عرض للطباعة
السلام عليكم ورحمة الله وبركاتة:
كنت عايز اعرف كيفية استخدام الفتيس الاوتوماتيك فى النترا 2015 md
فى زر كدة فى الفتيس مش عارف باستخدمة امتى بالظبط
الكتالوج بيقول باستخدمة فقط عند الانتقال من n الى r الى p
هل معنى ذلك انى بقيت النقلات تبقى مباشرا بدون استخدام الزر ولا اية
انا بسأل بس عشان عايز اعرف احسن استخدام للمحافظة على الفتيس واعطاءة عمر اكبر.
وشكرا.
مرفق شرح نقلات الفتيس الاوتوماتيك النترا 2015
حضرتك دوس عليه علي طول و انت بتحرك الفتيس مش هتخسر حاجة. أعتقد أنت مش محتاجه من ال d الي n و العكس.
هو طبعا انا معنديش مشاكل انى استخدم الزر ولكن انا خايف ان كتر استخدامة يعمل مشاكل على المدى البعيد.
بالرغم من انى لما استخدم الزر بلاقى صوت نقلة الفتيس بتبقى صوتها اقل
ولو لم استخدم الزر بلاقى صوت نقلة الفتيس اعلى.
المقصود طبعا بصوت النقلة هو صوت عصاية الفتيس وهى بتتحرك وليس صوت الموتور
ارجو من مالكى النترا md مشاركتى فى ماذا يفعلون مع فتيس سياراتهم. وشكرا مقدما
الزر اللي في الفتيس من فوق ده بيفصل ال lock بتاع عصاية الفتيس
في معظم العربيات اللوك ده بيكون موجود أول ما تدور العربية عشان تحرك العصاية من p إلى r
وكمان عشان تحرك العصاية والعربية دايرة من n إلى r
أي حركة تانية مش محتاج تدوس عليه ومالوش أي علاقة بعمر الفتيس
هو بس بيمنعك تنقل نقلة غلط
يعني بيمنعك وإنت ماشي بالعربية لقدام بيمنعك إنك تجيب r الغلط فلو إيدك حركت العصاية بالغلط أو حد من الولاد كان بيلعب فزق العصاية فأخر العصاية إنها ترجع لل n وده مفيش فيه مشكلة لكن مش هتروح لل r غير لما تدوس الزرار ومش هتروح لل p بردو غير لما تدوس الزرار
وطبعا عشان تحافظ على الفتيس متحركش العصاية لل r او p غير لما تكون واقفة تماما
اقتباس:
المشاركة الأصلية كتبت بواسطة swimmer25
افادك الله يا باشا وشكرا ليك