الموضوع: أسعار الصيانة وقطع الغيار من التوكيل جميع موديلات هيونداي

أزيكم يا رجالة هيونداي , يا رب تكونوا بخير وتكون التكييفات بيتاعة العربيات مأثرة في الحر دة :D :D
أنا واحد من الناس بحاول دايما أخلي عربيتي صيانتها في التوكيل بس للأسف بقالي فترة برة مصر والعربية مع المدام وهيا معملتش حاجة غير أنها غيرت زيت
وفي وسط منا بحاول أشمشم علي أسعار الصيانة وأسعار قطع الغيار عشان خلاص قربت أرجع أن شاء الله قلت أما ابص بصة في موقع هيونداي الرسمي يمكن يكونوا عارضين حاجة , وفوجئت أن كل الأسعار محطوطة بشكل منظم جدا وأمعظم أسعار قطع الغيار الأساية , فقلت أشارككم للفايدة .

, انا نسيت أقولكوا أنا معايا هيونداي جيتز عاملة حاليا 90000كم ربنا يزيد ويبارك , لما ارجع لها بقي أن شاء الله هبقي اعمل الصيانة بتاعة ال 90 وال 80 .

اللينك دة بتاع أنواع الصيانة وأسعارها , ما عليك إلا أنك تختار موديل عربيتك وركز كويس خصوصا الناس بتاعة الألنترا والأكسنت Hyundai Egypt

واللينك دة لأسعار قطع الغيار وبرضة ركز في موديل العربية خصوصا العربيتين اللي قلتهم فوق Hyundai Egypt

خدوا بالكوا الأسعار مش شاملة الضريبة يعني بعد ما تجمع سواء صيانة أو قطع غيار تحسب تقريبا 15 % ضريبة زيادة .

ودلوقتي لأني جيتزاوي أصيل حبيت أسهل علي حبايبي من ملاك نفس العربية وهنزلهم صور الصيانات المختلفة وقطع الغيار كمان , واسطة بقي


في النهاية أتمني تكون الفايدة عمت علي الكل مش علي رجالة الجيتز بس , ونداء للرجالة اللي عربياتها جديدة , أعملوا صيانتكوا في التوكيل وأستمتعوا بعربية صيانتها مضمونة وأحمدوا ربنا عندكوا توكيل أسعارة معقولة ألي حد ما .
تحياتي للجميع ومتنسونيش في دعواتكوا لو أستفدتوا

ارجو ردكم المشكور سيارتي ماتركس 2005 بدات تقطع فجاة واشم رائحة بنزين ني علما اني غيرت السيور والزيت وفلتر الهوا ماتكلفة فحصها واصلاحها