السلام عليكم ورحمة الله تعالي وبركاته
زملائي الكرام وجهت مشكله النهارده وتتلخص في التالي
امبارح وانا مروح من الشغل وماشي في أمان الله شغلت التكيف بتاع العربيه وانا ماشي نورت البطاريه حلو الكلام طفيت التكيف والانوار وقلت كده البطاريه جابت أخرها خلاص كده بقلها سنتين بالتمام من الصيف للصيف (جافه) وصلت بالسلامه والحمدلله للجراج وركنت اديتها امبليه يعني دوسة بنزين علشان اعرف أدورها الصبح قمت الصبح والحمدلله ودورت دارت وصلت الشغل الحمدلله وزي ما عملت باليل أديتها أمبليه تمام ..... من شويه قلبي كلني عليه نزلت أدورها دارت ودي أكبر غلطه عملتها لاني ضيعت الشحنه بتاعت مشوار الصبح وعنها زق يامعلم وحلفت ما دور جبت جهاز افوميتر وقست طلعت 12.3 بس لا نور ولا أنذار ولا حتي كحت مارش المهم جينا نزق قامت سمعنا صوت فرقعه جامده جوه حوض الموتور ودخنه الفرقعه كانت صوتها عالي لدرجة الناس اتلمت والعربيات اللي في الجراج الانذار بتعها اشتغل جريت علي طول جبت الطفايه من الشنطة وفتحت الكبوت بحرص استعديت للاطفاء والحمدلله جت بسيطه مفيش جاجه بس مش عارف أيه اللي فرع ده والدخان ده منين معرفش؟ محرمتش زقينا تاني وأشغلت بس تعلي وتوطي لوحدها من غير ماحد يدوس بنزين وتبرجل وتعلي وعلي كده لحد ما تبطل لوحدها تدوس بنزين مادوسش مع نفسها تعلي وتواطي وتبرجل وتبطل ليه معرفش .
بعت أجيب بطاريه جديده بسبب أعتقادي ان هيه السبب فيما سبق استفساراتي بقي.......
المشكله مش عارف الفرقعه والدخان ده أيه ومنني
هاركب البطاريه الجديده وهدور بس اعتقد البرجله والتقطيع مش هيروحو
أعتقد أن البوجيهات أو السلوك مش السبب لاني لس عامل السرفيس ومغيرهم الفين كيلو تقريبا بصراحه أنا بشك في الموبينه وممكن الدينامو فيه حاجه ....أيه رايكو :Copy of rfds: