شركة لينك .... لا لسياسة الاستخدام الظالم
شركة لينك .... لا لسياسة الاستخدام الظالم
https://scontent-mxp1-1.xx.fbcdn.net...92&oe=5646F189
أنا مشترك فى خدمة الانترنت من سنين واستخدامنا قاصر على البيت فقط ليا ولأخواتى وللأولاد ياعنى مفيش وصلات غير شرعية
وكنت زمان متخيل ان 25 جيجا أكثر من كافية وفى نفس الوقت برفض موضوع تحديد سعات الانترنت للمشتركين فى الانترنت غير المحدود
ودائما كنت بنصح اى حد بعدم التعاقد مع اتصالات أو فودافون لإنهم بيطبقوا الاستخدام العادل
بدفع اشتراك شهرى 145 جنيه سرعه 1 ميجا غير محدود علشان ابقى براحتى ومحسبلهاش
المهم لينك عملت عرض أدفع 20 جنيه وضاعف سرعتك
لما السرعة بقت 2 ميجا الداونلود احلو قوى وكله نزل اللى نفسه فيه
خصوصا ان احنا فى اجازة الصيف وكله بقى فاضى وقاعد على النت والاستهلاك اكيد هيزيد
فوجئت بعد 18 يوم فقط ببطئ شديد جدا فى التصفح والداونلود لدرجة ان كتابة هذا البوست فيه صعوبه وشلل
اتصلت بخدمة العملاء بيقولولى الكوته 150 جيجا خلصت !!!
ازاى ياحراميه وانا مشترك فى انترنت غير محدود ودافع 165 جنيه فى الشهر
قالى خلاص بقى كله محدود
طيب انا مش مصدق انى نزلت 150 جيجا فيه موقع اقدر اتابع منه واعرف منه أنا استخدمت قد ايه علشان على قد لحافك مد رجليك
قالى لا مفيش حضرتك تتصل بينا وتعرف
الله يخربيت الجهل والتخلف اللى احنا فيه
ان شاء الله ده آخر شهر ليا مع زفت لينك دوت نت
حسبنا الله ونعم الوكيل