بفكر أجيب العربيه وعايز رأي الساده الملاك في الاعتماديه وألف شكر
عرض للطباعة
بفكر أجيب العربيه وعايز رأي الساده الملاك في الاعتماديه وألف شكر
تقدر تدخل على الجروب ده http://facebook.com/peugeot.301.fan و هتعرف كل اللى انت عايزة.
انا معايا العربية و مريحانى جدا
توكيل سيء
فرامل سيئة
وده حسب شكوى الاعضاء هنا
لف شوية فى القسم
سعر المانيوال وصل كام ؟
بصفة عامة العربية كويسة في الفئة بتاعتها بس العربية زيها زي عربيات كتير بتنزل بتيل صديق للبيئة بيخلص بسرعة اوي انا مغيره على 9000 كم تقريبا وده اكتر حاجة مضايقاني في العربية بس للعلم فيه ناس غيرته بعد ال 20000كم كمان
سحب العربية تقيل مع التكييف بس اتحسنت كتير بعد ال 10000 كم
الفرامل بفضل الله كويسة فيه اتنين من الزملا واجهتهم مشاكل وده وارد
المشكلة الحقيقية في التوكيل اللي مرة يتعامل مع الناس كويس ومرة لا
بجد نفسي اعرف التوكيلات في مصر بتعمل كده في الناس ليه
عدد اللى إتعرضوا لحوادث بسبب ضعف أداء الفرامل المفاجئة اكثر من 2 بكثير, و كثير منهم عرضوا مشاركاتهم هنا على المنتدى و على صفحات الفيسبوك.
اما التوكيل بيعمل كدا ليه؟ فده لإنه بيعتمد على خوف البعض على سعر إعادة بيع العربية بالإضافة للناس اللى التوكيل بيشترى ولائهم للوقوف فى صفه ضد أصحاب الحق, و كل ما حد يشتكى من ملاك العربية تلاقى واحد ظهر يخوف الناس و يقولهم حرام عليكم سعر العربية اتخسف بيه الارض و العربية افضل من غيرها كتير و كل العربيات فيها عيوب, فتلاقى كتير من الناس وقفت ضد أصحاب المشاكل, فبالتالى التوكيلات أصبحت لا تلقى بالاً لشكاوى العملاء ... أكلت يوم أكل الثور الأبيض.
ما هو التوكيل لو اتعامل بما يرضي الله مع الناس واهتموا بالناس والمشاكل اللي بتقابلها قبل ما تحصل حوادث كانت سمعته هتتحسن ومعدلات البيع هتزيد ويكسب اكتر
بس ازاي لازم يطلعو عين الناس والمشكلة ان تقريبا معظم التوكيلات كده وتوكيلات اي حاجة عربيات وغيره
ومفيش حد يوقف الناس دي عند حدها حماية المستهلك في مصر المفروض يسموها حماية البائع