السلام عليكم
لسه شارى عربيه لانوس 2015 زيرو من شهر عامله 2000 كيلو وفيه رعشه فى الطلعه على السلانسيه وبتبان اوى مع التكييف .. وفيه صوت طقه فى الطاره لما بلفها يمين وشمال ممكن اعرف ايه سبب العطلين دول
عرض للطباعة
السلام عليكم
لسه شارى عربيه لانوس 2015 زيرو من شهر عامله 2000 كيلو وفيه رعشه فى الطلعه على السلانسيه وبتبان اوى مع التكييف .. وفيه صوت طقه فى الطاره لما بلفها يمين وشمال ممكن اعرف ايه سبب العطلين دول
ممكن يكون سلك البوجيهات او البوجيهات أو الموبينه او فلتر بنزين او مونت من محطة سيئة السمعه وهو ده اللي انا بأرجحه لان العربيه لسة جديده مشاء الله وما أعتقدش ان يكون سبب من الاسباب اللي فاتت غير نوع البنزين أو انه متزود ميه وشيك علي سلوك البوجيهات ركبه في مكانها كويس . ان مكنش بقي روح التوكيل .
الطقه في الدريكسيون سهله التوكيل هيظبطها في صيانه 5000 (المجانيه)
الرجه 90في الميه بوجيهات وسلوكها هيظبطوهالك برده سهله كانت عندي
وممكن ما تستناش الصيانه روحلهم دلوقتي يعملوها عادي للأمانه انا اتعاملت مع مركز العاشر من رمضان والمنصوره فوق الاحترام متعاونين جدا
الموضوع سهل والف مبروك
الله يبارك فيك ياباشا انا بمون 92 والرجه دى مبتبانش اوى غير لما اشغل التكييف ..... وانا روحت التوكيل قالى هيغير علبه الدريكسيون بسبب الطقه دى لكن لسه مقلتلهمش على موضوع الرعشه الى فى الطلعه ده فكنت عاوز اعرف سبب الرعشه ده قبل ما ارحلهم علشان اكون فاهم بردو
عن تجربة
ماتور اللانوس حساس للبنزين السىء يعنى لو حضرتك ممون بنزين مغشوش حتلاقى رعشة وعدم سحب واستهلاك عالى للوقود والعكس
انصح حضرتك ببنزين امارات مصر او وطنية وشوف النتيجة
تحياتى
انا عربيتي جديدة زيك...و فعلا بحس بفرق لما تانك البنزين يكون قرب يفضا..حاول ما تخليش التانك يفضا...لما يكون فاضل ربع التانك تروح تمون.
انا بمون من موبيل و ماشية كويس.
بالنسبة للمشاكل التانية فروح التوكيل دلوقتي و ما تستناش و حيظبطوهالك..مادام هي حاجة في العربية من الأول.
الطلعة مع التكيف غلط لان التكييف بيكتف الموتور شوية . متشغلش التكييف الا على الثالث او الثانى على الأقل
وافصل التكيف مع كل وقوف وقبل الطلوع نصيحة مجرب
مفيش الكلام ده يا فندم...التكييف أكيد بيحمل على الموتور ومحتاج بس تظبط رجلك دبرياج وبنزين عشان العربية تطلع بسلاسة..ولا ترج ولا تحرق فصوت الموتور يعلى
إنما كل شوية تقفل التكييف وتفتحه يبقى مش هتسوق بقى وتتفرغ للتكييف
لو فيه رعشة غير طبيعية بيقولهم عليها في التوكيل وهم بيكشفوا عليها ويعرفوا السبب لو غير طبيعية مش بسبب السواقة
عموما كل اراء الناس اللى فوق دى صح ، بس انت متأكد ان رجلك حساسة على الدبرياج كويس ، لان الرجه دى فى عربية زى كده زيرو شيئ عريب ، وعموما اتأكد من موضوع البنزين والمحطة اللى بتمون منها ، وشايك على سلوك البوجيهات ، وكله هيكون تمام
تم حل المشكه امبارح فى التوكيل وتم تغير علبه دريكسوا طامله وبيض مقصات وفلانشه دريكسون فى التوكيل بدون اى تكاليف والحمد لله الدريكسون خف وبقى سلس ومفيش اى بوش والرعشه تم حلها ايضا بس مش عارف السبب كان ايه هى راحت لوحدها امبارح وسالت على سعر الاسكاترا او علبه الدريكسيون فى التوكيل المهندس قالى 4000 جنيه الحمد لله تم حلها فى الضمان العربيه عامله 2000 كيلو ولسه معملتش اول صيانه وتجيب سكاترا كده منه لله منصور والتقفيل المصرى السئ وعدم وجود الضمير الواحد نفسيته كانت تعبانه من العربيه والعيب ده لان الواحد لو لسه جايب عربيه زيرو ويظهر فيها العيب ده تبقى صعبه....بس الحمد لله تم حل المشكله وشكرا لكل واحد اهتم وساعدنى برده المفيد فى الموضوع