الجديدة كاملة مانيوال وهى مفيهاش جهاز انذار فكنت عايز اعرف ايه افضل نوع؟ وسعره كام ؟؟؟؟واجيبه منين؟ علما بانى من سكان المنصورة "" :wacko:

**pharonicking** · 17-11-2008 02:52 AM

ايه ياجماعة ؟؟؟ فين الناس الحلوة؟

**Mohamed_Ibiza** · 17-11-2008 02:54 AM

والله ياباشا انا مرة سالت الكهربائي بتاعي على افضل جهاز انذار

قالي هات صن وان

والله اعلم

ان شاء الله حد يفيدك

**ahmedfouad** · 17-11-2008 03:33 AM

يا باشا الف مبروك

وربنا يديلك خيرها ويكفيك شوها ويحفظك من العين ومن كل شر

ان لما جيت اركب ناس قالولى وولف

ولاقيت مابين مؤيد ومعارض فصرفت نظر

وروحت عند امبير اللى فى عباس العقاد لاقيت عنده نوع كان نازل جديد اسمه uno تايوانى وقالى فيه شعر

وفعلا ركبته وبسم الله ما شاء الله شغال تمام التمام وفيه ميزة
ان لو انت نسيت العربية مفتوحة بعد مشوار وطلعت
بيقفل العربية لوحده فى خلال 20 ث

بس ده عيب بردوا لانك ممكن تسيب المفاتيح وتنزل تشترى حاجة تلاقى العربية قفلت

اسال يا باشا وقرر

**koko_mcgiver** · 17-11-2008 03:58 AM

فية بردو نووع اسمة سيمفوني جيل جدااا والريمووت في المفتاح كمااان يارب ان اكوون افدتك

**ahit** · 17-11-2008 04:04 AM

السلام عليكم
انا كنت زيك محتار مابين الأراء و الأنواع و بعد لف و دورن و مابين الصينى و التايوانى و المصرى وصلت للأتى:
ولف أفض نوع وعملى جداً ( تقنية إنجليزية و تصنيع و تقفيل مصرى ) ضمان خمس سنوات و فيه خواص كتير زى إن ممكن يقفل لوحده بعد 20 ثانية و كمان يديك تنبيه بعد 10 ثوانى من قفل الباب و ممكن يدى سارينة عند الرجوع مارشدير و ممكن يقفل الكونتاكت طالما اللوك شغال يعنى العربية مادورش و غيره
بس كل دا يعتمد على الكهربائى النظيف اللى هايركبه و يعرف يوصل الدواير صح عشان يشغل الخواص دى
كمان لو حصل فيه أى حاجة سهل جداً تغيره من التوكيل مباشرة بجسر السويس
فيه منه أشكال كتيير و كمان متوفر أشكال كتير للريموت مفتاح زى اللى جبته
سعره معقول جداً من 130 جنية الى 180 جنية
و دا شكله :
إنزار ريموت

و دا مفتاح بالريموت و هو أغلاهم و فى منه أشكال

و طبعاً فى أنواع تانية كتير غالية جداً صنى تايوانى بس معرفش عنهم حاجة

و كمان فى مواضيع كتير فى منتدانا العظيم دا بتتكلم عن الإنزار و السنتر و كل الكماليات
إعمل بحث و هاتلاقى معلومات كتير تسفيد منها

و مبروك العربية الجديدة و ربنا يباركلك فيها