تحذير ونصيحه وتنبيه للإسكندرانية ومرتادي منطقة المنشية

**Abo_Mazen** · 29-07-2015 10:26 AM

الإسكندرانية أكيد عارفين الحته اللي في الصوره دي واللي عليها دايره حمرا ..وأكيد برضه أي حد بينزل إسكندرية كتير ..الحته دي في منطقة المنشية عندنا في إسكندرية

لو حضرتك نازل المنشية لأ سبب بعربيتك وعاوز تركن ..هتلاقي في الحته دي سايس ..أول ما يشوفك ..هتلاقيه داخل عليك ويقولك ..تعالى ياباشا إركن هنا ..وهتلاقيه واقف معاك لغاية ما تركن عادي جدا ...وإنت نازل هيقولك حاسبني يا بيه ..هيتكلم معاك في خمسه جنيه ..هتقوله إنت مثلا ..لأ إثنين جنيه كفاية أو تلاتة جنيه ..هيقولك اللي تجيبه يا بيه ..لغاية هنا ومفيش مشكلة ..

المشكلة بقى إن في ضابط أغلب الأيام بينزل المنشية بالونش وبيقف في الحته دي بالذات ..وأول السايس ده ما يشوف الضابط ده بيخلع ..يقوم الضابط مكلبش كككككككككل العربيات اللي واقفه في الحته دي لغاية الشارع بتاع كونه ..الإسكندرانية طبعا عارفين كونه وبرضه مرتادي منطقة المنشيه ..طبعا ترجع حضرتك ..عيش بقى مع الضابط ...يكون السايس لم القرشين وجري ..على فكره أنا كذا مره أعدي ألاقي عربيات متكلبشه في الحته دي ..بس لما لاقيت السايس المره اللي فاتت قلت كده أكيد الوقفه في الحته دي بقت ميري ومفيهاش حاجه

نصيحه ..لو عايز تركن في بعد فندق إسكندرية وإنت رايح على باب عشرة في شارع النصر ذات نفسه بعد الميدان ..في حته هناك كويسه ...وفي سايس واقف من المحافظه نفسها ..وبياخد جوز جنيهات عادي جدا ..والونش معندوش مشكلة إنك تقف هناك عشان دي أصلا منطقة مخصصة لركن السيارات ..أنا مش عايز أقولك خليك في الباركنج اللي في المنشية ذات نفسه لإنك أكيد مش هتلاقيه فاضي ...

**Dr. Assem** · 29-07-2015 10:46 AM

معلومة مفيدة جدا.

و كمانفي جراجين بتوع الاتحاد الاشتراكي في ش سالم سالم قبل الميدان بس بالنهار صعب تلاقي ممان لان اغلب موظفين البنوك و المصالح الحكومية بيركنوا معاه بالشهر. اعمل حسابك لو لقيت عسكري عالباب بيقول مفيش مكان تعاكسه شوية لغاية ما تلاقي ممان. و غالبا حتسيب المفتاح. الجراجات مش مغطاة

. و في جراج مبني القطن اللي جنب الجندي المجهول. كنت بركن في زمان . مغطى بس الطلعة منه غبية شوية

و رأيي ماتروحش المنشية من الاساس :)

**kaza** · 01-08-2015 10:02 AM

يابو مازن اسكندرية اليومين دول بثت صعبة جدا والدكر يلاقي حتة يركن عربيتة بصراحة الله يكون في عون كل اسكندراني وحتي مصطاف ....نزلت في العيد ورديت في نفس اليوم من الزحمة والحر والمنتزة اللي بقت جمصة ....المنتزة ولا المعمورة اجمل المناطق اللي الواحد كان بيروحها واتربي فيها وليا فيها اجمل ذكريات طفولتي ....حاليا اسكندرية بتتعرض لهجمة شرسة بس ربنا يسهلها علشان الناس تاكل عيش وتنبسط وصباح الفل ياباشا

**Abo_Mazen** · 01-08-2015 10:23 AM

المشاركة الأصلية كتبت بواسطة kaza

يابو مازن اسكندرية اليومين دول بثت صعبة جدا والدكر يلاقي حتة يركن عربيتة بصراحة الله يكون في عون كل اسكندراني وحتي مصطاف ....نزلت في العيد ورديت في نفس اليوم من الزحمة والحر والمنتزة اللي بقت جمصة ....المنتزة ولا المعمورة اجمل المناطق اللي الواحد كان بيروحها واتربي فيها وليا فيها اجمل ذكريات طفولتي ....حاليا اسكندرية بتتعرض لهجمة شرسة بس ربنا يسهلها علشان الناس تاكل عيش وتنبسط وصباح الفل ياباشا

بس إيه رأيك في الزبالة اللي بقت ماليه البلد ؟؟..ولا الصناديق الكبيره بتاعة الزبالة اللي بتترمي في نص الطريق ومش مهم بقى تسد الطريق ولا الناس تولع

**رامي مصطفى** · 01-08-2015 10:52 AM

السايس بتاعكو راجل محترم
عندنا في المنصوره قبل المحافظه مكان غير مخصص للركن واقف فيه سايس يشاورلك وتركن وتمشي وييجي امين الشرطه يحط استيكر مخالفه على الزجاج ويسجله عندوا ويمشي
والله شفت السايس بيشيل الاستيكر وينظف الزجاج علشان الناس تركن عادي ومايعرفوش انهم لبسوا مخالفه

**Abo_Mazen** · 01-08-2015 11:12 AM

المشاركة الأصلية كتبت بواسطة رامي مصطفى

السايس بتاعكو راجل محترم
عندنا في المنصوره قبل المحافظه مكان غير مخصص للركن واقف فيه سايس يشاورلك وتركن وتمشي وييجي امين الشرطه يحط استيكر مخالفه على الزجاج ويسجله عندوا ويمشي
والله شفت السايس بيشيل الاستيكر وينظف الزجاج علشان الناس تركن عادي ومايعرفوش انهم لبسوا مخالفه

ههههههههههههههههههههههههه ههههههههههههههههههههههههه هه ...أحيه ...ده إيه الجبرته دي ؟؟؟

**رامي مصطفى** · 01-08-2015 11:42 AM

بتضحك!!! والله دا ايللي بيحصل عندنا ههههه
طيب خد دي جيت اركن مره جنب مستشفى الطوارئ عندنا جالي سايس ارجع يا بيه وحضن و تمام جيت انزل قلت ياواد حاسبو دلوأتي علشان يظبط العربيه ويمسحها روحت مشواري وانا راجع جالي واحد تاني قالي الحساب يابيه!!!!!!!
قولتلوا انا حاسبت ايللي كان هنا من شويه قالي مين ده يابيه!!!! روحت وافق وفاتح الباب وقولتلوا بتناحه كده واحد هنا رفيع كده ووصفتوا ما اعرفش لما لقاني وقفت وفتحت الباب قال ده هايتخانق راح عمل عبده العبيط وقالي آآه ده ابني والله
ما اعرفش خاف ولا ايه مع انوا لو كان قالي بخ كنت هاسيبلوا العربيه واجري

**Dr. Assem** · 01-08-2015 11:47 AM

المشاركة الأصلية كتبت بواسطة رامي مصطفى

بتضحك!!! والله دا ايللي بيحصل عندنا ههههه
طيب خد دي جيت اركن مره جنب مستشفى الطوارئ عندنا جالي سايس ارجع يا بيه وحضن و تمام جيت انزل قلت ياواد حاسبو دلوأتي علشان يظبط العربيه ويمسحها روحت مشواري وانا راجع جالي واحد تاني قالي الحساب يابيه!!!!!!!
قولتلوا انا حاسبت ايللي كان هنا من شويه قالي مين ده يابيه!!!! روحت وافق وفاتح الباب وقولتلوا بتناحه كده واحد هنا رفيع كده ووصفتوا ما اعرفش لما لقاني وقفت وفتحت الباب قال ده هايتخانق راح عمل عبده العبيط وقالي آآه ده ابني والله
ما اعرفش خاف ولا ايه مع انوا لو كان قالي بخ كنت هاسيبلوا العربيه واجري

ما هم بيشتغلوا شيفتات ياخويا . ماتقلش دكاترة طوارئ

حضرتك قلت تديله. لكن غيره بيطلب و انت بتركن. و لما ترجع للعربية تلاقي واحد تاني و يطلب برضه و لما تقول له حاسبت الاولاني يقول لك و انا مالي !! انا حاجة و هو حاجة

**Abo_Mazen** · 01-08-2015 11:50 AM

دي عصابة عارفه هي بتعمل إيه ..

**ibrahim sallam** · 01-08-2015 01:35 PM

المشاركة الأصلية كتبت بواسطة abo_mazen

الإسكندرانية أكيد عارفين الحته اللي في الصوره دي واللي عليها دايره حمرا ..وأكيد برضه أي حد بينزل إسكندرية كتير ..الحته دي في منطقة المنشية عندنا في إسكندرية

لو حضرتك نازل المنشية لأ سبب بعربيتك وعاوز تركن ..هتلاقي في الحته دي سايس ..أول ما يشوفك ..هتلاقيه داخل عليك ويقولك ..تعالى ياباشا إركن هنا ..وهتلاقيه واقف معاك لغاية ما تركن عادي جدا ...وإنت نازل هيقولك حاسبني يا بيه ..هيتكلم معاك في خمسه جنيه ..هتقوله إنت مثلا ..لأ إثنين جنيه كفاية أو تلاتة جنيه ..هيقولك اللي تجيبه يا بيه ..لغاية هنا ومفيش مشكلة ..

المشكلة بقى إن في ضابط أغلب الأيام بينزل المنشية بالونش وبيقف في الحته دي بالذات ..وأول السايس ده ما يشوف الضابط ده بيخلع ..يقوم الضابط مكلبش كككككككككل العربيات اللي واقفه في الحته دي لغاية الشارع بتاع كونه ..الإسكندرانية طبعا عارفين كونه وبرضه مرتادي منطقة المنشيه ..طبعا ترجع حضرتك ..عيش بقى مع الضابط ...يكون السايس لم القرشين وجري ..على فكره أنا كذا مره أعدي ألاقي عربيات متكلبشه في الحته دي ..بس لما لاقيت السايس المره اللي فاتت قلت كده أكيد الوقفه في الحته دي بقت ميري ومفيهاش حاجه

نصيحه ..لو عايز تركن في بعد فندق إسكندرية وإنت رايح على باب عشرة في شارع النصر ذات نفسه بعد الميدان ..في حته هناك كويسه ...وفي سايس واقف من المحافظه نفسها ..وبياخد جوز جنيهات عادي جدا ..والونش معندوش مشكلة إنك تقف هناك عشان دي أصلا منطقة مخصصة لركن السيارات ..أنا مش عايز أقولك خليك في الباركنج اللي في المنشية ذات نفسه لإنك أكيد مش هتلاقيه فاضي ...

الصوره صغيره ومش واضح فيها المكان قوي.

لكن اتصور انها قبل البنزينه وانت داخل رايح على الزنقه وشارع فرنسا كده

صح كده ابو مازن؟

الموضوع: تحذير ونصيحه وتنبيه للإسكندرانية ومرتادي منطقة المنشية

LinkBack

أدوات الموضوع

عرض

تحذير ونصيحه وتنبيه للإسكندرانية ومرتادي منطقة المنشية - انشر الموضوع فى :

-

-

-

-

-

-

المواضيع المتشابهه

حكايتى مع تغيير الزجاج الخلفى للإسكندرانية

ندااااااااااء للإسكندرانية ( اقتراح مقـــابلة )

تحذير وتنبيه لكل البنات من سواقين التاكسي '' واقعة حقيقية ''

تحذير وتنبيه هام.

تعليقا على حريق الاسكندرية فى حى المنشية

الكلمات الدلالية لهذا الموضوع

المفضلات

المفضلات

ضوابط المشاركة