الموضوع: هو إيه حكاية العربية دي بالضبط ؟؟..غبور جايبها يموتنا بيها ولا إيه ؟؟؟

المشاركة الأصلية كتبت بواسطة eng f3lix

انا قريت كتير عن مشاكل الجنوط مكنتش بصدقها الصراحة حسيت انها مبالغة .. لكن في عين شمس عندنا لقيت عربية جيلي مركونة في نص الطريق نايمة علي بطنها من غير جنط امامي لانه مكسور . والعربية كلها سليمة مفيهاش خبطة صاحبها بيقول عملت كدة لوحدها ملبسش مطب ولا كان بيجري ولا حفرة ده الشارع ديق وزحمة وفجأة عملت كدة

جنوط السيارة ايمجراند المستخدمة فى مصر ظهرت فى الجيل الأول للسيارة فى بلادها سنة 2009

وتم استبدالها بهذه الجنوط فى الجيل الثانى سنة 2013

ثم استبدلت للمرة الثانية بهذا الجنط مع الجيل الثالث سنة 2015

وسيتم استبدالها للمرة الثالثة بهذا الجنط مع الجيل الرابع فى النصف الثانى من 2016

اى ان جنط ايمجراند المصرية استبدل ثلاث مرات فى بلادة فضلا عن ان السيارة استبدلت هناك بالكامل ثلاثة مرات !!

وستستبدل بالكامل العام القادم للمرة الرابعة بسيارة صممها خبراء فولفو وبنظم فولفو وبشاسية فولفو S40 !!!

رابط إلى سيارة الجيل الرابع

http://www.nilemotors.net/Nile/467939-a.html

بينما الزمان توقف عندنا فى 2009 ولم يتحرك

فعلى ماذا يدل هذا ؟!!!

المشاركة الأصلية كتبت بواسطة kaza

يا سادة انا من ملاك العربية دي واشتريتها من اكتر من سنة والعربية كويسة مش وحشة ومبابالغش لما اقول انها اثبت من الالنترا 2013 واوسع في الاماكن الخلفية والشنطة لكن ادام لا والسيارة تسارعها كويس جدا لموتور 1500 وبتسحب كويس واحسن من عربيات كتير وحكاية التسارع دي بتخليك تجري بالعربية دون الاحساس الفعلي بدة وتلاقي الوصول لسرعات 150-170 بسهولة جدا وبالتالي برضة ونتيجة لحجم العربية وارتفاع جواتب الكاوتش نسبة للجنوط وصغر حجم الجنوط مابيديش ثبات ومع اي مطب كانك سايق دفع رباعي ماتضمنش ردة فعل العربية ولازم الحرص الشديد في القيادة بسرعات فوق 150 وبلاخص لسوء حالة الطرق وكثرة المطبات والقطوع واالمكبات وخلافة ...وازعم ان بتغيير مقاس جنوط العربية ل16 او 17 مع تغيير الكاوتش ليكون 205 /55-45 الوضع هيكون افضل بكتتييير
بس العربية حلوة ولسعرها تحفة بجد ولن ابلغ لو قلت انها افضل من الصني جديد وقديم واي صيني تاني عدا البريليانس وكمية الكماليات زي السنسور الخلفي والنور القوي جدا و كلاكس يحيي الاموات وجودهم مهم في بلد زي بلدنا اما abs وepd فلم اشعر بوجودهم بتاتا ومش مهم لاني مش شاري العربية للحاجات دي ...خزان وقود كبير 67 لتر واستهلاك بنزين ممتاز ....اية تاني ممكن تطلبة من عربية بالسعر دة ...برضة حاجة مش عارف مين المروج لموضوع الجنوط المكسورة والصداء الله ما الالنترا لو اتشالمنها نقطة دهان بسبب زلطة بتصدي ولو كشفت عليها من الداخل ومن تحت هتلاقي صدا و في موديلات 2013 -2014 واي عربية بتتجمع في مصر حاليا تأكد انك لازم هتلاقي فيها صدا نتيجة لاسلوب التجميع والدهان دون معالجة جسم السيارة بالفسفتة elpoاو سوء الخامات لاستخدام اجزاء لتجميع السيارات غيرمعالجة بالزنك او مجلفنة لخفض تكاليف الانتاج وزيادة الربح وعدم وجود مواصفة مصرية لجودة التجميع ....عموما العربية كويسة وانا من ملاكها ومافيش اعطال بالرغم من سواقة الستات العنيفة ومناسبة جدا للسعر وياريت اللي يتكلم عنها يكون جرب واشتري

أولا ربنا يديك خيرها ويكفيك شرها ..

بس حكاية الجنوط اللي بتتكسر دي كانت عبارة عن حادثتين ناس مشيراها على الفيس بوك بصورها ..وكان في حادثه منهم زميل منهم نقلها عن الفيس بوك للموقع هنا ..وفي من ضمن المشاركات اللي في الموضوع ده واحد بيقولك لقاها نايمه على وشها في عين شمس

عموما الواحد ما يتمناش حاجه وحشه لحد ..هي يمكن الجنوط بتاعتها عليها علامة إستفهام ..وخصوصا إنك بتقول إن هي أكنز شوية من الكاوتش ذات نفسه اللي راكب عليها ..ويمكن هو ده اللي بيخليها الجنط يبقى ضعيف شوية ..أعتقد ذلك

بصرف النظر عن الحادثه اللي أنا لسه قاريها إمبارح وحكاية إن علبة الدريكسيون إتكسرت ..وبصرف النظر عن موضوع الصدأ اللي كان معموله موضوع مخصوص هنا ...بس أنا كده كونت رأي إن الجنط بتاعها في ملاحظات

المشاركة الأصلية كتبت بواسطة abo_mazen

جابت كنترول وهنقول ماشي ..غلطة مستخدم ..غسل الموتور بالمياه مثلا

لكن الموتور رزع ؟؟!!!

أهي دي ما ينفعش تبقى غلطة مستخدم ..طيب إزاي ..وكمان عامله 60000 كيلو بس !!!!!

أهو الكلام ده جديد قوي بصراحه .أول مره أسمعه

ولا مياه ولا اي حاجه كان فالغردقه والكونترول ضرب .. ودلوقتي ف التوكيل ف اسكندريه عشان بيعمروا الموتور و خالي شاف عربيتين تاني بيعمروا هناك

المشاركة الأصلية كتبت بواسطة kaza

شكرا وربنا يكرمك ياابو مازن بس اسمحلي علي حاجة بسيطة وهي اني ماقولتش ان الجنوط بارزة عن العجل لا مش القصد ولاكن القصد هوان الكاوتش تخيين جدا من الاجناب يعني المسافة بين الجنط والارض اللي بيشغلها الكاوتش كبيرة وبالتالي مع كبر حجم الكاوتش مبيديش ثبات والعربية بتبقي عايمة خصوصا مع المطبات المتكررة علي السرعات العالية وبتلاقي العربية بتنط وبتغير اتجهاها فجأة وبالتالي خطير جدا المشي بسرعات عالية لكن لو الجنوط اكبر من 15 الحالي او الكاوتش اجنابة اقل التماسك هيزيد الثبات هيتحسن
تحياتي ليك ياباشا

بس برضه كلامك ده بيؤيد كلامك في الاول ..ان فيه مشكلة علاقه تناسب ما بين الجنط والكاوتش..يمكن لو قللنا حجم الكاوتش او زودنا حجم الجنط العلاقه دي هتتظبط..ويمكن ده اللي بيؤدي لحدوث مشكله في الجنط