يعنى ايه الدبرياج على كابل ولا ماستر
عرض للطباعة
يعنى ايه الدبرياج على كابل ولا ماستر
بعض العربيات دواسة الدبرياج متوصلة بواير حديد. وساعات بيتقطع بس مش في كل العربيات. بحيصل كتير في موديلات فيات القديمة.
البعض الاخر ليه ماستر.
كل حاجة ليها عيوب ومزايا.
الكلمة دي مقصود بيها ..دواسة الدبرياج متصلة بالجير بوكس نفسه إزاي
عن طريق كابل ..وده عيوبه إنه ممكن يتقطع
عن طريق خرطوم ضغط عالي بيبقى فيه زيت ..وده عيوبه إنه ممكن يضرب والزيت يطلع منه وبالتالي يفقد قيمته
دي أشهر العيوب بالنسبة لكل نوع ..لكن ده ما يمنعش إن فيه عيوب تانيه ..زي مثلا في حالة الكابل إنه يشعر ويبدأ يتقل وتلاقي دواسة الدبرياج متردش معاك مكانها ..أو مثلا في حالة الماستر إن الضغط بتاع الزيت يضعف وبالتالي تلاقي الدواسه ما بتشتغلش كويس في الغيارت وتلاقي دايما صوت في الفتيس مع النقل ..وهكذا
الميزة الأساسية لدواسة الدبرياج الهيدروليك إنها بتخلي دواسة الدبرياج خفيفة .. وبيستخدموها دلوقتي بشكل موسع في السيارات الكبيرة بشكل عام.
على فكرة.. الزيت المستخدم هو نفسه زيت الفرامل.. وأحيانا بيكون له خزان منفصل وأحيانا بيكون مشترك مع خزان زيت الفرامل.
عموما.. الواير حاليا بينقرض من العربيات.. إلا في السيارات الصغيرة جدا
...