عرض للطباعة
السلام عليكم ،،
كنت عايز اشتري من على النت كاميرا نوعها:
(Canon EOS Rebel T5i (700D
بحكم انها ارخص من هنا طبعا (مصر)
فكنت عايز اعرف اجمالي اللي هدفعه من ضرائب وجمارك وهكذا لحد ما استلمها..
الكاميرا دي هشتريها ب $879.99 من على موقع وهتتشحن للبيت
هتعمل كام مصري
وهل هتتجمرك ولا لا؟ وفيه حاجة تانية هتدفع في مصر غير الجمرك ؟
ياريت اللي مجرب او اللي فاهم يساعدني
شكرا
اعتبر نفسك هتدفع من نص تمنها الى اد تمنها تانى
ده ملخص القصه من اول الضريبه فى بلدها (لو فى) لغايه باب بيتك مرورا بالشحن الداخلى فى بلدها الى الشحن الدولى الى تقدير سعرها من موظف الجمرك الى الجمارك المصريه الى ضريبه المبيعات المصريه الى م التخليص والذى منه..شوف موقع شراء زى ادفعلى يقولك التكلفه
اخى الكريم حياك الله
انا عايش فى السعودية وكان فيه زميل نازل مااااسر وطلب منى اشترى له 2 تاب من الصين من موقع ebay واخلى العنوان المرسل اليه الزقازيق حيث يعيش فى مااااسر لانه نازل نهائي وما عندوش فكرة عن الشراء عبر التسوق الاليكترونى
وكانت النتيجة من متابعة الشحنة برقم البحث انها وصلت ماااسر وبالتحديد مكتب البريد الرئيسي فى رمسيس ثم توقفت لمدة 10 ايام
لما نزل مااااسر راح لهم بنفسه ومن هنا بدات الماساة
اول شئ طلبوا 200 على كل تاب مخالصة جمركية
تصريح من مباحث الاتصالات
تصريح من شركة الاتصالات المااااسرية
وحاجة رابعة مش فاكرها لانه الموضوع فات عليه كام سنة
واضطر يبات فى القاهرة يومين يخلص الفيلم الهندى ده
اعتقد لو اشتريها شحن DHL هيكون الوضع مختلف واظن انك هتدفع الجمرك مباشرة فى شركة الشحن وتستلم بدون تعقيدات وممكن تسالهم
فيه شركات بتخصلص لك الموضوع كله وتوصل لك لغاية البيت الشحنة كان بعض الاعضاء عملوا بيها مشاركة قبل كدة
انا شوية دايس فى موضوع الشراء من على النت وعندنا فى السعودية مافيش جمارك ولا بتاع لكن كان فيه ناس حذروا من شراء كاميرات وبالتحديد من امريكا اللى بتكون رخيصة لان مواصفاتها ليست على المستوى ومافيش ضمان طبعا وممكن تكون refurbished
انا عندى نيكون 5300 شاريها من موقع اونلاين فى السعودية ارخص 1000 ريال عن الوكيل ولما رحت الوكيل لقيت نفس الكاميرا لكن الخامات مختلفة وانضف بكتير وناس قالوا انه المواقع دى بتجيب من امريكا بمواصفات اقل والله اعلم
زى موقع cam4sell وموقع saudi canon
اتمنى اكون افادتك وتقبل تحياتى
الكاميرا البند بتاعها القانونى فى الجمرك 30% و10% صريبه مبيعات
الكلام ده لو اتطبق بدون اى مصاريف تانيه زى مصاريف التامين + والتسعير لو السعر معجبش البيه المخلص طبقا للسوق طبعا او بمعنى اصح بيكون عندهم قائمه اسعار ثابته بيتمنوا عليها حسب البند الجمركى
يعنى لو الكاميرا جايه ارخص من السعر المتعارف عليه عندهم هيرفعلك سعرها تانى
وحاجه تانيه اشتريها من مصر علشان الضمان افضلك او حد يجبهالك من دبى سعرها هنا حلو ورخيص زى بره بالزبط
اقتباس:
المشاركة الأصلية كتبت بواسطة lonedoctor
اخي العزيز
هل يصعب عليك كتابة مصر بدلا من ماااسر
وهل تعتقد انك عندما تسخر من اسم مصرهل اكون سعيد وباقي اعضاء المنتدي
لماذا نبحث دائما عما يفتح الجدال والتفرقة بيننا
ايييوووواااااااااا مش عارف تكتب مصر صح ماتكتبهاش خالص ومش عجباك ما تقرفناش ......ماشفتش ناس كدة ابدا حاول تكتب اسم السعودية وتجاهر بذلك في اي موقع سعودي وشوف هيعملوا فيك اية ....اتق الله في بلد ذكرت في القرأن ايا كانت مشاكلها بلاش تشوية وتصهين ونشر لفكر معوج شاذ لان مافيش مصري هيتقبله ابدا وبلدنا عزيزة علينا زي بيتنا بالضبط واي حد بيتريق علي البلد يبقي بيتريق علي البيت وزي المثل ما بيقول ادعي علي ولادي واكره اللي بيقول امين ...دي مصر يااستاذ شئت ام ابيت وهتفضل مصر رغم انف سيادتك باسمها اللي سماه رب العباد ومهما حاولت انت ومن جندك تغير واقع فرضة الله قبل مجيئك وبعد رحيلك الي مثوي لا يعلمة الا هو
:bravo:اقتباس:
المشاركة الأصلية كتبت بواسطة Secret-Man
بس الراجل كابتها زي التاني ما قالها ...الله ..مش التاني اللي بيسميها ماسر؟؟؟؟ ...اقتباس:
المشاركة الأصلية كتبت بواسطة kaza
دة اللي بارد عليهاقتباس:
المشاركة الأصلية كتبت بواسطة lonedoctor
معلش يا جماعة انا باعتذر جدا ما اعرفش انه فيه ناس هتزعل كدة انا باهزر عادى ما اقصدش حاجة
الانسان دعييييييف
بس حلوة اوى موضوع انها مذكورة فى القرءان دى طيب مالروم مذكورة وابو لهب مذكور وابليس مذكور ومملكة سبا مذكرورة والهدد مذكور وحمار العزير مذكور وبقرة بنى اسرائيل مذكورة وعصا سيدنا موسى مذكورة وغيره وغيره ايه المشكلة عموما حصل خير
استاذي العزيز المهزراتي ....لكل انسان اماكن مقدسة في حياتة لا تحتمل الهزار زي الاسرة والبلد والدين والقرأن اللي ذكرت امثلة منه ....وحضرتك ممكن تهزر بس بحدود وانت تخطيت الحدود علشان دعيييف ....ومش من حقك ابدا تدخل منطقة حد تاني تهزر زي ما بتطالب ان ماحدش يدخل منطقتك وخصوصياتك ...ومصر زي ماقلتلك عايشة سواء بوجودك او عدمة وبتريقتك وهزارك ونيتك وزي ما بتتريق وتهزر طيب ما تهزر في السعودية اللي بتشكللك المأوي ومصدر الرزق وحتي تحيتك اللي بتنكر شخصيتك بيها برضة الهزار كتير والسعوديين ولاد نكته وفرفشة وبيحبوا الهزار جرب كده وقولي ....القرأن اللي برضة واضح انك بتتريبق علية ذكرت فية مصر في مواضع وايات جليلة تمثل الامن والامان والماوي للمطارد ومن يطلب العون وهي ممر الانبياء ان كنت تعرفهم وقاهرة طغاة الارض لو بتدرس تاريخ وام حضارات الدنيا ومصدر عزتنا وبرضة ماقوم لوط ذكروا في القرأن وقوم تبع وثمود وفارس بس مواضع ذكر كل امة دة الاساس وبقرة بني اسرائيل وحمار العزير مكانهم اية ياسيدنا وابليس وابو لهب اصحابك اللي بتستشهد بيهم وتقريبا ما تعرفش غيرهم ....مصر يااستاذنا عزيزة علينا كمصريين .....فيها مشاكل بس مش حقك تهزر ولا تذكرها بسوء لانها منطقتنا المقدسة وخد بالك مهما كرهنا البلد بس لو احتاجتنا بناكل من يجترء عليها حتي لو انت يامااااااسريييي يادعيييفاقتباس:
المشاركة الأصلية كتبت بواسطة lonedoctor
لا حظ اني كنت باتكلم في موضوع التسوق الاليكتروني ولم اتطرق لكل المواضيع العجيبة اللي انت ذكرتها
كلامك غير مهذب وفيه الكثير من الجهل لانه انت بتفسر الامور علي مزاجك لانه لو هنتكلم كلام اكاديمي منضبط بكلام العلماء ستجد انه مصر ذكرت في عدة مواضع في القران منها ما كان مرتبط بالهبوط والانحدار مثل اهبطوا مصر فان لكم ماسالتم ومنها ماكان مرتبط بالسجن كما في سورة يوسف وامراة العزيز ومان كان عليه النساء من فجور ومجون مش بس الامن والامان اللي انت فاكره ولا تعرف غيره ولا ادرى كيف تتهمني بالتهكم علي القران ولا اريد ان اعرف سعادتك باني من حملة كتاب الله باجازة ودارس للشريعة الاسلامية ايضا بالاضافة لكوني طبيب استشارى في تخصص دقيق
عموما النقاش لن يفيد وانا لا اريد الدخول في جدل يؤدى لفتنة والمجتمع اصبح في حالة انفعالية عجيبة تفسر فيه اي شي علي اساس سياسي
ولا ادرى ايه دخل السعودية في الموضوع لكن عموما واضح انه التركيبة النفسية للمواطن المصرى تغيرت كثيرا في الفترة الماضية والتي تركت فيها مصر 15 سنة واصبح لا يتميز بروح الدعابة والمرح التي كانت تميزه سابقا
ولا اريد الدخول في مهاترات واظن انه الافضل الرد في حدود سؤال الاخ صاحب المشاركة افضل
ربنا يصلح الحال
اللهم امين يااستاذنا الازهري الدكتور صاحب العلم الغزير واللي اقتصر عليك وبتنعت الناس بالجهل دون سابق معرفة ونرجسية وجدت لدي ناس معروفة للجميعاقتباس:
المشاركة الأصلية كتبت بواسطة lonedoctor
دة من الويكبيديا اللي بيدخل عليها امثالنا من الجهلاء
مصر في القرآن الكريم
يعتقد البعض ان مصر ذكرت خمس مرات في القرآن فحسب ...
ذكر مصر في القرآن لا يقتصر على ذكررها بالاسم فقط ولكنه يشمل أيضا ذكر بعض اجزاء من مصر وشخصيات مصرية وكذلك اشياء مصريه
فيم يلي بعض الامثلة
اولا ذكر مصر بكلمة مصر ذكرت خمس مرات
في الايات 1-وَأَوْحَيْنَا إِلَى مُوسَى وَأَخِيهِ أَن تَبَوَّءَا لِقَوْمِكُمَا بِمِصْرَ بُيُوتًا
2- وَقَالَ الَّذِي اشْتَرَاهُ مِن مِّصْرَ لاِمْرَأَتِهِ أَكْرِمِي مَثْوَاهُ
3- فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ
4- وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ
5- اهْبِطُواْ مِصْراً فَإِنَّ لَكُم مَّا سَأَلْتُمْ وَضُرِبَتْ
وفي الاية الاخيرة حيث قال بعض المفسروون انها مصر وقال البعض الاخر ان مصر ممنوعة من الصرف والمقصود هنا مصر من الامصار
ثانيا ذكر الاشخاص
العديد من الاشخاص المصريين قد ذكروا في القرأن الكريم ومثال ذلك النبي ادريس علية السلام وهو كان مصري ويقال انه هو ازوريس الذي خلدة المصريوون القدماء
ذكر الله تعالى في مواضع كثر فرعون وهو أحد الفراعنة المصريين ويقال انه رمسيس الثاني كما ذكر وزيره هامان وذكر قارون الذي كان من قوم موسى عليه السلام وذكر سحرة فرعون كما ذكر أيضا ملك مصر الذي عاصر النبي يوسف وكذلك عزيز مصر وامرأة العزيز ونسوة مصر ومفسري الاحلام المصريين
ثالثا ذكر الاماكن في مصر
ذكرت اماكن بعينها في مصر وهي أيضا كثيره مثل جبل الطور وذكرت أيضا سيناء كما ذكر اليم (نهر النيل) الذي القي فيه موسى عليه السلام كما ذكر البحر الذي شقه موسى وهو البحر الأحمر كما ذكرت الربوة ذات القرار والمعين التى نزلت بها السيدة مريم العذراء وابنها عيسى عليه السلام حيث ان أحد التفاسير قال انها مصر كما ذكرت مصر على انها جنات وعيون وزروع ومقام كريم (} كَمْ تَرَكُوا مِن جَنَّاتٍ وَعُيُونٍ {الدخان/25} وَزُرُوعٍ وَمَقَامٍ كَرِيمٍ {الدخان/26} وَنَعْمَةٍ كَانُوا فِيهَا فَاكِهِينَ )
رابعا ذكر اشياء من مصر
أيضا جاء في كتاب الله ذكر اشياء من مصر كالعجل الذي اتخذه بنو إسرائيل اله وكالحلي الذي اعطاه المصريون لهم ابان خروجهم من مصر وكالشجرة التي تخرج من طور سيناء
وايضا قوله تعالي { وَثَمُودَ الذين جَابُواْ الصخر بالواد وَفِرْعَوْنَ ذِى الأوتاد } وهى على الأرجح الأهرامات التى تشبه الأوتاد الثابتة في الأرض المتينة البنيان ، وفرعون المشار إليه هنا ، فرعون موسى الطاغية الجبار.
المشكلة برضة عندك في الهزار في مقدسات ومش عايز تعترف ... وماشفتش غير نساء مصر وامراة العزيز والفجور والمجون عموما باامن علي كلامك وربنا يصلح احوالنا والمسلمين جميعا وبهدي النفوس سواء هنا او عندك
انت تعطي لنفسك الحق في التطاول علي الاخرين ولا تقبل ان يعاملوك باقل بكثير منه
لا ادرى كيف يمكن التعامل مع اصحاب tubular vision
هل قولك باني من اصحاب ابولهب وابليس مقبول يا محترم؟
وهل ذكرى بعض الامثله لما جاء في القرءان لاوضح بان الامر متعدد وليس من جانب واحد كما هناك اي بلد في الدنيا فيها الصالح والطالح والتاريخ الجيد والسي يفهم علي خلاف ذلك ويحتاج ان تعمل كوبي من ويكيبيديا صعبة تتفهم الفكرة دى؟
اخي الفاضل دعك من كل ذلك الامر لا يحتاج مثل هذا الجدل و النقاش ولنتوقف افضل عند هذه المرحلة
فالارواح جنود مجندة ما تعارف منها ائتلف وما تناكر منها اختلف
قل كل يعمل علي شاكلته فربكم اعلم بمن هو اهدى سبيلا
جمارك على التسوق الإلكتروني؟ ده فيه أبو وأم الجمارك حضرتك.
الكاميرات البروفيشنال معظم الناس فعلاً بتبعت تجيبها من الإمارات,, الجالية المصرية هناك كبيرة مش هتغلب حاول توصل لحد هناك.
لا يااستاذنا انا مباديش لنفسي حق التطاول علي حد مادام لم يتعدي كما ذكرت حدود منطقتي ونبتدي من الاول اية علاقة التسوق اون لاين بمصر وتعمدك كتابتها بطريقة مش ظريفة اكتر من مرة خصوصا والمنتدي فية ناس بتتعمد كتابة مصر بطريقة اقل ما يقال عنها مستفزة ولما رديت عليك اترييقت علي القرأن اللي باستشهد بية بعد كدة خوفتنا بمؤهلك الازهري والطبي اللامع وبعدين استشهدت بابولهب ومجون نسوان مصر وانا رديت عليك وبعنف فعلا لان دي بلدي وبيتي وعرضي واظن حضرتك متعلم ومتربي فيها وبتتشدق بمؤهلك اللي متحصل علية منها واحنا تيوبلر فيجن وبنتنكر لبلداتربينا وكبرنا وخدنا شهادتنا منهااقتباس:
المشاركة الأصلية كتبت بواسطة lonedoctor
مصر فيها مشاكل واضحة للكل وعارفينها وحافظينها جميعا ومش محتاجة تذكرة لكن شفت اي حد من اي جنسية بيتنكر لبلادة ...البنجاله عندك بيشتغلوا في اقل حاجة اتريقوا علي بلادهم ....اي حد شفتة اتريق علي بلدة ....فعل غريب وما بيصدرش غير من المصريين زي افعال الغربة والتغرب عن الوطن ....اللي مالوش كبير بيشتريله كبير يادكتور واللي تهون علية بلدة تهون علية اي حاجة يا شيخنا ومحدش يحترمة بالضبط زي اللي بيتريق علي اهلة وبيتة في الشارع هل ممكن حد يحترمة او يحترم بيتة ....ماتغالطش وانا مش هار د عليك تاني ربنا يهديك ويهدينا
انت مش هتحجر علي كل واحد يتكلم في ايه وباي طريقة واب انسان حر ينتقد مايراه خطا
ايوة شفت ناس من كل الجنسيات بتنقد الامور السلبية اللي في بلدهم حتي من اوروبا وامريكا
وده شي عادى
مش معني كده اني باكره بلدى او انك تفتكر كده
انت قاعد تفترض وتخترع حاجات وترد علي نفسك
وزى ما اخدت شهادات واتعلمت في بلدي كمان اتعلمت واخدت شهادات من دول تانية زى بريطانيا والسعودية
انت قاعد لكل واحد علي الواحدة عايز الناس تتكلم اللي علي مزاجك ؟
مانسيب كل واحد يعبر عن رايه يا اخي
المنتدى ده ايه اللي حصله
الناس مش طايقة بعضها اعوذ بالله
الاخ صاحب الموضوع
نصيحة لانى مهتم بموضوع التصوير وعندى فكرة عن سوق الكاميرات
يوجد شركة كاميرات مشهورة جدا فى ماااسر كان عليها مشكلة كبيرة على الفيس بوك من كام شهر بسبب عميل اشترى منها كاميرا وطلعت refurbished موش جديدة وبعدين حصل فيها عطل ورفضوا يصلحوها فى الضمان وبالتالى يجب ان تنتبه عند شراءك الكاميرا او تشوف حد بيفهم فيها كويس ويتاكد من جودتها وسمعة الشركة وجدية الضمان
ولا انصحك بالشراء من امريكا بالشحن عن طريق النت
تقبل تحياتى
الاستاذ من السعودية اللي تعمد ذكر مصر بشكل مهين مرارا وتكرارا ..
أولا حضرتك اللي حاولت بشكل غير لائق ولا مقبول اقحام السياسة وقناعاتك في موضوع استفساري بحت .. التكرار كان مستفز وبغرض ايضاح سخريتك من البلد ورئيسها ..
دي طريقتك كمصري عايش في السعودية .. بس لعلم حضرتك - اكيد عارف - برضو ملك السعودية اللي حضرتك عايش فيها مؤيد لمن يدير دفة الامور في مصر واتمنى ان حضرتك تحاول تسجل اعتراضك - بما انك هناك - على السياسة السعودية ودعمها اللامتناهي لمصر .. هما اكيد حابين يعرفوا رأيك .. يافطة صغيرة واكتب فيها اعتراضك واقف على قارعة الطريق في مدينتك السعودية .. وبالمرة وحضرتك نازل اجازة عاوزك تنطق لظابط الجوازات في مطار القاهرة اسم مصر بالشكل ده .. عبر ومايهمكش