الموضوع: المزيد من سيد حبارة

مش عارف حاسس إن المقال غريب شوية .. أول مرة اقرا لأحمد خالد مقال فيه نقد سياسي لهذا الحد، وكمان الأسلوب مش هو !
غالباً (في ظني) .. مش أحمد خالد توفيق

المشاركة الأصلية كتبت بواسطة sab3aawy

محدش يا جماعة يعرف يقنع الراجل ده انه ييجى يبقى عضو معانا فى المنتدى؟ نفسى اشوفه بأه

الراجل ده جبار جبار جبار

دكتور احمد خالد توفيق بجد شخصية من اعظم ما يكون

و انسان محترم الي ابعد الحدود

عاوزة اقول يا جماعة ان الراجل ده انا اتربيت علي فكره و طريقته

لاني بقرا سلسلة ما وراء الطبيعه اللي هو بيكتبها من ايام ما كان عندي 8 سنين

و لحد امبارح لسه شاريه اخر عدد منها

و برغم اني كبرت و بقيت بقرأ في مليون مجال تاني لمليون كاتب تاني بس ده ممنعنيش ابدا اني افضل اقرا لحد النهاردة نفس مجموعة القصص

عندي حالة ادمان لاي حاجة بيكتبها

علي فكرة يا استاذ سبعاوي دكتور احمد بنبعتله و بيرد علينا و انسان بسيط لدرجة محدش ممكن يتصورها

هو مشكلته ان بجد مش بيعرف يتعامل خالص مع الانترنت

حتي كتبه و مقالاته بيكتبها بالطريقه التقليدية: الورقة و القلم

حتي الموقع بتاعه بيدخله بالصدفه البحته

لانه مش بيعرف يتعامل مع التكنولوجي خالص

بس و الله انا هحاول اراسله و اخليه يشترك معانا

يا هبعتله ايميل يا هابعتله جواب علي المؤسسة

بجد تبقي فرصه جميله جدا نتعرف علي كاتب رائع زي دكتور احمد

بس يا جماعة اللي عاوز يستمتع بجد و يموت علي روحه من الضحك

يقرا لرفعت اسماعيل

بمعني اصح

شخصية رفعت اسماعيل اللي بيكتبها دكتور احمد خالد توفيق

بصو هو نفسه كاتب ايه علي لسان البطل في الموقع الرسمي

في يناير 2007 تكون 14 سنة قد مرت على ذلك الظهور المريب للشيخ الثرثار (رفعت إسماعيل).. أنا هو (رفعت إسماعيل) وقد تميزت عن أي بطل قصص آخر في قدرتي غير المحدودة على التخلص من المؤلف .. ربما أنا البطل الوحيد الذي لا يحتاج إلى مؤلف كي يعبر عن نفسه.. أرد على القراء بنفسي .. وأتلقى خطابات باسمي .. ترى متى يجن المؤلف ويعتقد أنه هو (رفعت إسماعيل)، أو يمشي ليلاً مرتدياً بذلتي الكحلية معتقداً أن (رفعت إسماعيل) قد تحرر من صفحات الكتب ؟.. إنها نهاية تقليدية متوقعة لكن لا يمكن معرفة متى تحدث