ارجو معرفة من وجهة نظر ألعضاء متسوبيشي شارك الفئه 2 و لا بيرسونا اوتو و شكرا
عرض للطباعة
ارجو معرفة من وجهة نظر ألعضاء متسوبيشي شارك الفئه 2 و لا بيرسونا اوتو و شكرا
انا معرفش حاجة في البيرسونا خالص
بس اقدر اقولك عن الشارك
نبتدي بالمميزات:
1.الثبات الاكثر من ممتاز لحد سرعة 180
2.السحب ممتاز
3.ياباني 100 %
4.اعادة البيع
5.قطع الغيارمش بطالة
6.عالية عن الارض
7.واسعة
العيوب:
1.العزل
2.صوت الموتور عالي
3.الصاج ضعيف
4.جودة الدهانات مش قوي
5.العفشة ناشفة
6.الشنطة صغيرة
بص ..... الموضوع من وجهة نظرى يعتمد عل المبلغ المتاح قدامك ....معاك فلوش الشارك و جاهزين اتوكل على الله ....الدنيا مزنقة يبقى البروتون .... العربيتين متقاربين جدا لبعض مع وجود افضلية للشارك عندى شخصيا :) بالتوفيق
ليه حضرتك بتفضل الشارك مع انك معاك برسونا استاذ ahmedmohamed7
مش معنى انى معايا بيرسونا يبقى لازم اقول انها عربية عظيمة :) و برده ماتفهمش من كلامى ان شاي البيرسونا وحشة ...بالعكس البروتون عربية ممتازة ثبات و هاندلينج و تكييف و اوشن معقولة .... عيوب عفشة ناشفة و فرامل كانت ممكن تبقى افضل من كده و بعض مشاكل فى التقفيل و ان كان معظم حجات التقفيل ديه بتتحل مع اول صيانة :)
انا شايف ان الشارك ليها افضلية طفيفة عن البيرسونا ..... واقعيا مش عارف ليه :) بس الشارك بحسها اقيم
لو معاك فلوس الشارك اﻻفضليه ليها طبعا
شكرا للتوضيح يافندم
شكرا لكل اللي شارك برائيه بس هل ثبات الشارك نفس ثبات البيرسونا
أنا سقت الشارك كتير وحاليا معايا جين 2
العربيتين ثباتهم واحد تقريبا
يمكن الحاجة الوحيدة اللي فارقة معايا مراية الشارك أحسن بكتييييييييييييييير من البروتون عموما :)
لو في امكانية إنك تجيب الشارك (نصيحة هات أي فئة يكون فيها abs) هاتها، الميتسوبيشي عربية ماسكة سعر كويس جدا في السوق المصري في إعادة البيع
طب قطع الغيار و توفرهه هل ألأثنين واحد ولا فيه افضليه لعربيه عن ألأخري
يعنب الفرق يستاهل فرق الفلوس لان اللي في نفس كماليات البررسونا فوق 150 الف الماتور الكامبرو قريب من المايفك العفشه حلوه في التنين الثبات واحد الصاج البيرسونا تتفوق سعر اعادة البيع لصالح الشارك و انا موش ناوي ابيع قريب
متابع
ابقي قولي عملت ايه لاني في نفس حيرتك دى الله يباركلك..وعلي فكره الشارك شنطتها صغيره كمان
ان شاء الله يا استاذ احمد هاقوللك عملت ايه بس كل صحابي قاللولي متسوبيشي ليه علشن متسوبيشي
طيب قطع الغيارة ارخص في البروتون
الاخ اللي اتكلم عن الثبات الشارك لحد 180 بس كده البيرسونا تكسب لحد 200 وثبات والهدوء
احب اقول عشان يحل مشكلة الثبات و الارتفاع عن الارض في شارك حط جنوت 17 يعني مش هندسة توزن بين الوزن و الضغط الهواء وده يدل علي الخابة في التصميم
واصلا المتور اللي موضوع في التصميم الاول ويتباع بره مصر كان 1500 سي سي لكن الوكيل عارف اني المصريين بيحبوا 1600 سي سي حط متور 1600 سي سي يعني بياخد الزبون علي قد عقلة
يعني وزن خفيف و متور قوى ده انتحار
وكمان ده معلومة مش متاكد منها هو ebd موجود في كل الفئات ولا لا خصوصا ارخص فائتين
شارك تكسب في الشكل "الشاسية" و في اعادة البيع و في توفير البنزين بس
وباقي المقرنة تكسب البيرسونا من حيث السرعة والحجم والثبات و النظام الصوتي و مثبت سرعة و مالتي بالطارة و ارحض في قطع الغيار و تصفيح من اسفل العربية
وفي الامان الصاج اقوي ويتحمل الحوادث و الانقلاب العربية و وقطع من الفولاذ عند الابواب عشان تحمي ناس اللي عند الابواب و عايزك تشوف في الحرفيين العربيات المتقطعة متسوبيشي رقم 1 هناك يمكن في سبب تاني غير الحوادث واذا شارك بدون ebd بيرسونا فيها
بمعني لا تستحق شارك هذا الفرق في السعر و لوكان حتي السعر مقارب للبيرسونا هتكون منافس برضوا و بقوة
شكرا استاذ زهدي علي اهتمامك بس هي البيرسونا فعلا فيهه تصفيح اسفل الماتور دي معلومه احب اعرفهه من ماللك بيرسونا زي حضرتك و بالنسبه للتقفيل هل اتحسن فعلا عن الموديلات القديمه و لا الملتي فانكشن بتعلق و المانوفيلد بيتخرم و لازم يتلحم كل شويه
بالنسبه لل ebd الشارك الهاي لاين فقط لاغير الي فيهه و دي تعمل 165 الف وكيل و البيرسونا 120 يعني الفرق في الفلوس 45 الف جنيه موش 10 ولا 20 اما بالنسبه للشكل ألتنين بالنسبه ليه سواء انا مقتنع ان البيرسونا امان اعلي هو يمكن المتسوبشي مواتير بتروح لغايه 500 الف كيلو ودي ميزه موش جوهريه لان الكامبرو الي لسه ماتجربشي انه يوصل لغايه 500 الف ما يستهلشي 45 الف فرق ولا ايه رايكم
في موضوع هنا لواحد كان معاه بيرسونا مشي بيها 250000
ياريت لو في حد يحب يضيف راي اخر لاني مقبل علي الشراء
ممكن من الاخ الكريم يقولي مصدر اللي بيحكي عن عمر المتور
بس فية معلومة المتور التيربو الغالي اوي عمرة قصير والناس بتشتري عادي يعني وهو عمرة الاقصر بين الموتير
المواتير المتسوبيشي معمره ده الي انا بسمعه بس العنصر ده في المقارنه بين الكامبرو و المايفك موش مؤثر من حبث اداء السياره بس بيفرق في سعر اعادة البيع و قد يكون الكامبرو معمر هو عمتا جيد حتي 250 الف و دي معلومه انا واخدهه من المنتدي من عضو جاب 250 الف بالكامبرو و باع العربيه و الزمن هو اللي هايثبت موش معني كده ان الكامبرو وحش
طيب ايه راي ملاك السياره هل الملتي لسه بيعلق و هل التفيل اتحسن في موديلات 2015
ياريت يا جماعه الكل يشارك لان انا شايف لغاية دلوقتي ان الفضليه للشارك
نصيحتي ليك تجرب العربيتين ساعتها هتقرر
شارك علي هذا السعر ليست ممتازة
ممكن تقولي سعرها كام خصوصا انك متابع
هي الفئة الثانية بتساوي ومزانيتك كام عشان نفكر ما الافضل للاختيار
الفئه 2 في الشارك بتعمل 150 الف وانا ما عنديش مشكله في الفلوس بس ليه ادفع كثبر طالما ممكن ادفع اقل هو ده الي بفكر فيه
طيب ما هي احتياجاتك و ما هي مطلباتك وما هي اهم شئ في عربية ؟
شوف كل العربيات اللي تبدأ ب 100 الف حتي 155 الف في الرابط اسفل المشركة
وانت تقدر تشوف انواع كتير
وبعدها نتناقش
بحث السيارات الجديدة - ContactCars.com