السلام عليكم ورحمة الله وبركاته
انا اشتريت الكروز 2013 ومرخصها فشهر 9, العربيه اول ما جبتها بقت تتخبط لوحدها, ابقى راكن الاقي الفانوس مكسور, مره لقيت زجاج الهوايات مكسور ومره متخربشه ومره محكوكه ومره مزفته. لحد ما زهقت.
ومره واحد بقوله انت رايح فين, قالي انا رايح التوحيد والنور اجيب شوية هدوم للعيال عشان البرد دخل, انما انت راجل قاعد فالمكتب عندك تكييف والعربيه عندك تكييف.
وانا بلف من اخر الشارع وتقريبا عند الحته اللي كنت واقف فيها معاه, الباب اليمين اتخبط في عربيه فاتحه بابها, اتدمر
في رمضان 2014, عملت بيها حادثه (كتبت عنها فالمنتدى) وقعدت العربيه حوالي 6 شهور فالتوكيل واتكلفت حوالي 50000 جنيه.
طلعت العربيه جديدة ماعدا الباب ككنت عملته في ورشه وشكله معفن طبعا
ومشاكل الفتيس اللي فالعربيه, كل شويه يفصل مني والكمبيوتر يهنج وافتح الكبوت افصل البطاريه وعلى كده.
واخر حاجه معايا من فترة اللمبة بتاعت الفوجات الشمال فصل, قلت مش مهم. من اسبوع لمبة الفانوس اليمين فصلت, بعدها بيومين اللمبه التانيه فصلت. مبقاش ناقص غير اني كمان افصل عشان استريح
انا مش عارف هل دي قلة بركه ولا عين ولا دي لعنة الفراعنه ولا ايه بالظبط
ده غير الحكات والخرابيش والزفت اللي مخلي منظر العربيه يقرف.
انا دلوقتي عاوز حل, هل العربيه وحشه ولا اهمال مني ولا الناس هي اللي وحشه ولا ايه بالظبط؟
المشاكل:-
1- الفتيس وفصله
2- الخرابيش والتخابيط
3- اللمبات اللي عماله تتحرق
4- الولاعتين فاصلين ومش بيشتغلو
تحديث
1/8/2015 7:55pm
يا جماعه العربيه جابت مني فتيس انهارده بعد العصر وانا دلوقتي راكن فالرست ومش عارف اعمل ايه، انا قرفت.
ياريت تفهموني ازاي اتعامل معاها لاني كرهتها.
المفضلات