السلام عليكم يا اخوة يا افاضل
كنت بعمل شوية تغييرات معتادة زى تغيير سير الكاتينة والدينامو وكده المهم ان بعد تغيير سير الدينامو كان فيه صوت صفارة عالى جداااا مع النقل روحت للميكانيكى قالى غير السير لانه نوعه وحش غيرته وجبت السير الكورى دلوقتى صوت الصفارة بييجى مع بداية تشغيل العربية فقط رجعتله تانى قالى غير بلية الدينامو !!!!!!!!!!!!!
رجاءالافادة علما بان نوع العربية كيا برايد وقبل ما اشترى السيير الجديد العربية كانت زى الفل مفيهاش اى شىء
وشكرا
ممكن يكون السير مشدود زيادة بعد تركيبه فكل الحكاية انه يظبط شد السير من تغيير وضع الطنبورة و يجرب
بارك الله فيك انا هجرب وارجعلكوا تانى
وشكر خاص لحضرتك وواضح ان السؤال كان موجه لسكان الرحاب فقط لان انا كمان من سكان الرحاب
طيب روح فرنش موتورز و أسال علي كريم و قوله من طرف المهندس/ سمير صاحب الدايو اللانوس و هو ها يشوفهالك و طمني
الف الف شكر يا باشمهندس سمير ان شاء الله اروحله النهاردة واطمن حضرتك
رش WD40 على سير الدينامو.... و لو الصوت استمر بعد كدة يبقى شد السير عايز يتراجع
MMamdouh
حط شوية زيت على سير الدينامو و ادعيلى هو ناشف شوية علشان جديد
بص ساباشا حط حته شحم صغيره قوى على السير من جوه (من ناحية الطانبوره ) وبعدها دور العربيه وكله هيبقى تمام ان شاء الله
ربنا يكرمكوا جميعا ومتشكر جدا لكل الردود بس انتوا شايفين انى احط زيت اللى هو زيت العربية مثلا على السير ولا الافضل w40 ولا الافضل احط شحم عليه من جوه ولا اعمل الثلاث حاجات
وشكرا
بلاش زيت الموتور... اما لحسة شحم او WD40
MMamdouh
+11111111111111111اقتباس:
المشاركة الأصلية كتبت بواسطة MMamdouh