ياناس يا عالم هتجنن حد يفهمنى ازاى الفيس بوك بيعمل الحركة دى معايا

**الفجر** · 27-07-2015 05:17 AM

يا حماعة بجد انا هتجنن من السوال دة شئ محير جدا بلاقى الفيس بوك بيعمل الحركة دى معايا ارجو التفسير منكم

انا اولا غشيم جدا فى النت والفيس بوك والكلام دة وعملت اكونت عبيط على الفييس بوك مرة من شهرين تلاتة وانا كنت بتسلى وباسم لا يمس لية باسمى الحقيقى بصلة ولا حتى اسم مفهوم كمان ولا لية معنى اصلا حتى وحتى تحديد ملامح هويتى كوظيفة ورقم موبيل وعنوان بيتى وكل دة مش كاتبة اثناء التسجيل على الفيس بوك !!!!

معلش بقا اعذرونى اصللى فلاح يعنى

المهم

انا اول ما عملت اكونت بلاقى على الايميل تيجيلى رسالة do u know من الفيس بوك هل انت عرف فلان الفلانى ؟؟!1

وافاجاء ان صورة الناس دى انا اعرفها وانا عمرى ما اضفتهم عل الايميل او اضفتهم على الفيس بوك او حتى اضففتهم عل التلفون الموبيل بتاعى اللى اصلا مش هاتف ذكى اندرويد !!

مثلا الاقى على الايميل سوال do u know من الفيس بوك من ولاد عمى او المحامى بتاعى !! او حتى جيران لية !! وحتى اصدقاء من زمان ما شفتهمش من سنين!!!

ازاى ............. حد يفهمنى بجد ازاى بيحصل دة معايا حاجة تجنن بجد وازاى الفيس بوك عرف ان الناس دى انا اعرفهم رغم انى لم اضقهم ايميل او فيس بوك او موبيل

شئ يجنن بجدددددددددددددددد

**Karim Alaa** · 27-07-2015 05:45 AM

بيستخدم 20 اداه واحد هل ضفت اى بنى ادم من حسابك القديم و لا لا ثانيا هل و فتحت حسابك القديم من على نفس الكمبيوتر بياخد ال اى بى و بسجله و بيقولك هل تعرف فلان ثالثا تاكد من ان اليميل نفسه مش جواه كونتاكتس من الناس الى تعرفهم رقم الفون الى سجلته لو متسجل عند حد عنده فاسبوك ماسنجر فى الكونتاكتس هيجيبلك اكونته و يقولك تعرفه و نفس الكلام ليه

**trise2** · 27-07-2015 05:50 AM

ناس كتير اكدوا ان الفيسبوك فيه خاصيه انه ممكن يتابع الاصوات بجانب الموبايل وممكن يستخدم الكاميرا تلقائيا. ..وعن طريق صوتك في الموبايل او الصوره اللي بياخدها وانت بتستخدم الموبايل من غير ميرجعلك وبيحتفظوا بيها بيقدر يحدد الوجوه او الاصوات المتشابهه معاك في قاعدة البيانات( زي شكل الانف مثلا ) عندهم ويديك الاقتراحات اللي بتشوفها يعني لو شبه في العينين والوجه عامة بيقترح انه ابن عم او خال مثلا....شوفت الموضوع بسيط ازاي مفهوش لوغاريتمات او يجنن زي ما انت متخيل..
اما التعرف علي الأصدقاء فدي الي صعبه فعلا لانه بيستخدم لوغاريتم معقد جدا هيطول شرحه

**Abo_Mazen** · 27-07-2015 09:57 AM

المشكلة كلها في المتصفح ..

حضرتك الفيس بوك في حاجه إسمها مزامنه ..أو Synchronize ...أول حضرتك ما تفتح الأكاونت بتاع الفيس بوك على المتصفح يقوم الفيس بوك عامل مزامنه لأي إيميل مفتوح أو كان مفتوح وسبته مفتوح ويقوم واخد بيانات كل اللي فيه

إلغي المزامنه من الفيس بوك مش هتلاقي الموضوع ده حصل

**unl0veable** · 27-07-2015 03:24 PM

المشاركة الأصلية كتبت بواسطة Abo_Mazen

المشكلة كلها في المتصفح ..

حضرتك الفيس بوك في حاجه إسمها مزامنه ..أو Synchronize ...أول حضرتك ما تفتح الأكاونت بتاع الفيس بوك على المتصفح يقوم الفيس بوك عامل مزامنه لأي إيميل مفتوح أو كان مفتوح وسبته مفتوح ويقوم واخد بيانات كل اللي فيه

إلغي المزامنه من الفيس بوك مش هتلاقي الموضوع ده حصل

**تامر.محمد** · 27-07-2015 03:54 PM

انا بقى لقيت في ال people you may know
اكونتات الجيران , اللي عمري ما ضفت حد منهم في اي اكاونت اصلا
لحد دلوقت هاموت و اعرف ازاي هههههههههههههههه

**Karim Alaa** · 27-07-2015 06:53 PM

لا يا باشا تتبع اى بى لحد عنوانهم عادى جدا و بيعمل اقتراحات لكل الى حواليهم عشان يزود عدد الاصدقاء و التفاعل و كمان نزل خاصيه التعرف على الصوره يعنى لو حطيت صوره ليك فى اى اكونت و حطيت صوره تانيه ليك مش نفس الصوره بيعرف ان ده انت و هكذا :)

**ALYSALIM** · 27-07-2015 07:21 PM

فيه كمان الموقع بمعني الناس دي حواليك في الحارة او الشارع يعني مش معقول في الشارع بتاعك ومتعرفهمش
انت بقي اعمله تضيليل
يعني اللي تعرفه كنسلة واللي متعرفوش اعمله طلب اضافة
وهو هيتلغبط ويبدا يطلعلك ناس متعرفهاش بناء علي طلباتك
ابقي امسح الكوكيز اللي في المتصفح بتاعك
ولما تعمل ايميل جديد خليه فاضي من الاسماء
استخدم اكتر من متصفح علي جهازك
متدخلش من موبايلك اهم حاجة لانه هيسرق كل الاسماء ولايميلات وكل المعلومات حتي الصور والحركات

**الفجر** · 27-07-2015 07:49 PM

المشاركة الأصلية كتبت بواسطة karim alaa

بيستخدم 20 اداه واحد هل ضفت اى بنى ادم من حسابك القديم و لا لا ثانيا هل و فتحت حسابك القديم من على نفس الكمبيوتر بياخد ال اى بى و بسجله و بيقولك هل تعرف فلان ثالثا تاكد من ان اليميل نفسه مش جواه كونتاكتس من الناس الى تعرفهم رقم الفون الى سجلته لو متسجل عند حد عنده فاسبوك ماسنجر فى الكونتاكتس هيجيبلك اكونته و يقولك تعرفه و نفس الكلام ليه

انا معنديش الا حساب واحد فيس بوك