مالتى جيم

**hitler987** · 28-07-2015 02:52 AM

السلام عليكم
انا عمرى ما دخلت جيم
وللاسف مش فاضى معظم الاوقات للذهاب
فقولت اشترى جهاز يكون فيه تمارين كثيرة
استخدمه فى المنزل
فوجدت جهاز مالتي جيم 68 كيلو
هنا
سعره رخيص ومناسب وبه تمارين كثيرة
هل الجهاز يغنى بشكل كبير عن الذهاب للجيم
وبناء جسم كويس فى المنزل
طبعا اللى بيروحوا جيم هيكونوا عارفين كويس
وهل الجهاز مناسب لكل الاعمار ؟
واذا كان فى جهاز افضل فى حدود 2000 جنيه
وشكرا .

**rotanamasoud** · 28-07-2015 05:25 PM

مشكلتك حتكون مع الكسل الواحد بعد فتره بيكسل
لاكن ممكن الواحد يدخل الجيم مكسل يلاقى صاحبه يسخنو بعض يعملو تمرينه موت
تانى مشكله انك مروحتش جيم يعنى معندكش خبره عن التمارين والخبره حاجه وانك تتفرج على تمارين حاجه ممكن تنفذ تمارين غلط وانت مش عارف لازم خبره سنه جيم عشان تتعامل مع الجهاز وتستفيد منه الاستفاده القصوى

**mastr_n** · 28-07-2015 08:44 PM

سيبك من اللى هايقولك هاتكسل ومش هاتلعب

اتكل على اللة وهاتها والكتالوج هاتلاقية مشروح فية كل حاجة
على الاقل جسمك هايشد وهاتنزل صدقنى من وزنك الرياضة حلوة

والجهاز شارح نفسة يعنى يوم تلعب بنش ويوم كتف ويوم ضهر ورجل صدقنى لو واظبت شوية هاتحس بفرق كبير

**AlphaCharlie** · 29-07-2015 12:15 AM

لولا ان صديقي كان بيجي البيت عندي ويزمرلي ويتصل بيا .. مكنتش حلتزم في الجيم.
ولما سافر برا قطعت الجيم.
واشتريت مالتي جيم استعملته شهر. والوقتي وظيفته شماعة ملابس.

هل الجهاز يغنيك عن الجيم؟
نعم بنسبة كبيرة. ممكن 2 دامبل مع تمارين سويدي تغنيك.

المهم الالتزام.

**hitler987** · 29-07-2015 02:32 AM

شكرا يا شباب على الافادة
AlphaCharlie
ايه نوع المالتى جيم اللى حضرتك اشتريته
وبكام ومنين وشكرا.

**rotanamasoud** · 29-07-2015 01:29 PM

AlphaCharlieنفس اللى اقصد اقوله انا مبحبطش حد انا بقول المتوقع والمتجرب من ناس كتير
حتقدر تلتزم وتواظب تبقى باشا

**drcobra** · 29-07-2015 10:07 PM

الجهاز مش عملى
اولا صناعتة اى كلام ودائما الوايرات بتتقطع ومش هتقدر تعمل التمرين زى ما انت متخيل
وطبعا الكسل ودة اكيد
والاهم بياخد مكان كبير على الفاضى

الافضل دامبيلز

**hitler987** · 30-07-2015 12:43 AM

بصوا يا شباب من الاخر
عاوز اشد جسمى فى البيت
يعنى مش عاوز انزل جيم
حتى لو رحت فى الاجازة فى الدراسة مش هعرف خالص
انا اصلا عمرى ما رحت جيم
فبحاول الاقى طريقة مناسبة لشد الجسم فى البيت
فبدور لقيت الجهاز ده
بس انا اتشامت منه بس اراء حضراتكم
رغم انه كان عاجبنى بسبب تكلفته اقل من 2000 جنيه
هل فى طريقة لشد الجسم فى البيت ورفع اوزان اكثر فى البيت
وما تكونش مكلفة يعنى فى حدود 2000 جنيه سواء دامبلز (وايهاوزانها)
او غيره من الطرق غير المكلفة ..عاوز حد من اللى فاهم وبيداوم على الجيم يفهمنى
وشكرا.

**AlphaCharlie** · 30-07-2015 01:31 AM

المشاركة الأصلية كتبت بواسطة hitler987

شكرا يا شباب على الافادة
AlphaCharlie
ايه نوع المالتى جيم اللى حضرتك اشتريته
وبكام ومنين وشكرا.

بالنسبة للجهاز سيبك من النوع
لأنه لو ماركة معروفة يبقى حيكون غالي جدا لا يقل غن 1500 $ وبيوصل إلي 4800 $
المهم يكون فيه معظم التمرينات إلي حضرتك محتاجها والأوزان كام.
الي عندي إشتريته مستعمل من واحد صاحبي إشتراه وركنه برضو ... هاهاهااااااااا

فيه بنش عالي وواطي وتجميع
ظهر (سحب)
باي وتراي
أرجل أمامية

وطبعا بلعب بيه أكتاف وترابيس بواير وبار الباي
وظهر طرمبة ببار وواير الباي أيضا وأنا جالس
وعندي 2 دامبل بكمل بيهم كتف أمامي وتجميعات.

بس الوقتي أنا مشغول جدا فمستني أفضى وأستأنف يإذن الله

**طارق _عبد السلام** · 30-07-2015 01:42 AM

جرب الاول ب2 دمبلز سعرهم رخيص وهيقضوا الغرض

ولو استمريت فى الموضوع هات جهاز بس فعلا الاسعار دى بيكون الواير ضعيف جدا وهيقرفك ويقطع وينسل بسرعه جدا........... واعمل حسابك لو تحتك جيران هتعمل لهم قلق بسبب اصطدام الثقل بالارض وانت بتريح :)

الموضوع: مالتى جيم

LinkBack

أدوات الموضوع

عرض

-

-

-

-

المواضيع المتشابهه

طاره مالتى

طارة مالتى

مالتى فنكشن للكارينز

طارة مالتى ل e36

عدسات مالتى

الكلمات الدلالية لهذا الموضوع

المفضلات

المفضلات

ضوابط المشاركة