مشكلة فى سيات قرطبة ٩٤ ياريت الحل

اولا كل سنه وانتو طيبين معلش انا عارف انى بسال فى وقت الناس فيه هتكون مشغولة بالعيد بس قولت ارخم عليكم علشان انا فى الجيش وقاعد فاضيلكو بقى :-) انا اخير وبعد لف وتدوير وحيرة بين العربية دى والعربية دى واسمع كلام من هنا ومن هنا وده يقولى حلوة وده يقولى بلاش منها :-) انا اخيرا جيبت سيات قرطبه موديل ٩٤ هاف بور تكييف سنتر انزار زجاج كهرباء فتحة سقف كهربا جنوط سبور وسبويلر خلفى وموتور ١٤٠٠ هاف انجيكشن وشوية حبشتكنات كده فى عدة الصوت والكاسيت المهم المشكلة بقى انا لما بكون راكب جوه بسمع صوت الموتور عالى قوى وبحس ان العربية بتبقى مخنوقه شوية لما الاار بى ام بيكون تحت ٢ اول ما بيطلع فوق ٢ بحس ان الموتور بيسحب جامد اوى لدرجة انى بحلاقى نفسى بتشد فى الكرسى لورا ومش عارف خنقة الموتور دى ليه ده اولا ثانيا انا لما بكون ماشى فى طريق مش ممهد او بمشى على القطع الحديد الى بتكون محطوطه قبل اى مطب دى بسمع صوت ترزيع جامد اوى فى العربية ومش عارف ده سببه ايه ثالثا انا لما بكون ماشى على سرعة من اول ٨٠ فيما فوق بلاقى التارة بتترعش جامد تحت ايدى وان العربية بتروح وتيجى معايا على الطريق مع العلم انى لما بصيت على مقاسات الكاوتش كان ٣ منهم مقاسهم ١٩٥ /٥٥/١٥ وهما اتنين قدام وواحد ورا اما التانى الى ورا فكان مقاسه ١٩٥ /٥٠ /١٥ ولما سالت واحد صاحبى هل ده يكون سبب للى بيحصل فى التارة قالى لا السبب ان العربية محتاجه ظبط زوايا وترصيص فهل كلامه صح ولا غلط واسف انى طولت عليكم باسالتى وشكرا ليكو ومرة تانية كل سنه وانتو طيبين :-)