الموضوع: موقفي من التجنيد

انفردت المادة السابعة من القانون رقم 127 لسنة 1980 بمجالات الاعفاء النهائى والمؤقت من الخدمة العسكرية والوطنية للفئات.

يعفى من الخدمة العسكرية والوطنية نهائياً :
من لا تتوافر فيهم اللياقة الطبية لتلك الخدمة.
الابن الوحيد للأب المتوفى أو غير القادر نهائيا على الكسب.
أكبر المستحقين للتجنيد من أخوة أو ابناء المواطن الذى يستشهد أو يصاب باصابة تعجزة عن الكسب نهائياً بسبب الخدمة وكان من شانها ان تجعله عاجزا نهائيا عن الكسب.

يعفى من الخدمة العسكرية والوطنية مؤقتاً :
الابن الوحيد لابيه الحى
العائل الوحيد لابية غير القادر على الكسب وكذلك عائل أخيه أو اخوته غير القادرين على الكسب.
العائل الوحيد لامه اذا كانت ارملة أو إذا كانت مطلقة طلاقا بائنا أو كان زوجها غير قادر على الكسب.
العائل الوحيد لاخته أو اخواته غير المتزوجات.
أكبر المستحقين للتجنيد من أخوة أو أبناء الضابط أو المجند أو المتطوع أو المواطن الذى فقد بسبب العمليات الحربية.

مما سبق أرى أنك تستحق اعفاء نهائي
تحياتي

المشاركة الأصلية كتبت بواسطة hilal

انفردت المادة السابعة من القانون رقم 127 لسنة 1980 بمجالات الاعفاء النهائى والمؤقت من الخدمة العسكرية والوطنية للفئات.

يعفى من الخدمة العسكرية والوطنية نهائياً :
من لا تتوافر فيهم اللياقة الطبية لتلك الخدمة.
الابن الوحيد للأب المتوفى أو غير القادر نهائيا على الكسب.
أكبر المستحقين للتجنيد من أخوة أو ابناء المواطن الذى يستشهد أو يصاب باصابة تعجزة عن الكسب نهائياً بسبب الخدمة وكان من شانها ان تجعله عاجزا نهائيا عن الكسب.

يعفى من الخدمة العسكرية والوطنية مؤقتاً :
الابن الوحيد لابيه الحى
العائل الوحيد لابية غير القادر على الكسب وكذلك عائل أخيه أو اخوته غير القادرين على الكسب.
العائل الوحيد لامه اذا كانت ارملة أو إذا كانت مطلقة طلاقا بائنا أو كان زوجها غير قادر على الكسب.
العائل الوحيد لاخته أو اخواته غير المتزوجات.
أكبر المستحقين للتجنيد من أخوة أو أبناء الضابط أو المجند أو المتطوع أو المواطن الذى فقد بسبب العمليات الحربية.

مما سبق أرى أنك تستحق اعفاء نهائي
تحياتي

طبعا راي كل الأعضاء الكرام اللي فوق معتبر وصحيح ..وخصوصا المشاركة اللي كان وارد فيها نص القانون دي ..

بس تعالى بقى للواقع ...

الواقع بيقول إيه ....؟؟؟؟

حضرتك دلوقتي في حاجتين هتشتغل عليهم ...

أول حاجه حكاية أخوك الصغير اللي من أم تانيه ..

تاني حاجه حكاية اللياقة الطبية ...

نمسك أول واحده ...

أول واحده دي هتثبتها من خلال عمل كشف قيد عائلي ...تثبت فيه إن إنت ليك أخ وإن أبوك ميت وإنك العائل الوحيد لأخوك ده ..

نيجي بقى لتاني نقطه وهي عدم اللياقة الطبية ..

حكاية عدم اللياقة الطبية دي أنا مش عاوزك تعتمد عليها ..ليه بقى ؟؟..لإن كل دفعة ليها ظروفها ..حيث إن الوزارة بتطلب من مناطق التجنيد في المحافظات أعداد معينة ..ومناطق التجنيد دي المفروض توفي العدد ده باي شكل ..هديك مثال

هنقول مثلا إن الوزارة طلبت من منطقة تجنيد إسكندرية 100000 مجند ..المفروض بقى إن منطقة تجنيد إسكندرية تتصرف وتوفر العدد ده ..توفره بقى بأي شكل ..حتى لو إضطرو يجندو معاقين ..أنا والله العظيم بشوف مجندين عاوزين يتحقنوا عشان رفيعين قويييييي ..وتحس الواحد منهم لو وقع ممكن يتكسر نصين عشان أكيد هتلاقي عنده هشاشة عظام

وممكن الوزارة مثلا تطلب بتاع 10000 مجند ..يعني العدد قليل ..في الحالة دي بقى هتلاقي التأجيلات إيه ..مقولكش ..على تلاكيك ..

أنا لما كنت في الكشف الطبي أيام التجنيد الدكتور كان بيدي تأجيلات للي عاملين عمليات زايده ..أو كانوا عاملين أي عمليات جراحيه في فترة 6 شهور السابقة للكشف الطبي ..تخيل بقى ..لدرجة إن كان في واحد عنده خياطة في ضهره نتيجة إصابة قديمه ..أخد تأجيل...وأنا ذات نفسي ..كان عندي قصر نظر ..ما وصلتش لمرحلة كشف النظر وأخدت ا لتأجيل من دكتور العظام ..لإن طلع عندي تباعد في الكاحل ..وأنا معرفش ...أو تقدر تقول أهي كانت تلكيكة عشان مكانش العدد المطلوب كبير في دفعتي

في دفعة إبن خالي بقى ..في ناس لبسوا وكان عندهم فلات فوت ..وواحد تاني كان عنده عين من الإثنين ما بيشوفش بيها أصلا ..ولما كلم الدكتور في منطقة التجنيد ..قاله إبقى إعمل إلتماس وروح لجنه طبية عشان معنديش وقت ..

يعني حكاية الحالة الطبية دي إنت ورزقك في العدد المطلوب ..

أنا بقى شايف إن الأضمن إنك تلعب على حكاية إنك عائل أخوك الصغير الوحيد من أبوك ..وخاصة إن إنت ملكش أي إخوات تاني كبار في سن يسمح لهم إعالة الأخ الصغير ده ..

المشاركة الأصلية كتبت بواسطة Abdelrahman4

يعني حضرتك حتى لو أخويا ده عايش مع أمه وبتصرف عليه وفي بيت تاني أنا برضه أكون عائل ليه؟

في القانون الوضع الإفتراضي إن المرأة غير عائله ..ولكنها معيلة ..إلى أن يثبت عكس ذلك

يعني القانون بيفترض تلقائيا كده إن أم أخوك دي بيتصرف عليها من راجلها ..وإن أخوك ده إنت اللي بتصرف عليه..إلا إذا ..كانت مرات أبوك دي بقى عايزه تقرفك فتقوم تثبت إنها متكفله بمصاريف أخوك وإن إنت مش بتصرف عليه ..

لكن الوضع الإفتراضي ..اللي هو ال default إن إنت اللي بتعول أخوك