مهندس وواقف في محل?

**engineer_Amr** · 23-07-2015 11:04 PM

مفيش حاجة اسمها مهنة لا تليق بمهندس
انت مش شغال عند حد دة شغلك الخاص اللى لو مراعيتوش مش هتلاقى حد يخافلك علية
توكل على الله واعمل اللى انت بتحبة وعايز تكبر وتكمل فية
اللى يبص لكلام الناس عمرة ما هيتحرك من مكانة

**فتوك حائر** · 23-07-2015 11:48 PM

بصراحه وجهتين النظر بتوع ينفع مهندس يقف في محل او لا
الاتنين مقنعين
والاستاذ احمد كمال كان عامل اعجاب مشاركه، اتمني اسمع رايك

**أحمد كمال** · 24-07-2015 12:56 AM

المشاركة الأصلية كتبت بواسطة فتوك حائر

بصراحه وجهتين النظر بتوع ينفع مهندس يقف في محل او لا
الاتنين مقنعين
والاستاذ احمد كمال كان عامل اعجاب مشاركه، اتمني اسمع رايك

رأيي ان اي رزق حلال يليق بأي حد ...... بس للاسف ربنا ابتلانا بالامراض المجتمعية و الخوف من كلام الناس الخ الخ الخ

لو المشروع انت دارسه كويس من كل النواحي (المصاريف و الدخل المتوقع و المخاطر الخ الخ الخ و المنطقة اللي هتفتح فيها الخ الخ الخ) يبقى توكل على الله

**A7medelfe2y** · 24-07-2015 05:34 AM

احنا لسه عايشين في العصر الحجري بتفكيرنا دا

اي حد ممكن يشتغل اي حاجه طالما حلال
انا كنت كيميائي في شركه ادويه والكارت مكتوب فيه دكتور كيميائي فلان
وفي نفس الوقت كنت يوميا لازم اطلع بالتاكسي ولو ساعتين
والموضوع انا عامله هنا في المنتدي لاني كنت حاسس نفس الاحساس الي حضرتك بتقوله دا
اخر مده ليا في الشركه كنت مضايق ومخنوق وفيه مشاكل بيني وبين الاريا ماندجر بتاعي
سبت الشركه ونزلت يوميا شفت كامل علي التاكسي وكنت برجع يوميا بمبلغ لو جمعته هيتعدي المرتب الي كنت باخده في الشركه الي كان 2800
وانا من الناس الي بفضل العمل الحر حتي لو كان عربيه فول
بس شرط يكون حلال ويكون له مستقبل يعني قابل للزياده وسهل تطويره مع الوقت
انا صرفت نظر عن التاكسيات لانها كانت مرحله انتقاليه لانها هتعيشني مرتاح وانا في شغلي وهما بيجيبوا فلوس وخلاص بس مش هيكبروا لان المشروع اوله تاكسي واخره تاكسي مش هتحول فجأه لشركه نقل

توكل علي الله فهو حسبك
ادرس الموضوع كويس واستخير ربنا
وتاني بقولك رأيي الشخصي ان العمل الحر افضل 10000000 من منصب كبير في الحكومه او مركز كويس في شركه محترمه

العمل الحر لو شغلت دماغك فيه هتبقي بيزنس مان وهيبقي لك مستقبل اما العمل باجر شهري في مكان ما الطموح الي جواك هيموت وهتبقي عايش حياه الموظفين

**hesham fawzy h** · 24-07-2015 06:55 AM

اى شغلانة حلال تليق بك .. دة و ممكن محل موبايلات يجبلك دخل اكتؤ من اى شغلانة تشتغلها لو شغلت دماغك و صبرت .. انت انت مكسبك فى الاكسسوارات اضعاف اضعاف المنتج .. شعل دماغك وربنا يكرمك ان شاء الله و يكون عندك سلسلة محلات موبايلات و ادوات كهربائية و كل شوية تتوسع

**hesham fawzy h** · 24-07-2015 06:57 AM

المشاركة الأصلية كتبت بواسطة A7medelfe2y

احنا لسه عايشين في العصر الحجري بتفكيرنا دا

اي حد ممكن يشتغل اي حاجه طالما حلال
انا كنت كيميائي في شركه ادويه والكارت مكتوب فيه دكتور كيميائي فلان
وفي نفس الوقت كنت يوميا لازم اطلع بالتاكسي ولو ساعتين
والموضوع انا عامله هنا في المنتدي لاني كنت حاسس نفس الاحساس الي حضرتك بتقوله دا
اخر مده ليا في الشركه كنت مضايق ومخنوق وفيه مشاكل بيني وبين الاريا ماندجر بتاعي
سبت الشركه ونزلت يوميا شفت كامل علي التاكسي وكنت برجع يوميا بمبلغ لو جمعته هيتعدي المرتب الي كنت باخده في الشركه الي كان 2800
وانا من الناس الي بفضل العمل الحر حتي لو كان عربيه فول
بس شرط يكون حلال ويكون له مستقبل يعني قابل للزياده وسهل تطويره مع الوقت
انا صرفت نظر عن التاكسيات لانها كانت مرحله انتقاليه لانها هتعيشني مرتاح وانا في شغلي وهما بيجيبوا فلوس وخلاص بس مش هيكبروا لان المشروع اوله تاكسي واخره تاكسي مش هتحول فجأه لشركه نقل

توكل علي الله فهو حسبك
ادرس الموضوع كويس واستخير ربنا
وتاني بقولك رأيي الشخصي ان العمل الحر افضل 10000000 من منصب كبير في الحكومه او مركز كويس في شركه محترمه

العمل الحر لو شغلت دماغك فيه هتبقي بيزنس مان وهيبقي لك مستقبل اما العمل باجر شهري في مكان ما الطموح الي جواك هيموت وهتبقي عايش حياه الموظفين

**monamize4** · 24-07-2015 07:27 AM

نفهم الكلام صح يا جدعان ,, محدش خالص قال ان الشغل عيب

الفكرة كلها ان خسارة تسيب مجال شهادتك و اللى كونت فيه خبرة و تقف
ف محل موبيلات ,, الكلام دا مقبول لو انت مش لاقى شغل خالص
لكن انت معاك شهادة كويسة ,, دا فى ناس معاها نفس شهادتك و عملت فلوس فلكية

لكن لو سبت مجال الهندسة و اكتفيت بانك تقف ف محل الموبايلات بتاعك ,,
ايه التقدم اللى هتعمله بعد 10 سنين حتى ? و هل هيكون افضل من تكملتك ف مجالك بعد نفس المدة ?

لو عندك طموحات - و دا شئ جميل - و عجباك فكرة محل الموبايلات و دارسها كويس
ممكن ياسيدى تفتح المحل عادى جدا و تشغل فيه حد ثقة و تتابعه من غير ماتسيب عملك الاصلى

**hilal** · 24-07-2015 09:20 AM

أعتقد ان معظم الردود مش فاهمة الموضوع صح
أو ربما أنا اللي فاهم غلط
المقارنة ليست بين العمل الحر والعمل عند الغير ،
المقارنة بين العمل الحر في مجال الموبايلات ، والعمل الحر في مجال آخر (الأخ عاوز يعمل مشروع خاص)
وهي ليست مرحلة انتقالية ، ده تقرير مصير
ماذا ستضيف اليه دراسة الهندسة وتعب السنين في مجال الموبايلات؟ لا شيء
وما هي منتهى طموحاته في مجال الموبايلات؟
هذه وجهة نظري ، والله الموفق

-

-

الموضوع: مهندس وواقف في محل?

LinkBack

أدوات الموضوع

عرض

-

-

-

-

-

المواضيع المتشابهه

مهندس ولا ضابط مهندس ؟

مهندس عبقرى

طلب عمل (مهندس ميكانيكا قوى )

الكلمات الدلالية لهذا الموضوع

المفضلات

المفضلات

ضوابط المشاركة