الشارع المضئ

**Samir Elshahawy** · 17-11-2008 11:52 AM

السادة أعضاء نايل موتورز المحترمين

أسعد الله صباحكم ...

تعودنا في كل مواضيعنا و لقائاتنا ان نتحدث عن سلبيات الشارع و السلوكيات الخاطئة من مستخدميه و لكن في بعض الاحيان يأتي ذكر بعض المواقف الايجابية علي استحياء

لذا فكرت ان أفرد هذا الموضوع كي نتحدث عن الايجابيات فقط و المواقف و السلوكيات السوية علنا نقتدي بها و بدلا من ان تكون الايجابيات كومضات بالشارع المصري يصبح شارعنا كله الشارع المضئ

- مضئ بالايجابيات
- مضئ بالسلوكيات التي تنم عن تحضر ووعي

فليقص كل منا ما رأه في يومه من موقف ايجابي كي نستفيد منه و نقتدي به

و شكرا جزيلا علي حسن المشاركة

**Samir Elshahawy** · 17-11-2008 03:25 PM

معقووووول ما فيش اي حاجة ايجابية بنقابلها في الشارع , يعني الكوباية خلاص كلها فاضية

**MoToRiZeR** · 17-11-2008 03:46 PM

تصدق مفيش !

يعني انا في حياتي كلها محدش عداني اما إديت إشارة إلا ثلاث مرات مثلاَ .
أرجوكم حد يلاقي حاجة .

**Sameh** · 17-11-2008 03:50 PM

:)
مين طفى النور

**M_55** · 17-11-2008 03:56 PM

تصدق فعلا مافيش

كله همجيه وسرعة وغرز ومطبات ... وخبط ورزع وقلب .. وحفر ونقر وبالوعات ... وعصبية ولهوجة ...واستهتار واستعراض وعجرفة وحقد وحسد

كفاية كدة لحسن هاعيط

:K14:

**Samir Elshahawy** · 17-11-2008 03:59 PM

يا جماعة فيه و الله ناس كتير كويسة و سط الركام اللي احنا فيه بس احنا بننسي و نفتكر الوحش

لسه من يومين واحد كان ماشي قدامي و انا كنت ناوي اعدي من شماله لاقيته اعطاني اشارة شمال رغم ان قدامه الطريق مفتوح و راح مشاور لي بايده ناحية اليمين

طبعا سمعت كلامه و هديت و اخدت يميني فعلا
عارفين لاقيت ايه ؟؟

مهبط في الطريق بعمق 10 سم و عرض 40 سم و انا كنت ماشي 90كم/ساعة

ايه رأيكم ؟؟

**Samir Elshahawy** · 17-11-2008 04:06 PM

طيب اقولكم علي حاجة كمان انا لسه كنت كاتب عن الحادثة اللي عملتها قبل رمضان بكام يوم و لولا ستر ربنا كانت العربية اتقلبت , لكن بعد ماوقفت لاقيت عربية لانسر ملاكي اسكندرية جت وقفت ورايا و نزل صاحبها يطمئن عليا و عرض مساعدته لي في تغيير فردة الكاوتش اللي ضربت و فضل واقف بعربيته ورايا قبل الملف مشغل الانتظار علشان العربيات اللي جاية تهدي و ماتلبسش فيا و مشي بعد ما بدأت انا اتحرك بالعربية

**M.Osman** · 17-11-2008 07:26 PM

انا بحاول افتكر .... بس لأ مفيش ..

دا انا امبارح حصل معايا موقف " مظلم "
داخل شارع فرعى العربيات راكنة فيه عاليمين و الشمال ..اوك؟

ماشي ماشي ماشي بالليل و طبعا فاتح النور ... لاقيت شوية زلط كدا على جنب الطريق فى حتة مفيهاش عربيات راكنة ... و قلت اكيد كانت محفورة ولا حاجة .. و هوووب! لاقيت العربية و قعت منى فى حفرة بعرض الشارع تقريبا كان فى عمال سايبينها بعد ما وصلوا او ركبوا حاجة و سابوها كدا ... على اساس ان كل العربيات اللى فى الشارع Hummer يعنى ...

بعدين روحت طالع منها بالعافية لورا و رجعت الشارع كله بظهر العربية ...!!!

شارع مظلم

معلش مش لاقى حاجة خالص...

**Ahmed REDA** · 17-11-2008 08:25 PM

لا و الله لسة في امل يا جماعة و انا حصلي موقف مبشر و حكيتة و دة الرابط بتاعة
http://www.nilemotors.net/Nile/showthread.php?t=45546

و احب احي صاحب الموضوع الاستاذ SE_coralsea
علي فكرة الموضوع الهايلة
هة صحيح السلبيات اكتر من الايجابيات عشان كدة الايجابيات مش ظاهرة بس لو كل واحد افتكر خط سيرة كدة علي روقان باليل قبل ما ينام اكيد حيفتكر موقف ايجابي حتي لو كان موقف صغير:k24:

**D . a .\ AYMAN** · 17-11-2008 08:30 PM

إيه ياجماعة ده موضوع للإيجابيات مش السلبيات

... يعني اللى عنده سلبيات يشيلها دلوقتي مايقولهاش هانبقى نعملها موضوع لوحدها ..أو بقول إيه احنا نعملها منتدى لوحدها

..

انما هنا ياريت إيجابيااااااااااات فقط

وعموما انا من الصبح عمال أعمل refresh للصفحة دي عشان مستني حد يرد والاقي بقى ايجابيات

وبصراحة المدام دلوقتي لسة قايلالي على شوية إيجابيات منها
- ان في ناس كتير بتقف عشان تديها الأولوية في المرور :k49:
- . . . . . . . . . . . . بس بصراحة مش لاقي حاجة تاني

بس انا إفتكرت دلوقتي موقف شفته وعجبني جدا ... كان في مرة بنت على محور الـ N.A في مدينة نصر وكانت ماشية في الحارة اليمين -إذا كان في حارة يمين في مصر- وكانت لما تحب تتخطى عربية قدامها كانت تدي إشارة شمال تعدي العربية وبعدين إشارة يمين تاني وتفضل ماشية على اليمين

بصراحة كانت نموذج للقيادة الجيدة والمتمكنة طول الطريق

الموضوع: الشارع المضئ

LinkBack

أدوات الموضوع

عرض

الشارع المضئ - انشر الموضوع فى :

-

-

مفيش حاجة -

-

-

-

-

المواضيع المتشابهه

60 شخص في الشارع ....!!!!

رجل الشارع

الأطار المضئ

بقع الزيت في الشارع

الشارع المضئ

الكلمات الدلالية لهذا الموضوع

المفضلات

المفضلات

ضوابط المشاركة