الموضوع: بلاوى بتتحدف اعمل ايه؟

اخوانى الاعزاء حياكم الله
كما تعلمون انا مقيم بالسعودية من 15 سنة واولادى بيزورونى كل سنة فى فترة الاجازة
ابنى الثانى الان وصل مرحلة الثانوية العامة هذا العام ونزل مصر بدرى قبل العيد علشان هيبدا الدروس الخصوصية
اليوم الاقى احد جيرانى فى مصر باعت لى رسالة على الواتس واصلا ما اعرفش ازاى وصل لرقم تليفونى بيقول لى انه ابنى قطع له كاوتش عربيته !!!!!! يا نهار ابيض ليه يعمل كده طيب يا حاج مافيش اى سبب الا انه فى حد شافه بيشرب سجاير فى اليوم السابق وبما انه بيشرب سجاير فبالتالى هو اللى عمل كده
يا حبيب قلبى ما 75% من الشعب بيشرب سجاير هل معنى كده انهم مايشين يقطعوا كاوتشات سيارات الناس؟
اهو كده وخلاص هو عقله وفهمه وصله للنتيجة العبقرية دى
طيب مين شافه ممكن تقول لى اسمه مافيش اجابة
كلمت الولد انكر تماما وقال لى اللى قال له ييجى يواجهنى
قلت له يا اخى الكريم اقسم لك بالله لو جبت اللى قال كده وواجه الولد وقال فعلا انه عمل كده انا مسؤل انى اشتري لك 4 كوتش جديد مش واحد والاجابة لا خلاص الموضوع انتهى حبيت اعرفك بس
طيب انت واعى للكلام اللى بتقوله؟ الاجابة اكيد وعلى يقين
طيب انا الان اعمل ايه هل هذا الشخص يملك قواه العقلية؟
اخر شئ اعرفكم بانه سيارة هذا الشخص 125 فيات قديمة جدا لا تساوى شيئا ولكن له كل الاحترام فهذه ظروفه وما قسم له من رزق وكل انسان حاجته عزيزة عليه لكن هل تفكير الناس وصل الى هذه الدرجة؟
سبق وقام احد الناس بسرقة جنط نفس هذه السيارة من عدة سنوات وانا لاادرى من سرق هذا الجنط المصدى والكاوتش القديم الممسوح والملحوم 100 مرة ماذا سيفعل به؟
المشكلة انه احنا ناس فى حالنا ومالناش صوت فى المنطقة التى اقل ما عليها انها منطقة زبالة (صقر قريش)واحنا فى سباق مع الزمن بنجهز بيت لينا فى اطراف القاهرة علشان نبعد عن المكان ده وفى عربية زيرو لسة المدام شارياها قبل رمضان لم تكمل 500 ك واخاف يعمل فيها حاجة
فماذا افعل ؟