شراء شقة في الزقازيق

**dongol123** · 21-07-2015 02:03 AM

المشاركة الأصلية كتبت بواسطة volociximab

الزهور و عند موقف المنصورة
و كده كده انت جنب القومية
فيه شقق رخيصة عند المصرية بلازا ماعرفش ليه
انا شخصيا مبحبش القومية باتخنق منها
مشكلة الزقازيق اسعار غالية جدا و شقق غير مرخصة و مبنية بعد الثورة بالمخالفة و علنى
يعنى كلمت شركة قالولى البرج لغاية الدور الرابع مرخص و بعدين لغاية الدور 11 غير مرخص
ماعرفش بقى مبنى حلو و لا ورق
و اعرف واحد شارى فى الزهور شقة ب700 الف و غير مرخصة
لو ميزانيتك اعلى ممكن اقولك شوف ابراج المحلج
لو عايز ارقام سماسرة ممكن ابعتلك على الخاص انا لفيت عليهم واحد واحد عشان شقة اتزوج فيها و فى الاخر سكنت خارج الزقازيق

اكون شاكر لحضرتك لو تبعت لي ارقام السماسرة علي الخاص
الميزانية اللي انا قلت عليها ممكن ازود عليها مبلغ صغير لو لقيت حاجه مناسبة

**dongol123** · 21-07-2015 02:06 AM

المشاركة الأصلية كتبت بواسطة volociximab

طبعا ابعد عن شارع فاروق
ابعد عن البرج الابيض فى شارع فاروق لانه فيه تقريبا مشكلة على الارض
ممكن تلاقى قبل التجنيد و عند الزراعة بس تعتبر منطقة امتداد شارع فاروق و مش مستوى قوى
لو مسكنتش فى منطقة نظيفة فى الزقازيق متسكنش احسن

شارع فاروق زوجتي مش عايزة تسكن فيه لانها بتقول عليه منطقة البلطجية. انا طبعا ما اعرفش هل فعلا هو كدة ولا لا لاني مش من الزقازيق

**dongol123** · 21-07-2015 02:10 AM

المشاركة الأصلية كتبت بواسطة ahmed_morsy

بص حضرتك سيبك من القومية لانها زحمة جدا ومقرفة تقريبا كل الناس بتخرج فيها وخصوصا المناسبات ويوم الخميس وطبعا معاكسات ولبس وقلة ادب
عندك الغشام فيها شوارع 8 وفيها شوارع 10 ميزتها انها لازقة فی القومية اللی فيها المصالح ومحلات اللبس والمطاعم الخ ومعظم اللی ساكنين فئة راقية اطباء ومهندسين واساتذة جامعة ولكن لسه جديدة ومش زحمة وليها 3 مداخل وبالميزانية ده ممكن تجيبلك شقة علی الرئيسی بس فی حدود 110 متر
عندك الزهور او المعلمين وده حتة راقية جدا وقصاد الجامعة وشوارع واسعة وهادية خالص
وعلی فكرة كنت شوفت شقق عند الزراعة 120 متر تنفيذ شركة مش مالك وحتة راقية والسكان ناس محترمة وبعيدة تماما عن الزحمة وجمبك بالظبط هايبر ماركت ومسجد محترم بس للاسف كنا دفعنا مقدم شقة تانية وكانت320 الف ولكن لقطة الحقيقة

ممكن حضرتك تقولي اوصل لشقق الزراعة دي ازاي ويا ريت لو كمان تقولي اشتريت فين ممكن نبقي جيران ان شاء الله

**Ahmed_Morsy** · 21-07-2015 02:25 AM

احنا اشترينا فی الزهور بحوالی 500 الف وشارع 10 متر وانا حاليا مقيم فيه
واشترينا شقة تانية فی الغشام شارع 8 متر 160 متر ب 440 الف تقسيط علی سنتين
https://www.google.com.eg/url?sa=t&s...yGLFrDnmMHpRDA
ده اللينك بتاع الزراعة ممكن حضرتك تتواصل مع المعلن
وای استفسار تانی تحت امرك وان شاء الله تشتری حاجة كويسة

**banzai** · 21-07-2015 03:41 AM

مفيش حاجه اسمها ......................... , الزقازيق عباره عن .............................................. , فلل الجامعه دى ........................................كده و كلها ......................... زيها زى ش الغشام , ............................................ ولا خروجه حلوه و تلاقى اسعار خرافيه
لو عايز حته هاديه عليك و على تقسيم المعلمين جنب حى الزهور بعد المغرب مفيهاش صريخ ابن يومين و دى نعمه يتمناها
كل اللى عايش .................................................. ...............

انذار ووقف اسبوع لمخالفه القاعده رقم (12) من قواعد المنتدى

يرجى مراعاه الاداب العامه ومراجعه قواعد المنتدى
م.ع 5
21-07-2015
3:00pm

**mastr_n** · 21-07-2015 04:42 AM

المشاركة الأصلية كتبت بواسطة banzai

مفيش حاجه اسمها .................... , الزقازيق عباره عن ................................. , فلل الجامعه دى ............................. و كلها ............................ زيها زى ش الغشام , .......................................... ولا خروجه حلوه و تلاقى اسعار خرافيه
لو عايز حته هاديه عليك و على تقسيم المعلمين جنب حى الزهور بعد المغرب مفيهاش صريخ ابن يومين و دى نعمه يتمناها
[color="red"].................................................. .......................[/color

مشاركة سيئة
الفاظ صعبة بصراحة

**volociximab** · 21-07-2015 07:06 AM

شارع فاروق بينضرب بيه المثل فى الشرقية كلها

**volociximab** · 21-07-2015 07:33 AM

هو فين الحناوى دى؟
الى قبل التجنيد؟

**banzai** · 21-07-2015 08:00 AM

المشاركة الأصلية كتبت بواسطة mastr_n

مشاركة سيئة
الفاظ صعبة بصراحة

ههه
الصوره دى عند مدخل الشىء اللى اسمه المصريه بلازا اللى الناس بيتحاكو بيها علشان حاططلى فيها أدوس و مرجيحه

قالك الفاظ صعبه

**michohat** · 21-07-2015 11:49 AM

الزقازيق بصفه عامه اسعار العقارات فيها مغال في ثمنها بشكل كبير لزياده الطلب وانخفاض المساحه المتاحه للسكن فيها

منطقه الحناوي دي منطقه واقعه ما بين شارع فاروق والزراعه وجنب منها ارض كليه الزراعه اللي حاليا بقت مباني
الحناوي منطقه هاديه في بعضها ولكن يسؤها قربها من مناطق شارع فاروق و مجاورتها لمساكن الفواخير

الغشام متوسط اسعار الشقق فيه الرينج اللي انت حاطه بس نقطه الادوار المخالفه دي لازم تاخد بالك منها

ممكن تحسبها اكتر هل شراء شقه افضل ولا تأجير شقه فتره الاجازه وده اللي هيحدده طول مده اجازتك
تأجير شقه في الاول ممكن يعرفك انهي منطقه انسب لك لو ناوي تشتري