أفيدوني للأهمية بارك الله فيكم ..شغل كهرباء وشغل في زجاج الابواب .
كان عندي سؤال لو فيها تعب..لاني جديد علي منتديات السيارات وكمان لاني من الصعيد..فلما بنزل القاهرة بتبقى النزلة محدودة في الوقت يعني 5 او 6 ايام بكتيره..
السيارة 316 موديل 1994 1600
فين اقدر اعمل الشغل بتاع فرش الابواب والهوايات بتاعت التكييف ولو فيه شغل كهرباء للعربية ..و تظبيط خفيف ..
يعني حد اقدر اطمن معاه.... ولو كمان مركز محترم يعملي مقايسة للشغل كله اللي محتاجاه العربية ..بحيث ان لو الفلوس قصرت معايا ..اعمل الاهم والنزلة التانية اعمل باقية الشغل ...
الصالون بتاع العربية محتاج تظبيط والتكييف وشغل كهرباء وفتحة السقف وفرش البابين الاماميين ومكن زجاج البابين اللاماميين ..وشغل سيرفس ..وتظبيط اكصدامات ..همه كويسين بس الصنايعيه في الصعيد ربنا يسامحهم..تلاقيه يشبطلك الحاجه تشبيط ..
ولو كمان محتاج أشيك علي العفشة ..
انا عارف ان الكلام اللي كاتبه مش منسق ومرتب كويس..بس ان شاء الله يوصلكم اللي محتاج له..
شكرا جزيلا ..وآسف علي الإطاله..ولو حد يقدر يفيدني بسعر تقريبي للتكلفة الاجمالية..زيادة 1000 نقص 1000 شغال ..
محتاج الرد جدا..لان بعشق العربية..والحاجات دي قربت تخلليني اكره العربيات كلها.. :-(
أخوكم احمد :-)
شكرا للقراءة وشكرا جزيلا للرد.. :-)
...
