اخوتي ملاك الامجراند واعضاء المنتدي الكرام وبالاخص ميدو والرجالة اللي وحشونا بجد .....بما اني لقيت القسم نايم حبتين والناس مالهاش حس قلت طيب ما نعنل موضوع جديد في رضا السادة ملاك الامجراند عنها بعد سنتين من الاستخدام وما هي المشاكل اللي حصلت معاك واتحلت ازاي وبدائل قطع الغيار واخبار انتشار قطع الغيار برة التوكيل
بصراحة باحاول اخلي الموضوع شامل لكل من بيدخل القسم وفي انتظار مساهمات الجميع واكرر شكري وتقديري
يالههههههويي 52 مشاهدة ومفيش حد يعبرني بكلمة انتوا فين يا رجالة
الجيلي
انا هجاوبك .. 3 عربيات مبدأيا فالعيله عندي ايمجراند
الأولي كانت كويسه بس صاحبها شاف الصدأ الداخلي بعينه ونهايتها كانت انها اتقلبت بيه وباعها بحالتها كده بس ربنا سترها
التاني عمل 60 الف كم ف سنه ونصف تقريبا .. ﻷن شغله كله سفر .. ظهر عيبين .. الكونترول ضرب وعمله فالتوكيل .. ومن اسبوعين الموتور رزع .. الله يرحموا .. وحاليا بيتعمر فالتوكيل و هيبيعها
العربيه التالته سليمه ﻷنها مش بتستخدم اوي
عربية اتقلبت والتانية جابت كنترول وموتور في 60000كم ...اولا حمدالله علي سلامة قريبك ومش عارف اقولك اية بس انا معايا العربية بقالها سنة ونصف وداخل علي صيانة 30000والعربية جميلة وماشفتش منها حاجة وحشة ...علما باني باجري بيها بسرعات وصلت في بعض الاحيان ل190كم في الساعة ..ووالله جابتهم بدون ضغط والموتور كان فايق ممكن ازود بس خفت من الكلام اللي باسمعه عن الكاوتش والجنوط خصوصا اني كان معايا الولاد ومسافرين من اسكندرية للقاهرة ..بس الحمد لله راضي عن العربية تماما ورنا يديم نعمه علينا والجميعاقتباس:
المشاركة الأصلية كتبت بواسطة adnfalcon
ممكن انصحك نصيحه لوجه الله ؟
بلاش تزود عن 140 ابدااااا .. اولا الموتور هيسافر منك زي ما حصل مع خالي
ثانيا عشان سلامتك و سلامه اسرتك
شكرا يااخي علي النصيحة
محدش تاني معاه ايمجراند فينك ياميدو وباقي الناس فين .....ياجماعة عايزين نصحي القسم تاني اخبار الصيانات ومركز صيانة القطامية اخبارة اية وابو رواش عاملين اية حاليا واخبار قطع الغيار والاعطال الشهيرة اي حد يدخل ياجماعة
أنا العربية معايا بقالها سنه وشهر وعامل في حدود 38 ألف كم عشان بسافر كتير وبلحس الأسفلت وماعنديش مشاكل بمعني كلمة مشاكل كلها تقريبا تفاهات عدا مشكلة واحدة ظهرت من شهر ومطلعة عين أهلي وهي لمبة التشيك أنجن اللي مانورتش من ساعت ماشتريت العربية ولا مرة مع أنها نورت مع كل اللي أعرفهم في أول 1000كم لدرجة أني بقيت زعلان جدا وعمال أقول أشمعني أنا لحد مانورت من فترة قريبة في المشاوير الطويلة وماترضاش تطفي أبدا غير لما العربية ترتاح خالص مش أقل من ساعة....غالبية المرات اللمبة بتنور معايا في المطبات والسحب بيروح في 60 أـلف داهية طول ماهي منورة بس أمبارح حصلت حاجة غريبة جدا وهي أنها مانورتش مني خااااااااااالص وأنا مسافر ومشغل التكييف طول السكة رايح جاي برغم أني أكلتلي كام مطب حلوين مع أنها يوميا كانت لازم تعكنن عليا !!!! ولما روحت توكيل أبو رواش قالولي معلش دا عيب بنزين وأحنا الجهاز اللي عندنا بايظ فمش هاينفع نعملك سوفت وير جديد......انا بأه ناوي أهدي بس من الشغل شوية وهاروح أمرمط بكرامة أهاليهم الأرض
متهيألي الموضوع بسيط وفي الغالب ضعف طلمبة بنزين او انسداد في فلتر البنزين لا اكثر ومش سوفت وير .....سوفت وير اية
حضرتك بسهولة تروح التوكيل والافضل القطامية واكيد هتلاقي الحل ومعاملة كويسة افضل بكتير من ابو رواش
طب توكيل القطامية ده يتراح أزاي لو أنا جاي من مصر الجديدة...عاوز أعرف مكانه بالظبط طريق أيه أو جنب أيه؟؟؟
اسف علا التاخير ...وشوف ياسيدي هتطلع علي الدايري اتجاة المعادي وبعد مدخل القاهرة الجديدة والشويفات من عند محور المشير طنطاوي وانت ماشي رايح كارفور هتلاقية علي الشمال هتلف من عند تقاطع طريق السخنة وترجع علية ....افضل بكتيير من ابو رواش واسرع في الصيانة وبتشوف عربيتك بيتعمل فيها اية وانت قاعد بتشرب مشروبك في التكييفاقتباس:
المشاركة الأصلية كتبت بواسطة zastaffa
لسه جاي حالااااا يا معلم من هناك وقالولي لازم العربية تبات بس أنا مارضيتش وعليت صوتي وقولتله أنا عاوز المدير بتاعكم عشان أقدم شكوي ورسيت في الأخر أني هاجيبهالهم بوكره الصبح بدري عشان يتعملها حاجة أسمها أعادة تكويد بيقولي هاتاخد وقت بتاع 4 ساعات وربنا يجعلها أخر الأحزاناقتباس:
المشاركة الأصلية كتبت بواسطة kaza
حمد الله علي السلامة وماتقلقش الناس كويسة وهيعملوها لانهم مش عايزين مشاكل وجهاز حماية المستهلك محمر ليهم عينة من فترةاقتباس:
المشاركة الأصلية كتبت بواسطة zastaffa
وثق في العربية لانها فعلا كويسة ومناسبة لسعرها جدا ...علي الاقل مش صيني وبيقولوا نيواوبترا
هههههههههههههههه تمام كدا يا معلم وبكره أنشألله لما أرجع هابقي أوافيك بأخر وأحدث المستجدات اللي حصلت معايا علي راس الساعةاقتباس:
المشاركة الأصلية كتبت بواسطة kaza
عربية تحفة
اشكرك علي التفاعل بس ياريت تقولنا رايك بمصداقية وبالتفصيل الممل :praying:اقتباس:
المشاركة الأصلية كتبت بواسطة abou_zead
الساده الأعضاء الكرام
انا عايز عربيه في حدود ال 100 الف او اقل
مش مهم مانيوال ولا اتوماتيك
المهم تكون عربيه " ثقه " و تعييش و توكيل كويس و قطع غيار سهل الاقيها و بسعر كويس - و طبعا تكون بتكييف
انا لا اعرف اي شئ نهائي عن السيارات - صفر بأمتياز
انا حاليا بجد محتار بين كذا عربيه و كل ما اسأل حد يقولي رأي شكل
انا محتار بين الأيمجرند 7 / لوجان / افيو / لادا جرانتا المانيوال / سانديروا اقل فئه
و بجد قربت أتجنن فعليا و الموضوع ده واكل كل دماغي و وقتي بقالي أسبوع
أرجوكم الأفاده و ليكم ألف شكر
نسيبي لسه جايبها كسر زيرو… ملاحظته عليها ان التكييف بياخد وقت لحد ما يبرد العربية… غير كده هوه مبسوط بيها ..
تخيل حضرتك تقوم من النوم وتيجي تبص على عربيتك و تفاجئ انها اصبحت الاوبترا الجديدة !!اقتباس:
المشاركة الأصلية كتبت بواسطة kaza
يا ترى هيكون نظرتك ليها بالشكل اللي انت عرضته علينا دلوقت ؟
سؤال كمان للجميع
هل الاوبترا في الاصل من شيفروليه هي واللانوس ؟؟
العربيتين دول موجودين في امريكا او جه عليهم وقت كانو بيتمشو في شوارع امريكا ؟؟
الاوبنرا الجديدة هتدخل دوامة اللانسر شارك اول ما ظهرت و ربنا يعينها و يعين اصحابها بسبب السوق العجيب اللي احنا فيه .
بعتذر لصاحب الموضوع عن خروجي عن الموضوع الاصلي لكن فيه كلام لا بد للوقوف عنده لتصحيح الفهم و والله لا اقصد التعالي ولكن اقصد الانتباه لما نقوله ..
في النهاية هي حرب بين تجار كبار هم فائزون ونحن خاسرون لو منتبهناش .
فكر بالعقل واحدة واحدةاقتباس:
المشاركة الأصلية كتبت بواسطة killer bee
- توكيل كويس واحسن من غيرة ( حصلت مع اخى موقفين - تغيير تكييف بالكامل بعد انتهاء الضمان بتاعة -ومشكلة فى الفتيس دون ان يشتكى منها )
العربية انتشرت انتشار رهيب وهذا يعنى توافر قطع الغيار الجديدة والمستوردة
امكانيات العربية والفخامة والاوبشن اكثر من رائع
السعر مقبول بين ماركات كثيرة
تم تلافى العيوب السابقة والتى ظهرت من قبل
الشكاوى الموجودة على النت والهرى الفاضى دة اغلبة حرب توكيلات
هذة الاسباب التى فكرت فيها انا شخصيا قبل الشراء
ربنا يوفقك
اقتباس:
المشاركة الأصلية كتبت بواسطة Adnfalcon
أنا معجب جدآ بطريقة عرضك للنصيحه :Bravo:
اقتباس:
المشاركة الأصلية كتبت بواسطة kaza
لا حول ولا قوه الا بالله 190 بعربيه امجراند ومعاك ولادك !!!!
اللي معاه عربيه الماني ومعاه ولاده مبيعملش كدا
انت محتاج تعيد حساباتك
ربنا يهدينا ويهديك