الموضوع: هل انتا ماشى بعربيتك مخربشة ومخبطة ولا مفهياش اى شئ

- الطبيعى إنك تلاقى العربيات فى شوارع مصر مخبطة أو مخربشة
- الغير طبيعى إنك تلاقى عربية واحدة مش متخربشة غير فى معارض السيارات فقط .

مفيش حد تقريبا يستغنى عن الخربيش زي ماتقول ان في مصر العربيه بتيجي بالخربيش بتاعتها ومعرفش الناس اللي بتخربش العربيات ايه مزاجها في كده. فا من الطبيعي ان الواحد بيتكيف ويعيش مع الخربيش لحد ما يجي وقت الدهان اللي العربيه بتبقى محتاجه ضروري.

+11111111111111111111111

ياباشا انت في مصر

هو فيه عربية تمشي في شوارعنا الجميلة من غير مات كون مجرحة ولا مخربشة

انا عندى الرفرف اليمين اللي ورا طااالع عينه بسبب جاري اللي بيركن على يميني كل يوم يمسي عليا و هو بيركن :)

الخرابيش عادي كلها صغيرة مش مستاهلة

من اسبوعين كده لبست قدام وورا في يوم واحد :) = فانوس قدام و فانوس ورا

و الحقيقة مش هاعملهم دلوقتي (اصله منورين و الكسر مش باين قوي)

المشاركة الأصلية كتبت بواسطة Ahmed Samy

انا عندى الرفرف اليمين اللي ورا طااالع عينه بسبب جاري اللي بيركن على يميني كل يوم يمسي عليا و هو بيركن :)

إبقى رد المسا على جارك لما تيجى تركن

المشاركة الأصلية كتبت بواسطة MoToRiZeR

شوف عندي الإزاز مشروخ عيل حدف العربية بطوبة .
الإكصدامات مجرحة كلها .
الإكصدام الخلفي معووج من اليمين و الكارتيرة و الدلاية واقعين .
كام ترييحة علي الباب اليمين أمامي و خلفي .
خطين في صاج الباب الشمال خلفي من توك توك كان بياخد غرزة .
نقرتين في السقف بسبب ماراثون الكلاب اللي بيتعمل علي سقف العربيات في الشارع كل يوم بالليل .

و يجب طبعا ذكر إن كل الإصابات دي حصلت و العربية واقفة و مركونة و متغطية كمان عدا خرابيش الإكصدام الأمامي شمال و التوك توك و سمعني سلام صعبت عليا نفسي .

كبدى يابنى
اكنك بتتكلم عليا
لا خربوش قل ولا خربوش زاد