كلام حضرتك سليم. بس بالنسبة للعربيتين اللى ذكرتهم المازدا 3 و الاسترا و اللى سعرهم بيبدأ من 175 الف و الهاى لاين بيوصل ل 230 الف. المازدا 3 فئة اولى تعتبر فاضية و التوليدو تتفوق عليها فى الاوبشنز و مش كدة و بس لأ و تتفوق عليها كمان فى وسائل الامان لإن التوليدو 4 ايرباج و المازدا 2 بس. المازدا 3 عربية محترمة جداً بس حضرتك لو راجعت مواصفاتها هتلاقى الهاى لاين بيوصل ل 230 الف و مفيهوش ESP اللى هو اهم عامل من عوامل الامان. حضرتك متخيل العربية بربع مليون جنيه مفيهاش ESP!! و لو جبت اى عربية اوروبى بداية من 180 الف هتلاقى ال esp فيها اساسى. ده بالنسبة للمازدا 3. بالنسبة للاوبل استرا و ديه بتبدأ من 175 الف. لو هتقارنها بالفئة الهاى لاين فى التوليدو هتلاقى التوليدو تسكب برضه فى الاوبشنز. و علشان توصل لمستوى الاوبشنز اللى فى التوليدو هتدفع 200 الف فى الاسترا الكوزمو. اعتقد ان الفرق واضح جداً بين ال 3 عربيات. و على فكرة التوليدو فئة اقل من المازدا و الاسترا. و انا شايف بأسعار السوق الحالية مش كتير عليها 175 الف خااالص. بل بالعكس بعد العرض للأسف الوكيل اهان العربية و حطها فى فئة السياز و ال 301 و شتااااان الفارق طبعاً بينهم و بين التوليدو.
و بالمناسبة لو جينا نتكلم على توكيل الاوبل و المازدا فحدث و لا حرج!