اية اللي حصل للمنتدي

**Sameh samy** · 01-08-2015 12:49 AM

بقالي كتير مدخلتش المنتدي ودخلت لقيتو صحرا كل اللي بيسال في معلومة محدش تقريبا بيرد علية تلاقية كل موضوع جديد علية مشاهدات بس واجدع موضوع تلاقي فية مشاركات 7 مثلا وغالبا في المنتدي الاجتماعي انما لو حد بيسال عن معلومة في عربية متلاقيش ردود غريبة اوي انا فعلا مدخلتش من ست شهور تقريبا وبصراحة مكنتش متوقع النوم دة

**Dr. Assem** · 01-08-2015 01:27 AM

انا علاقتي بالمنتدي بدات من شهور بسيطة بس. فمش حقدر الاحظ كلام حضرتك. لكن اتهيالي دي ظاهرة عامة في المنتديات كلها. بس انتشار الفيس و التويتر.

قارن التجاوب مع اي سؤال هنا و لو هو نفسه اتحط عالفيس

انا فاكر واحد كان داخل هنا يسأل عن حاجة و بعد شوية دخل قال معقولة مشاهدات كتير و مفيش رد. احد الزملا الافاضل قال له احنا هنا مش في الفيس. هي دي الحقيقة

و الأيام دول ...

**mohamed-ahlawy** · 01-08-2015 06:44 AM

معاك حق يا استاذ سامح فعلا المنتدي مبقاش فية تعاون خالص
و فعلا الفيس احسن بكثير من المنتدي بس فية منتديات تانية فيها تعاون اكثر من كدة

**Abo_Mazen** · 01-08-2015 09:22 AM

الفيس تحسه كله هواه ..أي حد في أي حاجه وكله بيفتي ..إنما هنا تحس الموضوع مختلف شوية

**sfahmy6** · 01-08-2015 09:56 AM

انا بحب هنا عن الفيس كتيييييييييير جدا

بس للاسف الشديد دى حقيقية

**ali ashraf** · 01-08-2015 11:40 AM

انا سبق و كتبت عن الموضوع نفسه من 6 شهور و يحس بالموضوع ده الاعضاء القدامى لما كان الموضوع تلاقى عليه مشركات بأعداد محترمة و متعددة دلوقت المداخالات بتنقرض و ان كان لسه هناك العديد من المشاركات اللى بتثرى المنتدى و لكن معظمها خارج الاهتمام بالسيارات زى ما الاستاذ سامح قال ( المنتدى الاجتماعى اكثر) و الحقيقة انا بقيت الجأ للمنتدى اكثر فى غير السيارات مثلا استفدت كثيرا من فترة قريبة لما نزلت موضعين عن عمل سقف صاج للجراج و تركيب باب مصفح للشقة , بالاضافة لما ذكره ابو مازن الفيس تلقيه "مرهرط" مش عارف تلمه بعكس المنتدى تعرفله راس و رجل و تعرف تسترجع معلومات من الارشيف بتاعه ......بس الفكرة ان الواحد يخلى من المنتدى و الفيس مكملين لبعض فى البحث عن المعلومة ....انما فى حالة تكوين الصدقات فالفيس يكسب طبعا.

**micromoud** · 01-08-2015 02:33 PM

اه فعلا المنتدى بقى للاجتماعى فقط والسيارات نادر لما حد يفيدك او يرد عليك :(

**مداح القمر** · 02-08-2015 04:04 PM

كنا زمان في 2009 نكتب المشكلة ، والله العظيم مايعديش 10 دقائق الا وتلاقي مش اقل من 10 ردود
وكان في تفاعل بين الاعضاء ..
انما دلوقتي كله بيكبر دماغه ..
كله بيتفرج وبس ..
بس يمكن عشان معظم فطاحل المنتدى سابوه او قللوا من دخولهم الا نادرا .
عشان كده مابقتش اكتب اي مشكلة في عربيتي هنا لاني عارف محدش حيعبرني .

**akmm** · 02-08-2015 04:44 PM

هى المشكله فعلا حقيقيه ولكن السبب الرئيسى لها انشغال اغلب الاعضاء وعدم توافر وقت للمشاركات وده نفس اللى حصل لصاحب الموضوع اصلا وبعض المشاركين فيه من الانقطاع عن الدخول للمنتدى لفترات قد تطول او تقصر .... بالاضافه الى رحيل الكثير من قدامى المشاركين بالمنتدى عنه .... ولكنه يظل حتى الان افضل منتدى سيارات تطرقت اليه .............. تحياتى للجميع .