شراء شقة في الزقازيق

**mr_vampire** · 21-07-2015 05:14 PM

مجرد راي ممكن حضرتك تفكر فيه.

انا زي حضرتك مغترب وكنت فمكانك من سنة بس مكنش عندي شقة اتجوز فيها حتي. فكان ادامي حل اني ااجر شقة وافرشها عشان اتجوز فيها واشون فيها العفش عشان شهر اجازة كل سنة وفالغالب عفش ومطبخ مش هينفع علي شقة بمقاسات وتصميم تاني وكمان مش منطقي ادفع ايجار سنة عشان شهر بنزله اجازة. فربنا هداني لحل وربنا يسرلي الحال. دفعت اللي معايا واللي كنت هفرش بيه الشقة الايجار في شقة تمليك. واجرت شقة مفروشة اتجوزت فيها وهستمر علي موضوع ايجار شقة مفروشة فترة الاجازة لحد ماخلص تشطيب وفرش شقتي.

ففكر فموضوع شقة مفروشة فترة اجازتك وتعد معزز مكرم فسوبر سوبر سوبر لوكس ملك زمانك وتعد مرتاح انتا واسرتك. مهما كانت غالية مش هتبقي زي ايجارك فالغربة وانتا مغترب وعارف الايجارات برا عاملة ازاي.

وربنا يوفقك واجازة سعيدة ان شاء الله.

**hon** · 21-07-2015 05:43 PM

المشاركة الأصلية كتبت بواسطة hilal

عاوز تشتري في الزقازيق؟
أدعوك للتفكير جيدا قبل اتخاذ القرار
محافظة بها شعب طيب ،
ولكنها بدون خدمات حقيقية
ولا تختلف عن أي قرية سوى في شوية ابراج سكنية لا معنى لها
وزحام لا يطاق بالشوارع بدون سبب حقيقي
فلا توجد بها أماكن ترفيهية ولا سياحية ولا تسوق ولا جامعات محترمة أو مستشفيات حديثة
وكل من أعرفهم من الزقازيق يسافرون القاهرة لشراء احتياجاتهم لعدم توافر محلات محترمة

انصحك كما ورد باقتراح أحد الزملاء بتأجير شقة مفروشة فترة الاجازة ، واستثمر فلوسك في مدينة أخرى

حضرتك ساكن فى الزقازيق؟
مع أحترامى لحضرتك الزقازيق مش قرية ولكن مدينة متوسطة مش حقول هاى ومش حقول واقعة
مشكلة المدينة هى الحزام الزراعى الى مانع تمدد المحافظة واصح مشكلتها التكدس المرورى
معرفش مين صاحب حضرتك الى مش لاقى حاجة يشتريها ومش لاقى محلات محترمة مع انو فيها
( كنتاكى - بيتزا هت - لابوار - بى تك -سرار اوت ليت- رافين اوت ليت -أم حسن - مؤمن - كوك دور- واكتر من 6 فروع هايبر ماركت محترمة جدا )
بعترف ان فى أزمة فى المناطق الترفيهية وبالنسبة للجامعات جامعة الزقازيق ودى عشان تعرف جامعة كبيرة جدا وتابع ليها مثلا جامعة بنها وبعض فروع الكليات بالقاهرة - المستشفيات الحديثة فى مستشفى التيسير الدولى محترمة جدا ومستشفى العبور دا غير عيادات الدكاترة الى بيجيلها ناس من اسماعلية والعاشر من رمضان لان معروفة الزقازيق عشان الجامعة زى المنصورة كدا متميزة فى تخصصات الدكاترة
تحياتى

**ahmedsrs** · 21-07-2015 06:23 PM

كلام العضو hon صحيح الزقازيق مدينة كبيرة ولكن ينقصها اماكن الترفيه ومخنوقة بالاراضى الزراعية وعشان كده تم انشاء مدينة العاشر من رمضان وهى احد مراكز الزقازيق والكل عارف انها مدينة منظمة ومنسقة وواسعة فالى عاوز يسكن سكن محترم وسعر معقول يطلع على مدينة العاشر وهى لا تبعد كثيرا عن الزقازيق

**hilal** · 21-07-2015 06:57 PM

المشاركة الأصلية كتبت بواسطة hon

حضرتك ساكن فى الزقازيق؟
مع أحترامى لحضرتك الزقازيق مش قرية ولكن مدينة متوسطة مش حقول هاى ومش حقول واقعة
مشكلة المدينة هى الحزام الزراعى الى مانع تمدد المحافظة واصح مشكلتها التكدس المرورى
معرفش مين صاحب حضرتك الى مش لاقى حاجة يشتريها ومش لاقى محلات محترمة مع انو فيها
( كنتاكى - بيتزا هت - لابوار - بى تك -سرار اوت ليت- رافين اوت ليت -أم حسن - مؤمن - كوك دور- واكتر من 6 فروع هايبر ماركت محترمة جدا )
بعترف ان فى أزمة فى المناطق الترفيهية وبالنسبة للجامعات جامعة الزقازيق ودى عشان تعرف جامعة كبيرة جدا وتابع ليها مثلا جامعة بنها وبعض فروع الكليات بالقاهرة - المستشفيات الحديثة فى مستشفى التيسير الدولى محترمة جدا ومستشفى العبور دا غير عيادات الدكاترة الى بيجيلها ناس من اسماعلية والعاشر من رمضان لان معروفة الزقازيق عشان الجامعة زى المنصورة كدا متميزة فى تخصصات الدكاترة
تحياتى

الزميل العزيز
يبدو أنك فهمت من كلامي انني أهاجم الزقازيق
بالعكس تماما ، أنا أقصد انها من المحافظات المظلومة خدميا
ولعلك تعرف أن أعلى نسبة من الاصابة بالسرطان بين المحافظات موجودة بالشرقية
طبعا أعرف أن بها جامعة حكومية قديمة أسسها المرحوم طلبة عويضة ، ولكن كيف حال التعليم فيها؟
وبرغم أنها من المحافظات التي لها ظهير صحراوي كبير من جهة الشرق ولكن للأسف لا توجد خطة لجذب الاستثمارات. وهذا لا يليق بمحافظة كبيرة أن تكون عاصمتها متروكة للاهمال وانعدام التخطيط.
تحياتي لكل أحبابي من أهل الشرقية

**volociximab** · 21-07-2015 08:02 PM

على ما سمعت مشكلة العاشر انك بتحتاج تجيب طلباتك من بلبيس

**hon** · 21-07-2015 10:09 PM

المشاركة الأصلية كتبت بواسطة volociximab

على ما سمعت مشكلة العاشر انك بتحتاج تجيب طلباتك من بلبيس

هى دى مشكلة السمع مع المصريين ياباشا
يعنى بلد فيها هايبر ون ومنافذ لجميع المصانع وحيجيبوا برضوا حاجتهتم من بلبيس؟
تحياتى

**michohat** · 21-07-2015 10:46 PM

مفيش حد من العاشر من رمضان بيحتاج يجيب حاجه من براها
بعض اماكن العاشر من رمضان تستلزم وجود سياره
ولكنها كمدينه مخططه جيد جدا

**volociximab** · 22-07-2015 03:35 AM

طب مادام كده انا برضه اخطط اشوف شقة
و طبعا اسعار الزقازيق فى شقة مش مرخصة مستحيل اشترى شقة
صاحبى دافع مليون فى شقة مش مرخصة
و ليس امامى الا ان اشترى فى بلدنا التى تبعد 20 كيلو او العاشر
السؤال طبعا العاشر كانت فى الاصل صحرا و مجاوره عن مجاوره تفرق-و لمت من مصر الحلو و الوحش
فما هى انظف مجاورات العاشر؟

**hugan** · 22-07-2015 03:49 AM

العاشر جميله جدا
كان عندي بيت فيها وبيعته
كل ما تحتاجه موجود في العاشر
اللي اعرفه ان افضل المجاورات هي حتي 27
بعد كده خلاص وكمان المجاورات وصلت حاجه وثمانين
الزقايق مخنوقه بطريقه غير عاديه لدرجه الوفاه