-
1 مرفق
سيارتى اصبحت تاكسى ؟؟؟؟؟
قرأت اليوم مشاركة وصورة على الفيس للسيارة نيو لوجان تاكسى اسكندرية .....والتعليق عليها بحسرة من اصحاب وملاك النيو لوجان ..وبعضهم كاد ان يفقد الوعى ....
واحدهم قال انا بعت الفيرنا عشان انتشار تاكسى الفيرنا ....وكأن التاكسى ده بيخدم موطنى دولة اسرائيل الشقيقة .....
ونحن نحاول بقدر الامكان ان نبعد التهمه عن انفسنا بعدم العمالة لدولة اسرائيل الشقيقة
....
التعليق الوحيد اللى عجبنى ....واحد قال ايه الطبقية والتعالى اللى انتوا فيها دى هو التاكسى مش بنى ادم ولا شتيمه ؟
حسيت ان الثورة اللى حصلت كأنها ما حصلتش .....
والوزير لما قال ابن الزبال مش من حقه يكون مستشار ....يحمد ربنا انه ابوه علمه ....
اتضح لى مش الوزير لوحده اللى عنده طبقية .....كلنا عندنا طبقية الا ما رحم ربى وانا ما انكرش عن نفسى الطبقية .....
ولكن بنحاول نتجمل ونقول فيها ابن الزبال ما هو له حق التعليم والعمل ....وبعد كده لو شخص محترم وخلق ويعمل بوظيفة محترمة وابوه زبال ...مع تحفظى على كلمة زبال ...تقدم لابنة احدنا سيرفض بدون تفكير .....وهذا الموقف حدث بالفعل امامى مع زيادة انه كان معاه سيارة مرسيدس وابوه بواب .....وبعد ما وافقوا على العريس رفضوه عشان ابوه بواب ......
-
لا طبعا لازم اللى عربيتة تبقى تاكسى يبيع علطول هى فوضى
اللى معاه فلوس يغير يتكل على الله ويغير
اللى الناس مش عايزة تعترف بية ان التاكسى دليل على نجاح العربية
انا عن نفسى لقيت عربيتى بقت تبع الشرطة ونفس اللون ازرق رحت مغير علطول ههههههههههههه
-
ده شهادة ممتازة في حق العربية
كونها اعتمادية وموفرة للبنزين وسهولة صيانتها وغير ذلك من الشروط الواجب توفرها في التاكسي
بعيدا عن كون السيارة بها هذه المميزات أم لا
بعض الناس تبحث عن التميز
مفيش مشكلة في كدا
-
مع احترامى للجميع فى السعودية الليموزين يعنى بمعنى التاكسى عندنا تويوتا كورولا وكامرى وهيونداى النترا وغيرة وفى الامارت بتلاقى مرسيدس واودى وبى ام هل ده معناه فشل الماركات الكبيرة دى او عار على العربية بالعكس انتشار العربية كتاكسى معناه ان دى عربية اعتمادية وحمالة اسية ومحبوبة عند الناس
-
ده شىء يفرح على فكرة. ﻻن مع انتشار الفيرنا واللانوس كتاكسى اصبحت قطع غيارهم رخيصه وميكانيكية كتير بيشتغلوا فيها.
-
ولاننسى انتشار الشاهين والرينو والستروين تاكسى فى انحاء العاصمة
Content Relevant URLs by
vBSEO 3.6.0 PL2