الموضوع: شباب المنتدي الاعزب فوق الثلاثين رجاء الدخول

المشاركة الأصلية كتبت بواسطة mody1982

دلوقت يا شباب بما انك عديت الثلاثين سنه و متجوزتش و لا خطبت و لا ارتبطت و لا الكلام ده
انا اتجوزت بعد الثلاثين

ايه سبب انك عازب لحد دلوقت
الظروف المادية طبعا و بعد كده ملقيتش حد مناسب لدرجة ان اوبشن الاستمرار فى العزوبية كان مطروح لغاية مالقيت شريكة حياتى بطريقة غريبة
هل هو نصيب و لا ظروف ماديه و لا مغاله في طلبات اهل البنات ولا مفيش حد مناسب
طب اللي بيلاقي حد مناسب و ظروفه منيله و بيتجوز بدري ده نسميه ايه و بلاش نتكلم عن اللي بابي و مامي بيجوزوه
رزقه
طيب هل انت متوقع لما تيجي تتجوز الناس هتتعامل معاك زي ما بتتعامل مع حد في العشرينات و لا هيبقي شايفين ان الطلبات لازم تزيد لأنك مبقتش شاب في مقتبل حياتك علي العكس المفروض تبقي جاهز من كله
السن ميعبش الراجل فى مجتمعنا و فى غير مجتمعنا ميعيبش الراجل برضه
طيب لو انت امكانياتك زي امكانيات شاب في مقتبل حياته يجوزوك بنتهم لي0
الناس العاقلة بتجوز-المجانين يستنوا تاجر مخدرات معاه فلوس يشيل البضاعه
طيب لما هتيجي تتجوز انت شايف ان فاتك كتير و لا متأقلم و متعايش و شايف ا ن محصلش حاجه
الموضوع ده طرء في دماغي النهارده بما اني 34 و لسه زي ما انا
و لا حاجة
جيت حسبتها بحسبه بسيطه و لقيت اني لو اتجوزت بكره و خلفت بعد سنه هلاقي نفسي عندي 50 سنه و ابني 15 سنه فرق كبير جدا بقيت راجل عجوز و هو لسه علي اعتاب المراهقه
طيب دوافعك للجواز بعد ما وصلت للسن ده هي ايه جسديه و لا عائليه و نفسيه و لا الاثنين
جسدية و نفسية---طبيعة البشر انهم يتجوزوا--مش هتدرك كده غير لما تتجوز--العزوبية وحشه خصوصا لما تكبر و تعجز
اتمني التفاعل و الرد من الي في نفس الموقف

---------------

ان شاء الله هبدأ في ال 29 سنه كمان 10 ايام بعني تقدر تقول 30 سنه

اسبابي لعدم الجواز حتي الان

1) مستوي جمال البنات في الارض

2) البنات الحلويين شويه عندهم كميه تناكه و غرور كبيره

3) اهالي البنات مفكرين ان عندهم افضل بنت في العالم

4) طلبات اهالي البنات المبالغ فيها

5) دلع البنات و ارتباطهم الشديد بامهاتهم

6) الاسعار غير متناسبه تماما مع دخول الافراد

7) معظم البنات مش ستات بيوت كويسين و مش بيشتغلوا

8) البيئه المصريه حاليا غير صالحه الا لتربيه عيال متسوله

9) هتتفحت طول عمرك من غير كلمه شكرا حتي

10) البنات تخينه قبل الجواز و بيتخنوا زياده بعد الجواز

طبعا مش الكل بالمنظر ده ... ربنا يساهل ابتدي اسعي في مشوار الجواز بعد ما اهج من هنا قريب ان شاء الله

الموضوع مش مشجع على التعليق.. ناس محبطة وناس متشائمة.. وﻻ حد بيدور وﻻ حدةبيجتهد وﻻ حد بيعقد النية الجادة ويتوكل..واﻻستمرار فى التيار الفاشل دة ممكن يقود صاحبة انة يبقى فرجة بعد كام سنة.. الواحد يعقد العزم ويخلص نيتة لله ويدبر امورة بأى شكل ويتجوز عشان يلحق آخر قطار شباب لن يعود فبل ما يتحول لكائن اشيب ومركب سنان صناعية ومرفوض مع ان توأم نفس الكائن ارتبط من قبل كام سنة وحصلة نفس التغيرات إﻻ إن مراتة حبتة أكتر.. الواحد يتحرك بسرعة ويلحق الى فاتة وما يتحججش بالإمكانيات ويكون ذكى فى اختياراتة..يعنى مثﻻ امكانياتة ضعيفة يدور على واحدة ليها اخوات كتير و من اسرة اصيلة وبسيطة ساعتها لن يدقق اﻷهل على فرق السن او المادة بل هتكون حياتها معاة بالنسبالها افضل مهما قلت امكانياتة .. اعرف زوجين مترابطين و حاليا هما فى الخامسة والسبعين والستين إرتبطا منذ اربعين عاما..وعاشا حياة مستقرة وانجبانى وثﻻثة أخوات من بعدى.. ولم نشعر ابدا بفرق سن واضح بينهما.. والرجل منذ خرج عل المعاش يصحوا مبكرا يوميا يصلى ويفطر وينظف لزوجتة البيت ويرتبة خاصة من تهريج زيارات الأحفاد.. والزوجة تصحو على مهل وﻻ يشغل تفكيرها سوى إعداد طعام جيد وصحى.. يحضرنى موقف منذ ثﻻثة اسابيع تقريبا حين قامت سيدة البيت بصناعة بسكويت للعيد ولم يحالفة النجاح وإذا بالزوج ﻻ ينطق بأى كلمة سوى كويس كويس.. وربنا يجعلنا مالناس الكويسين

المشاركة الأصلية كتبت بواسطة عﻻء سالمان

الموضوع مش مشجع على التعليق.. ناس محبطة وناس متشائمة.. وﻻ حد بيدور وﻻ حدةبيجتهد وﻻ حد بيعقد النية الجادة ويتوكل..واﻻستمرار فى التيار الفاشل دة ممكن يقود صاحبة انة يبقى فرجة بعد كام سنة..

فاشل وفرجه !!!
الراجل يروح ينتحر احسن..

المشاركة الأصلية كتبت بواسطة micromoud

فاشل وفرجه !!!
الراجل يروح ينتحر احسن..

الاستاذ علاء سالمان بيفترض ان لا حد بيدور ولا حد بيجتهد ده اولا
و ثانيا :- بينظر نظره المجتمع بقي ان الراجل اللي اتأخر في الجواز يا اما يبقي ماشي في الحرام يا اما الناس هتقول عليه حاجه تانيه ( فاهمني طبعا ) فالبتالي هيبقي فرجه
نفس الاحكام المسبقه و نفس القوالب اللي الناس بتحط الشخص اللي عدي الثلاثين و متجوزش فيها
عاده القطيع بتاعه المصريين و اللي مش ماشي زي القطيع يبقي العيب فيه
يعني علشان هو مشفش الا نماذج الموضوع بالنسبه ليها كان ميسر من عند ربنا يبقي هيفترض ان اللي غير كده العيب فيه و يأس و مش مجتهد و مش بيتحرك و مش بيدور
و يقولك الحق القطر قبل ما تركب طقم في سنانك و كأن القطر ده انت اللي سايبه بمزاجك
عامه الناس اللي نظرتها كده كتير
زي ما واحد يلاقي واحد مش عارف يشتغل او مش لاقي وظيفه يقولك اصله لو دور هيلاقي ده ا لشغل مالي البلد و في حاجات محدش بيرضي يشتغلها
من الاخر يا استاذ micromoud عايز يقول ليا و ليك و لغيرنا انت مش زي ناس اذا يبقي العيب فيك
يبقي السكوت عن الرد عنه احسن و ياريت يسيب الناس الوحشه اللي مش بتجتهد و مش بتدور و مش بتسعي في حالها و يسيبهم في اكتئابهم و ميزودش الكأبه بتاعتهم بتعليقاته

انا كسرت ال29 و كنت بدور من 25 قريت فتحه مره و خطبت مرتين يعتبر الاسباب الرئيسية للتـأخير هو التردد + السفر لأنى بخطب فى الاجازات و بتكون ضيقه يعنى 2 من ال3 الى خطبتهم قعدت معاهم يومين بالظبط و سافرت فطبعا الفتره القليله بتخليك مش مرتبط بحد نفسيا و مع اول مشكله بتلاقى الموضوع اتفشكل
طبعا سبب السفر هو شراء شقه فى الاساس بس امتد لما بعد ذلك لأحوال مصر لأن سوق الانشاءات الى هو مجال عملى اصابه الركود من وقت الثورة للان
سبب تانى ان اول بنت خطبتها و انا 25 كان فيها صفات شكليه صعبت عليا الاختيار بعديها لأن خليتنى مقبلش اى حد و ارفض كتير بصعوبة بالغه لقيت حد مناسب اخر فى سن 26 خطبت سنه و الموضوع مكملش قبل الكتاب بأيام ... اخر مره خطبت فيها فى اول 28 و كانت برضه فيها مميزات كتير من ضمنها ان شكلها عجبنى و ده يعتبر معجزه لأن كتر ما تشوف كل ما صعب حاجه تعجبك .... و الموضوع تم فشكلته برضه من طرف البنت و كان فيه نوعا ما عدم توافق اجتماعى بينى و بين اهلها خلى فيه فجوه بينى و بينهم بشكل ما خلت البنت تتضايق
باقالى سنه بدور تانى من اخر خطوبة او اكتر شوية طبعا انا جاهز ماديا بس العوائق ان استنفذت كل اتصالاتى و شوفت فوق ال25..30 بنت ثانيا المواضيع الى مريت بيها و التجارب بتخلى اقتناعك بأى جد حديد اصعب لأن بيبقى فى ذهنك صورة و شخصيه التجارب الى فاتت ... ثالثا ان البنات فى مصر فعلا المتوسط شكله اقل من المقبول و دى الحقيقه او القاهراوية تحديدا لأن بالصدفه الى خطبتهم كانوا من جزور شرقاوية و اسكندرانية ...
حاليا بحاول اتأقلم على العيشه لوحدى طبعا الموضوع صعب بس انت تجاربك خلتك تعلى سقف متطلباتك و مع كل يوم سنك بيزيد فيه فرصتك بتقل انك تلاقيه
طبعا لما بتمر بتجربه مع واحده شكلها فوق المتوسط ( و هما قليلين ) و شخصيتها مقبوله بتخليك تنفر من اى بنت صفاتها دون ذلك ....
اى حد مكانى لو مش متشدد فى الصفات كان اتجوز من الى انا قابلتهم و فيه منهم اتجوز فعلا طبعا ال3 الى خطبتهم الى كانوا افضل صفات فى رأى اتخطفوا و ما قعدوش فى البيت كتير بالكتير شهرين و اتخطبوا و اتجوزوا ناس قاعده فى مصر و فيه منهم الى خلف كمان و ده برضه خلانى احس انى اتأخرت اوى فى موضوع الجواز
يمكن انا مثالى او اختلاف الطباع الو خلا ال3 مواضيع دى ما تستمرش او يمكن الظروف الخارجيه حكمت ساعتها معرفش بس الى اعرفه ان الموضوع بقى معقد جدا بالنسبة ليا حاليا و يخليك تفكر لو حد فى ظروفى ان السفر هو السبب فى التأخير مع انه ضرورة للظروف الماديه بتاعت شباب كتير و دلوقتى بعد ما استقريت فى مكان المفروض تضحى بشغلك و تنزل مصر تدور على شغل الاول و لما تلاقى شغل تدور على واحده مناسبة او تفضل مسافر و تحاول فى الاجازات و هو الاسلوب الى اثبت فشله على مدار 4 سنين