الموضوع: التعديلات الجديدة فى فلوانس 2016

المشاركة الأصلية كتبت بواسطة abdallasoliman

من ضمن التعديلات فى موديل 2016 عرض السيارة اصبح 2062بدل 1809ذيادة 20سم بعرض السيارة

لا أظن أن الكلام ده سليم....طبعاً مش بشكك فى كلام حضرتك حاشا لله
و لكن كل ما حدث للفلوانس هو بعض التعديلات الطفيفة جداً لتحسين مبيعات 2016 دون استثمار مبالغ باهظة لأن ببساطة دى تقريباً أخر سنة لهذا الموديل قبل التعديل الكامل للسيارة و نزول موديل 2017 المعدل كلياً

علشان كده كل التعديل عبارة عن تغيير بعض الكماليات و إضافة البعض الأخر و تقليل البعض الأخر

- تغيير فانوس خلفى
- تغيير نوع الإضاءة
- إضافة حلية
- تغيير شكل الجنط
- إزالة الستائر الجانبية

كلها كماليات ليس لها تأثير قوى على سعر المنتج

على عكس فرض زيادة 20 سم فى العرض لأن ده يتطلب الأتى:
- شاسيه جديد و ده قصة لوحده
- هيكل جديد ليناسب الشاسيه الجديد
- مكونات عفشة جديدة...دراع كبالن اطول و اسكترا مختلفة و هكذا
- ظبط اتزان السيارة مع العرض الجديد

اعتقد استثمار مهول علشان يطول عمر الموديل سنة واحدة فقط و من الأفضل انه يوفر التطوير و الأستثمار ده للموديل الجديد اللى هيقعد معاه 7 سنين لقدام و يقدر يبيع كويس على حس تعريض العربية

أغلب الظن أن العرض الجديد ده 2062 مقاس و المرايات مفروده اما العرض القديم 1809 فكان مقاس و المرايات مطويه و لكنه ليس زيادة فعلية فى العرض

تحياتى

فعلاً الديزاين الداخلى فى الفلوانس مختلف عن الميجان و اماكن التخزين فعلاً قلت...و الكلام ده من اول ما نزلت الفلوانس فى ٢٠١٠....كفاية بس أماكن التخزين اللى فى الباب تحت اليد و اللى كان ليها غطا...بصراحة تصميم عبقرى و دايماً هقول و بقول الميجان كان تصميمها ثورى وقت نزولها و سبقت عربيات كتير بسنين ضوئية و لكن كان يعبها إعتماديتها

تحياتى