المقاس المظبوط لجنوط وكاوتش الأوبترا
أعضاء المنتدى المحترمين ...
الأوبترا لحد 2010 كانت بتنزل بجنوط حديد 14 وكاوتش مقاس 185/65/14
ومن 2011 بقت تنزل بجنوط مقاس 15
وبالنسبة للجنوط الإسبور بتنزل بكاوتش مقاس 195/55/15 .. بس ده عيبه إن البروفايل بتاع الكاوتش كدة قليل (55) وبيخلى العربية ناشفة فى المطبات وبيهلك العفشة أسرع ..
المهم أنا 2010 من أصحاب المقاس الأول ، وعايز استفسار من اللي عندهم خبرة أو غيروا لمقاس مختلف ..
أنا عايز أغير الجنوط الـ 14 وأجيب نفس جنوط الأوبترا بس مقاس 15 (بتاعتها بردو) واللى نازلة من مصنعها ،، بس عايز أجيب عليها كاوتش مقاس (( 195/65/15 ))
فى ناس قالتلى ان مقاس الكاوتش ده كدة هيحك ونصحونى أجيب 195/60/15 .. بس أنا شايف من وجهة نظرى ان الداير بتاع الرفارف واسع ومش هيحك ،، وممكن تكون وجهة نظرى غلط ..
برجاء الإفادة لأكبر بروفايل من غير ما يحصل احتكاك مع الرفارف.
ملحوظة للى هيتكلم بالنسبة لسرعة العربية وان القراية فى العداد هتختلف عن السرعة الحقيقية ...
ردى إن الموضوع ده مش فارق معايا لأنى عارف المقاس الاستاندرد للعربية وهو الأول بتاعى 185/65/14 ، أو الثانى من 2011 وهو 195/55/15 ،، ولو غيرنا أى مقاس منهم مثلا إلى 195/60/15 فالسرعة الحقيقية هتزيد عن العداد بنسبة 3.2% .. يعنى لما العداد يبقى على سرعة 100 كم/ساعة ، السرعة الحقيقية هتكون 103 كم/ساعة .. واى تغيير لأى مقاس مهما كان برده عندى وعامل حسابه وهبقى عارفه .. المهم عندى أعلى بروفايل على الجنوط الـ 15 من غير أى احتكاك .. فأرجو الإفادة من أصحاب الخبرة فى الموضوع ده وأشكرهم مقدما ،،،
-----------------------------
ومعلش عندى إستفسار إضافى لو حد يعرف منين أجيب 4 سوست أوبترا أصلى جديدة مش استيراد ، وسعرهم لو أمكن ... شكرا جزيلا
-------------------------