الموضوع: طريقين و الاختيار محير والحل ؟ مسدس ؟

كل الاعضاء المحترمين انا بشكركم بجد على اقتراحاتكم ونصائحكم

يمكن الكلب مش هقدر انا متعودتش على تربية الحيوانات ومش قادرة اتخيل اني هربي كلب عندي وخصوصا منظر الكلب مرعب انا نفسي هخاف منه على نفسي وعلى بنتي

معرفش اتعامل مع الحيوانات الثقافة دي محتاجة انسان تربى عليها من صغره

المسدس مفيش انواع بتعمل صوت وتطلع شرارة بس ؟ يعني ممكن يكون من غير رصاص يعني للتهديد لو تطلب الامر بس يخوف مايضرش بجد

استاذ Imhotep

عايزه اشكرك جدا على مشاركتك ودعواتك ربنا يخليك

قرات مشاركتك اكتر من مره ولقيت اني مش عايزة ارجع السعودية على الاقل بالسرعة دي فيمكن اخد قرار ايرلندا دا اللي توصلت ليه بعد ماحولت اتخيل رجوعي للسعودية تاني

وسائل الدفاع عن النفس الي ذكرتها مميزة جدا ومفكرتش فيها بس كنت عايزة اعرف الآليكتريك شوك دا ممكن يموت حد ؟ لاي مدى مؤذي ؟


الاعضاء الافاضل اللي اقترحوا الزواج

انا مش ممكن هفكر اني هتزوج عشان يحميني !!!!!!! كنت متزوجة وكان خوفي اضعاف الزواج هم اضافي دا غير اني لسه

مارتحتش من الهم اللي كنت فيه غير انه دا مش قرار يتاخد كدا والاندفاع للزواج بيرفع نسبة فشله


موضوع الايمان كمان مش قرار بيتاخد

ياريت كانت دي قرارات بالبساطة دي

المشاركة الأصلية كتبت بواسطة إنسانة

كل الاعضاء المحترمين انا بشكركم بجد على اقتراحاتكم ونصائحكم

يمكن الكلب مش هقدر انا متعودتش على تربية الحيوانات ومش قادرة اتخيل اني هربي كلب عندي وخصوصا منظر الكلب مرعب انا نفسي هخاف منه على نفسي وعلى بنتي

معرفش اتعامل مع الحيوانات الثقافة دي محتاجة انسان تربى عليها من صغره

المسدس مفيش انواع بتعمل صوت وتطلع شرارة بس ؟ يعني ممكن يكون من غير رصاص يعني للتهديد لو تطلب الامر بس يخوف مايضرش بجد

تاستاذ Imhotep

عايزه اشكرك جدا على مشاركتك ودعواتك ربنا يخليك

قرات مشاركتك اكتر من مره ولقيت اني مش عايزة ارجع السعودية على الاقل بالسرعة دي فيمكن اخد قرار ايرلندا دا اللي توصلت ليه بعد ماحولت اتخيل رجوعي للسعودية تاني

وسائل الدفاع عن النفس الي ذكرتها مميزة جدا ومفكرتش فيها بس كنت عايزة اعرف الآليكتريك شوك دا ممكن يموت حد ؟ لاي مدى مؤذي ؟


الاعضاء الافاضل اللي اقترحوا الزواج

انا مش ممكن هفكر اني هتزوج عشان يحميني !!!!!!! كنت متزوجة وكان خوفي اضعاف الزواج هم اضافي دا غير اني لسه

مارتحتش من الهم اللي كنت فيه غير انه دا مش قرار يتاخد كدا والاندفاع للزواج بيرفع نسبة فشله


موضوع الايمان كمان مش قرار بيتاخد

ياريت كانت دي قرارات بالبساطة دي

أنا كنت متوقع انك هتلاقى صعوبة فى فكرة الرجوع للسعودية و ده لان المعاناة اللى عانيتيها لسه حية فى ذاكرتك. . . معلش. . . الشفاء و التعافى النفسى بياخد وقت يمكن اكتر بكتير من التعافى الجسدى فى كثير من الاحيان. . . و ده هيخلينى اعلق اخيرا على حاجة كنت مانع نفسى انى اعلق عليها حتى الان. . . و هى موضوع الزواج. . . انا اؤيدك تماما فى رفض فكرة الزواج بسرعة لان جراحك النفسية لم تشفى بعد . . . و انتى الوحيدة اللى هتعرفى امتى هتشفى و امتى انتى هتبقى جاهزة لتجربة ارتباط اخرى. . . الاخوة اللى بينصحوا بالزواج بينصحوا بناء على وجه واحد من العملة و هو اهمية وجود الانسان فى ارتباط مع شخص آخر و ده شئ لا خلاف على اهميته. . . لكن وجه العملة الاخر هو التجربة المريرة التى لم يمر عليها الكثير من الوقت بما يسمح للجراح النفسية ان تندمل و ان تنوارى الذكريات السيئة من الذاكرة بعد. . .

بالنسبة لأسئلتك . . . الاليكتريك شوك مش بيموت . . . ده بس بيمرر شحنة كهربائية عالية خلال جسم الشخص مما يجعله يمر بحالة شلل مؤقت عن الحركة يزول مفعولها بعد عدة دقائق تسمح للشخص الذى يدافع عن نفسه بالهرب. . . رذاذ الفلفل او ال pepper spray معروف انه من اهم ادوات الدفاع عن النفس للسيدات و فى امريكا هتلاقيه مشهور اوى استخدامه و سهل الحصول عليه. . . كان نفسى يبقى عندك قبول لفكرة الكلب لانها زيها زى اى حاجة يتم التعود عليها و لان فى منهم اللى بيبقى قطة مع صاحبه لكن اسد فى الدفاع عنه و مش كلهم شكلهم مخيف. . . معلش سامحينى بس انسى فكرة المسدس دى خالص لانها اولا تحتاج جرأة فيمن يحمله على استخدامه حتى لو كان صوت فقط. . . لانك لما بتنوى تستخدميه و تشهريه فى وجه من يهددك فأنتى كده بتحطيه فى موقف يا قاتل يا مقتول لانه ميعرفش المسدس اللى معاكى حقيقى و لا صوت. . . و بالتالى انتى بتزودى خطورة الشخص اللى بيهاجمك لانك بتضعيه فى موقف من يدافع عن حياته. . . لذلك انسى الفكرة دى خالص

موضع الايمان. . . انا مش عايز اعمل فيها واعظ. . . بس زى ما بتحاولى تعملى restart لحياتك. . . حاولى كمان تركزى على الموضوع ده لانه فيه جزء كبير من راحتك النفسية المفقودة. . . و بعدين انتى رايحة ما شاء الله تدرسى طب يعنى هتشوفى بعينك معجزات فى الخلق تحت الميكرسكوب بقليل من التأمل تجدى انه لا يمكن ان تكون تم ايجادها بدون (ارادة) خالقة. . . و قديما قالوا ان اكثر الناس ايمانا هم من يرون معجزات الخلق الكبرى و الصغرى. . . يعنى ال micro و ال macro. . . يعنى معجزات الكون و الطبيعة الكبرى. . . و معجزات خلية حية واحدة تحت الميكرسكوب
صدقينى انا فاهم كويس منبع مشاكلك فى موضوع الايمان ده. . . بس صدقينى التجربة اللى مريتى بيها رغم مرارتها الا انها تظل شئ عارض فى سجل حياتك. . . و صعب اوى تبصى لقضية زى دى من المنظور الضيق ده. . . بتفكرينى انه زمان كان من الاخطاء الشائعة انه لما اب يموت و يسيب اطفال صغيرين و الاطفال تسأل ببراءة بابا فين. . . كانوا الناس بيقولوا لهم اجابة ممكن تعقدهم بقية عمرهم. . . كان بيقولوا لهم ربنا اخد ابوكم. . . فلو طفل نبيه شوية و سابق سنه كان بيغضب جدا. . . من هذا الاله الظالم الذى (اخذ) والدهم الذى يحبونه بدون سبب او وجه حق او ذنب. . . حاشا لله طبعا بس انا شخصيا عرفت شخصيات خدت موقف طول عمرها من قضية الايمان دى للسبب ده. . . تجربة اليمة لفقدان شخص محبوب لديهم. . . او مرورهم بتجربة حياتية مريرة. . . لكن اللى عايز اقوله. . . انه مينفعش اخذ قرار يؤثر على حياة الانسان هنا فى هذه الدنيا و للابدية اللانهائية بناء على موقف عارض مهما كانت قساوته
مرة تانية ربنا معاكى و يحافظ عليكى و يوفقك و ينير بصيرتك فى كل شئ فى حياتك و يرشدك الى ما فيه الخير لكى و لمن تحبينهم

من ردود الاصدقاء
اعتقد انتى تحتاجى فى الفترة الحالية لبعض الوقت .....تحتاجين الى جو من الحب او الدفء العائلى من الاصدقاء الموثوق فيهم او الاهل او الاقارب بحيث يتم التعامل فى نطاق اشخاص انت تثقى فيهم وتثقى فى احكامهم لان الانسان صعب جدا جدا ان يعيش ويمارس حياتة بدون ناس تعطية الحب والرعاية والسعادة الداخلية

دة ممكن يساعد فى مواجهتك لهذة الازمة ......ولا يجب الاعتماد على المسدس او اى وسيلة اخرى لان العلاج من هذة الازمة من وجهه نظرى هو علاج داخلى ونفسى ويحتاج لبعض الوقت

موضوع الايمان وعدم الايمان .....دة موضوع هام جدا ويحتاج منك الى مجاهدة لنفسك والتفكير العقلى المستنير ....والنظر الى ابنتك ومستقبلها ممكن يكون دافع ليكى انك تبحثى وبجهد عن الامان المفقود

على فكرة انا بكلمك عن تجربة واحساس كان بيجينى اول لما اولادى يكونوا فى البحر بيلعبوا او فى مكان مش تحت نظرى .....كان بيجيلى احساس بالهلع والخوف المرضى والتوتر من اى شىء يحصلهم وانا غير متواجد معاهم .....لكن بوقفة مع النفس والتفكير العقلانى والتدريب والتمسك بالايمان وان اى شىء ممكن يحصل سواء انت موجود او لا .....وربنا يستر من كل شر