اسباب وجود هباب اسود علي الجنط الامامي

**amrseiffares** · 24-07-2015 06:19 PM

اسباب وجود هباب اسود علي الجنط الامامي. نيسان صنى 2015

**دكتور خالد** · 24-07-2015 06:25 PM

ده من تيل الفرامل

**amrseiffares** · 24-07-2015 06:38 PM

يعني ده عادي ولا في مشكله

**kaza** · 24-07-2015 07:54 PM

عادي بس هات تيل اصلي من التوكيل عمرة 4 اضعاف التيل اللي بيتباع في المحلات وماتقلقش من هباب التيل بس الافضل يتنظف كل شوية كلشان ميجرحش الطنابير الامامية ويخدشها وتحتاج تغيرها كل فترة كذلك بيعمل صفارة مزعجة لما بيتراكم

**Abo_Mazen** · 24-07-2015 08:06 PM

ده تيل فرامل

**amrseiffares** · 24-07-2015 09:34 PM

المشاركة الأصلية كتبت بواسطة kaza

عادي بس هات تيل اصلي من التوكيل عمرة 4 اضعاف التيل اللي بيتباع في المحلات وماتقلقش من هباب التيل بس الافضل يتنظف كل شوية كلشان ميجرحش الطنابير الامامية ويخدشها وتحتاج تغيرها كل فترة كذلك بيعمل صفارة مزعجة لما بيتراكم

ما هوا ده التيل الاصلي العربيه عامله 1200 كم بس

**kaza** · 24-07-2015 11:18 PM

لا غير التيل والاكيد دة مش اصلي ابدا...تيل النيسان الاصلي عمرة مابيهبب غير بعد استعمال طويل جدا وبتلاحظة لو ما بتغسلش العجل بانتظام

**Batman372** · 25-07-2015 05:17 AM

ده سببه ان نسبه الكربون بتكون عاليه شويه فى التيل
زى لو نسبه النحاس كتير فبيصفر :)
الموضوع ليس له علاقه بتيل اصلى و لا مضروب
و فيه عربيات غاليه و ماركات اوروبى بتنزل بتيلها الاصلى بيهبب الجنط السبور خصوصا لو فتحات الجنط كبيره
و حتلاقى فى عربيات تانيه التيل بيهبب لكن مش بيبان فى الجنط لان الجنط نفسه صلب عادى اسود و بغطا ..
تحياتى ...

**svneleven** · 25-07-2015 07:30 AM

فعلا ال بي ام الجديد كله بيعمل كده و بالذات التيل الأصلي.

**salam100100** · 27-07-2015 10:55 AM

الهباب الاسود على الجنط فالامام بسبب تيل
دا طبيعى لسببين:

1: الفرامل الاماميه Disk يعنى التيل تقدر تشوفه بعينك والجنط راكب
يعنى التيل مكشوف فبالتالى تاكل التيل والتراب اللى بيطلع منه بيجى على الجنط علطول ودا طبيعى جدا وموجود فاغلب العربيات (يمكن كل العربيات) على عكس الفرامل الخلفيه, اللى هيا فرامل Drum يعنى التيل داخل الطمبوره, يعنى التيل بيتاكل لكن التراب بيفضل جوه مبيطلعش بره عشان كدا مبتشهوش

2: نسبه قوه الفرامل تقريبا 70% امامى و30% خلفى , عشان كدا تاكل التيل الامامى اسرع من الخلفى, ولو لقيت عربيه فراملها الامامى والخلفى Disk braks بردوا هتلاقى الهباب قدام وورا لكنم الهباب اكتر قدام

لاحظ حضرتك الجنوط بتاعت العربيات هتلاقى لو العربيه متتغسلش كتبر هتلاقى فعلا الهباب كتير قدام