الموضوع: هو إيه حكاية العربية دي بالضبط ؟؟..غبور جايبها يموتنا بيها ولا إيه ؟؟؟

المشاركة الأصلية كتبت بواسطة abo_mazen

ياباشا ما إنت نفسك قايل في التقرير بتاعك إنك ما رديتش تجري بها كتير عشان حكاية الجنوط دي

أو قلت حاجه زي كده المهم إنك ذكرت حكاية الجنوط ..يعني إنت سمعت عنها وعامل حساب الموضوع ده أهو

ايوة ياابومازن قلت كدة بس مافيهاش موتور تعبان ملة ولا تكيف مضروب امال السكودا والفورد يبقوا اية ولا الابواب بتقع وهيه ماشية ولا الردرياتير اتخرم ولا الباور ضرب وبتخر زيت ...الكلام اللي علي الفيس واضح جدا انه حرب توكيلات والعربية كويسة مش وحشة وممتازة للاستخدام العائلي ووالله باعتمد عليها اكتر من الالنترا والنيسان لان العيال عندي كبروا وبتخنقوا من ركوب الصني ورا غير انها مش بتاعتي بتاعة الشغل
العربية كويسة جدا لسعرها وانك تشتري بديل بنفس الامكانيات ليها هيتعدي ال150000 جم ومش وحشة ابدا واسال اي حد معاة هتلاقية مبسوط بيها ومفيش حاجة بتنغص علية غير كلام اللي مركبهاش من الاساس وبيقول صيني ييع اية القرف دة ...فيها عيوب لكن تحتمل ويتعايش معاها زي كل العربيات اللي في السوق واكيد مفيش عربية كاملة
تاني حاجة وراها توكيل هو اكبر التوكيلات انتشارا ودة عامل تاني مهم يسند مبيعات العربية في مصر
وقطع غيارها منتشرة يبقي اية المشكلة
اشتري فولفو المراية بتاعنها ب9000 جم والفانوس ب5000 وتكييف تعبان وباور تقيل وجنوط وعجل رغم انها كونتينينتال بتعمل بقاليل وبتغيرها كل 1500-2000 كم وفطع الغيار بالشهر علي ماتيجي غير انك لازم تمسي علي التوكيل مرة علي الاقل كل 5000كم علي اقصي تقدير وتقول راكب فولفو
كل واحد يركب اللي يريحة والامجراند خدمت ناس كتير كان برة مقدرتها تشتري عربية جديدة وسعار الاسعار اللي حصل مش مخليهم يشتروا وبالتالي سترت العديد من الناس بما فيهم انا والحمدلله

المشاركة الأصلية كتبت بواسطة kaza

ياباشا كونترول يضرب مش عيب وبعدين مانا عندي في الشغل جابوا عربيات سكودا اوكتافيا جديدة للادارة والعربيات لسة ماكملتش 10000-20000كم وفيهم عربية جابت كنترول والتوكيل غيرة وعربيات جابت فتيس ولسة بيشوفوا ليها حل واعطال في كهربه الزجاج والشاشة بالعبيط
وماحدش قال ان السكودا بطالة والناس بتشتريها علي انها الماني هي تشيكي وتجميع تركي كمان ....وبعدين موضوع حد عمل عمرة للموتور وكتير ...مش شرط ان العربية وحشه وممكن تكون برضة عربية تعبانة بس نقول حاجة وانا مبادافعش عنها للعلم
حضرتك الفئة اللي بتشتري العربية اغلبها بيغير الزيت للموتور بنوعيات سيئة برا التوكيل واظن لو التزمو ابزيت كويس زي شل هيلكس او موبيل 1 او توتال كوارتز الموتور كان هيتحمل افضل لانة بالضبط موتور التويوتا البريوس
تاني حاجة نوعيات البنزين والتحميل علي الموتور بيخدع في السواقة لان عزمة مش وحش وبيغريك تمشي علي نقلات كبيرة زي الرابع والخامس بدل من التاني والتالت وبالتالي الحمل اكبر علي البيلات ومحاور الكرنك مع الزيت السيئ بيزيد المشكلة
وياريت اي حد يجرب العربية ويسوق قبلها صني او بي واي دي او سبرانزا او فيرنا او لانوس ونوبيرا او سيبا ايراني ولا بيجو 405 او 406 او حتي ميجان او فورد فوكس او سكودا ايه 4 او 5 او كرولا القديم 2007 او لانسر بومة وكل دة مانيوال بالمناسبة مش اوتو ويقول رايه بموضوعية وبعيدا عن الانحياز الاعمي للماركة والموديل ويقارن بما يتوافر بالعربية دي بجد والمتوافر بباقي السيارت بمعادلة السعر لما تاخذة في المقابل

بعد اذن حضرتك اسوأ عربيتين في نظري من كل اللي حضرتك ذكرته هيا الجيلي والاسبرانزا لكن البي واي دي تحفه وطبعا باقي العربياتمينفعش تتقارن بال جيلي

المشاركة الأصلية كتبت بواسطة kaza

طيب ما تشوف اصحاب العربية ردين علية وبيقولوا اية ودة كفاية ياباشا دة الراجل حتي مستكبر يقول انها عربية وبيقول ليها 4 عجلات وبتمشي والردرياتير مخروم ومابتجبش اكتر من 165 والموتور بيفوت والتكييف اي كلام والهجل بيفصل لوحدة والدريكسيون مابيلفش والفرامل مابتمسكش والبيبان بتقع وهي ماشية ومصدية ...اي هبل واي تشكيك واي حاجة المهم الناس تبطل تشتري العربية وخلاص
قلة الاقبال في السعودية ليها اسباب اولها التفاخر والتريقة لان هناك الديناصورات الامريكي و6-8-10 -12 سلندر والكامري والالتيما والماكسيما واللاندكروزر والباترول والباجيرو والسوبر بان عايز الجيلي تعمل اية في وسط دول وبرضة الجيل هتاخد من مبيعات الكوريات واليابانيا الصغيرة وبالتالي الاقبال عليها ضعيف لكن اية رايك في المبيعات في اوكرانيا وصربيا ورومانيا وبلجيكا واسبانيا وتركيا واليونان ها اية الاخبار هناك

كلام حضرتك تمام وكل حاجة انا معايا الجيلي من شهر 1 - 2014 ومعملتش معايا القله بسم الله ما شاء الله
بس ندمت اني جبتها عربيه تقيله وقعدتها مش مريحه وخامات زباله كانك غبور بيشتري بلاستك الزباله ويركبه فيها لكن كلام الناس عن جنوط ومكنه بتضرب والكلام دة محصلش معايا الحمد لله

موضوع جيلي السعودية كان خاص بفرع جدة في 2014 بطيئ وقطع الغيار غير متوفرة والمعروف ان وكالة الحاج حسين علي رضا وكيل مازادا وبيجو وجيلي ورث وكل فرع في الوسطي والشرقية والغربية مستقل بادارته دي حتي بتنزل عروض وبيستثنو منها بعض الفروع
لكن السيارة اعادة سعر بيعها في الارض يعني موديل 2012 مانويل تعمل 10-11 الف ولااتوماتيك 13-15 الف
لكن الملاحظ ان معظم السيارات اللي بتتباع منها فيها خبطات في البودي لكن ميكانيكا وكهربا مفهاش مشاكل
لكن محدش بيقول سبب الخبطات من السواق ولامن السيارة لان غالبا السيارة سعرها رخيص جدا وممكن الشباب اللي بيستعملها وانت عارف الباقي

المشاركة الأصلية كتبت بواسطة virse

بعد اذن حضرتك اسوأ عربيتين في نظري من كل اللي حضرتك ذكرته هيا الجيلي والاسبرانزا لكن البي واي دي تحفه وطبعا باقي العربياتمينفعش تتقارن بال جيلي

وماله برضة لية بقي البي واي دي تحفة وفي نظرك افضل من ناحية اية بالضبط من الجيلي
تاني حاجة لية ما تتقارتش بالعربيات التانية ....ياسيدي الفاضل اركب وسوق الجيلي واركب اي حاجة من اللي ذكرتهالك فوق وماتقارنش خامات تابلوة وكراسي لانهم مش كويسين لدرجة الجودة ومش وحشين زي الفيرنا والصني القديم والاسبرانزا لا وكمان البي واي دي ذات الخشب البلاستيكي الرائع
انما اخبار الاتساع والكماليات والاضاءة الامامية والخلفية والموتور والسحب واستهلاك البنزين وارتفاع العربية عن الارض وسعة التانك والعزل والعفشة اية بقي
واية ممكن تشترية بالسعر دة متوافر فية الخلطة دي دة سؤال تاني وياريت حد يجاوب عليه بصدق

على فكره حوادثها كتير فى السعوديه واغلبيتها مقلوبه وموديلات 2013 و 2014

المشاركة الأصلية كتبت بواسطة tito32

على فكره حوادثها كتير فى السعوديه واغلبيتها مقلوبه وموديلات 2013 و 2014

ماشي ...بس العربية بتتقلب لوحدها ولا طريقة السواقة وخبرة السائق وبرضة بسبب رخص ثمن العربية بقي مين الشريحة اللي بتشتري وخبرتها في السواقة اية ....وهل الامجراند بس اللي بتتقلب في السعودية والتفحيط بيتعمل باية
اظن ان العديد من ماركات السيارت وخصوصا المؤجرة وذات السعر الزهيد بيستخدم في رياضة التفحيط السعودي والتي باعتبرها في رأئي فضا وقلة عقل وممكن تدخل هلي اليو تيوب وتشوف ضحايا التفحيط اية
وعموما برضة العربية كويسة ومنافسة جدا بسعرها وامكانيتها والناس بتشتريها واللي يعرف يعمل زي غبور يورينا وفي الاخر المستفيد هو المستهلك المصري