دعوة للنقاش الهادي في تكاليف الزواج في مصر

**Karim Alaa** · 01-08-2015 08:14 PM

معظم الناس فى مصر مبتتجوزش بالارقام دى خالص خصوصا فى الميكيب و الفستان و القاعه و الطراطير :)

**volociximab** · 01-08-2015 10:24 PM

المشكلة فيك مش فيها
انت مختار غلط
الكوافير فى فرحى 500 جنيه و حفلة على الضيق دى جي اناشيد نصف ساعه فى بيت العروسه و عشا فوق السطوح فى بيت العريس و اتصورنا بالموبيلات و شكرا
الفرح تم من غير ما اخلص فلوسي او اندين و فى النهاية الفلوس هتتصرف عليا و عليها
و ناس كتير الفرح عبارة عن زفه من بيت العروسه لغاية باب العربية و شكرا
الى عاوزه تاجر مخدرات تستناه و الى عاوزه تبعتر فلوس جوزها مسيرها تشحت معاه

**Bassem Youssef** · 01-08-2015 10:31 PM

انا هحكي علي موقف لسه حاصل قريب للعظه و العبره

واحد صاحبي كان متقدم لواحده و اترفض ... عارفين ليه ؟؟؟

عشان شقته 80 متر مش 120 زي اللي اختها متجوزه فيها

متخيليين وصلت التفاهه و الهيافه و "القنعره" الفارغه لحد فين ؟؟؟

**Anaslbda** · 01-08-2015 10:38 PM

المشاركة الأصلية كتبت بواسطة باسم يوسف

انا هحكي علي موقف لسه حاصل قريب للعظه و العبره

واحد صاحبي كان متقدم لواحده و اترفض ... عارفين ليه ؟؟؟

عشان شقته 80 متر مش 120 زي اللي اختها متجوزه فيها

متخيليين وصلت التفاهه و الهيافه و "القنعره" الفارغه لحد فين ؟؟؟

انا اخويا اترفض عشان شقته في فيصل والبنت من المعادي وكلاس وكده.

**Bassem Youssef** · 01-08-2015 11:08 PM

خليهم قاعدين في حضن بابي و مامي لحد ما يعنسوا :)))

**graffittiii** · 01-08-2015 11:20 PM

المشاركة الأصلية كتبت بواسطة باسم يوسف

خليهم قاعدين في حضن بابي و مامي لحد ما يعنسوا :)))

مش هيعنسو..
عشان الشباب بيحبو بتوع بابي ومامي هههههههه.

**volociximab** · 01-08-2015 11:22 PM

المشاركة الأصلية كتبت بواسطة graffittiii

مش هيعنسو..
عشان الشباب بيحبو بتوع بابي ومامي هههههههه.

ههههههههههههههههههههههههه ه
و دى المشكلة

**Bassem Youssef** · 02-08-2015 12:07 AM

المشاركة الأصلية كتبت بواسطة graffittiii

مش هيعنسو..
عشان الشباب بيحبو بتوع بابي ومامي هههههههه.

شباب هايف ... مش عارف هيفتحوا بيوت ازاي ... اغلبهم بيخشوا بالمجهود و بيفشلوا برضه :)))

**subhimust** · 02-08-2015 12:26 AM

المشاركة الأصلية كتبت بواسطة مُصْطٓفٓى

على فكرة احنا عارفين الأفراح في الفلاحين ممكن توصل لكام
1500 كوافير
7000 إلى 12000 قاعة وفيه أقل من كده بكتير
500 إلى 2000 تأجير فستان وفيه أقل من كده كمان

حضرتك بتقول إن أقل فرح بيتكلف فوق الخمسين ألف جنيه
طب الأفراح المعقولة والمقبولة بتوصل لكام

الغالبية هذه الأيام تتجه لقاعات الأفراح الملحقة بالمساجد
وهنا أنا أتحدث عن الإسكندرية

**ali ashraf** · 02-08-2015 03:15 AM

الكلام ده فكرنى كنت مع جماعة قريبى (اهل العريس) معزومين عند اهل العروسة و بيحضروا تجهيزات الفرح و كانت الشقة جهزت و تفرشت و كله تمام...والد العروسة اصر على عمل " دخان ملون بالليزر" على مسرح دخول العروسين و كانت تكلفة موضوع الدخان ابو ليزر ده حوالى 3000 جنيه ( من حوالى 10 سنين الكلام ده) و العريس رفض لأنه تبذير لا داعى له و ووالد العروس اصر ....مطولش عليكم الجوازة اتفركشت و العريس اصر على الرفض و ووالد العروسة انقاذا للموقف قال هيدفعهم من جيبه و العريس قال موضوع الدخان ده كوم و حتى لو ببلاش و الزواج كوم تانى و بينى و بنكم الجوازة باظت و انا مكنتش زعلان......بأختصار لو الزوجين معرفوش يراعوا ظروف بعض يبقى بلاش منها من الاول . ناس كتير هتزعل من اللى قلتوا بس لو الزوجة لم تراعى ظروف زوجها هتسبب له و لها الكثير من المشاكل.