تمام
كل نوع له مميزته وعيوبه
رقم العضوية : 176832
تاريخ التسجيل : 22Jun2015
المشاركات : 39
النوع : ذكر
الاقامة : القاهرة
السيارة: دايو
السيارة[2]: 128
الحالة :
السلام عليكم ورحمة والله وبركاتة:
كنت حابب انى اشارك مع حضراتكم انطباعى عن الفتيس الاوتوماتيك بعد تجربة شهر ونصف بسيارة النترا md
لأكون صريح معكم فأنا من زمان وانا بهوى حاجة اسمها فتيس عادى . حيث اننى اجد متعة فى قيادتها من حيث الاحساس بالسيارة ومتعة القيادة.
تحس كدة انك بتكلم العربية وبتكلمك . مش عارف اوصف ازاى هذا الاحساس.
المهم طبعا سمعت عن مميزات الاوتوماتيك التى لاتحصى وخصوصا فى زحام القاهرة وابتديت فعلا افكر فى حكاية الاوتوماتيك خصوصا ان مشاكلة بقت مش زى زمان.
وكان هذا انطباعى عنه بدون اى تحيز:
1- لايوجد اى احساس بالقيادة (تحس كدة كانك قاعد مع شخص بتحاول تكلمة وكل ماتقولة يعمل حاجة ، يعمل هو اللى فى دماغة)
2- صعوبة قيادة السيارة فى الاماكن المزدحمة ( ايوة اللى سمعتوا صح بالرغم من انى حلاقى كتير حيعترض) يا جماعة انا كان عندى مشوار واخدت كوبرى اكتوبر وطبعا انتم عارفين ان العربية بتبقى على الاول والثانى بس ، زمان ايام المانيول الواحد كانت رجلة الشمال بتتعب من كتر دوس الدبرياج ، ولكن يا جماعه اللى اكتشفتة ان الاوتوماتيك بتريح فية رجلك الشمال لدرجة انها بتنمل من كتر عدم الاستخدام ، وبتطحن رجلك اليمين فى الفرامل لما العربية تضطر انك توقفها كل شوية وتفضل دايس على الفرامل بتاع 30 ثانية لغاية ما الطريق يمشى وهكذا لغاية نهاية الكوبرى، ناس حتقولى طيب ماتجيب على n ، ماشى انا بعمل كدة بس فى الاشارات فقط اللى بتقعد اكتر من 30 ثانية وذلك للمحافظة على الفتيس عشان زمايل كتير قالوا كتر النقلات فى الاوتوماتيك بيأثر على المدى الطويل ، فعلا انا خلصت كوبرى اكتوبر ورجلى اليمين بعانى منها. والمشكلة اللى انا اكتشفتها ان دوسة الفرامل فى الاوتوماتيك اتقل كتير من دوسة الدبرياج فى المانيوال ، بابقى دايس فرامل ولازم اكون دايس جامد عشان لو خفيت رجلى حلبس فى اللى قدامى.
3- استهلاك الفرامل نظرا لاستخدامها عن نظيرتها المانيوال لدرجة انى بحس بعد لما اخلص مشوار ان الفرامل بقت جمرة من النار.
4- استهلاك الكبالن على المدى الطويل نظرا لعدم تمكن سائقى الاوتوماتيك من تموير السيارة فى الحواديات (قصدى لف الدركسيون على الاخر) حيث اننى فى المانيوال كنت لما اجى اكسر الدركسيون على الاخر بدوس بنزين ادى دافعة للعربية وبعدين امور الفتيس وذلك لعدم التحميل على الكوبلن
5- عدم وجود اى عزم للماتور مثل المانيوال ( انا قصدى السحبة اللى الواحد بيحس بيها لما ينقل من سرعة لسرعة عند التسارع)
بصراحة كدة وعلى المستوى الشخصى انا بفضل المانيوال الف مرة عن الاوتوماتيك (كفاية انى بحس فى اخر المشوار ان العربية مرتاحة)
الاوتوماتيك بحس انى لما اخلص مشوارى ان العربية بتنهج
وشكرا للمتابعة
رقم العضوية : 29020
تاريخ التسجيل : 02Jan2009
المشاركات : 954
النوع : ذكر
الاقامة : cairo
السيارة: pegeot 504
السيارة[2]: لانسر شارك
الحالة :
تمام
كل نوع له مميزته وعيوبه
اشهد ان لا اله الا الله
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
ممكن كلامك يكون منطقى ............... ولكننى اشارك الراى تماما في ان التسارع في الاوتوماتك لايقارن ابدا بالمانيوال وحيث ان الاخير غايه في الروعه والدليل هو ان كل سيارات التسابق الفورميلا وغيره مانيوال .... ولكن الاخير في تلاشى بصوره عاليه في كل السيارات الحديثه تقريبا ........ تحياتى .
رقم العضوية : 177962
تاريخ التسجيل : 27Jul2015
المشاركات : 323
النوع : ذكر
الاقامة : Egypt
السيارة: ............
السيارة[2]: ..........
الحالة :
مرة من زمان فيراري نزلت موديل أوتوماتيك.. النتيجة إنها كانت حتفلس السنة دي.
عادي جدا بس حتتعود..
أول مركبت الأوتوماتيك دوست فرامل برجلي الشمال أكثر من مرة خصوصا لو طالع من ركنة.
ولما أتعودت علي الأوتوماتيك بقيت لما أسوق مانوال أنسى أدوس دبرياج لما أهدي والعربية يبطل مني.
عموما هو أريح,, وحتتعود حتى علي الشد بالأوتوماتيك
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
انا زيك عمرى ما حبيت الاوتوماتيك وتحس انك سايق عربيه ملاهي ومش بشوف في سواقته اي متعه
ميزته الوحيده من وجهه نظرى فى الزحمه وبس
رقم العضوية : 95627
تاريخ التسجيل : 21Apr2011
المشاركات : 769
النوع : ذكر
الاقامة : طــنـــــــــــطا
السيارة: Was Sienna 1400cc
السيارة[2]: Hyundai I30 CW
دراجة بخارية: ISA
الحالة :
في مصر المانوال اصلا لا تقارن بالاوتوماتيك ,,, كفاية الراحة في كل شيء والتركيز على الطريق بس
من غير تكسير رجل ولا تغيير جير كل شوية
الاوتوماتيك نعمة
رقم العضوية : 155465
تاريخ التسجيل : 01Feb2014
المشاركات : 560
النوع : ذكر
الاقامة : Egypt
السيارة: hyundai elantra
السيارة[2]: daewoo nubira
الحالة :
رقم العضوية : 2794
تاريخ التسجيل : 25Oct2007
المشاركات : 351
النوع : ذكر
الاقامة : القاهرة
السيارة: ألنترا 2011 هاي لاين
السيارة[2]: باجيرو هاي لاين 2001
دراجة بخارية: Honda VTX1800n
الحالة :
ده بس علشان حضرتك جديد في موضوع الأوتوماتيك
أنا كنت زيك كده بالضبط من حوالي 5 سنين
بس يا باشا : مفتاح حل مشكلتك في حساسية دوسة البنزين برجلك اليمين ............. يعني حضرتك محتاج تزود شوية حساسية رجلك مع دواسة البنزين لأن كل صغطة بنزين ليها معني عند العربية و مع الوقت حضرتك حاتبقي زي حالاتي بأعرف أنقل نقلات الفتيس بأستعمال دواسة البنزين
و حاليا مش حاسس بأي مشاكل من أللي حضرتك ذكرتها بالعكس ده العربية بقت زي المانيوال بالنسبة لي و يمكن أحسن شوية كمان
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
المفضلات