اقتباس المشاركة الأصلية كتبت بواسطة ali ashraf مشاهدة المشاركة
الكلام ده فكرنى كنت مع جماعة قريبى (اهل العريس) معزومين عند اهل العروسة و بيحضروا تجهيزات الفرح و كانت الشقة جهزت و تفرشت و كله تمام...والد العروسة اصر على عمل " دخان ملون بالليزر" على مسرح دخول العروسين و كانت تكلفة موضوع الدخان ابو ليزر ده حوالى 3000 جنيه ( من حوالى 10 سنين الكلام ده) و العريس رفض لأنه تبذير لا داعى له و ووالد العروس اصر ....مطولش عليكم الجوازة اتفركشت و العريس اصر على الرفض و ووالد العروسة انقاذا للموقف قال هيدفعهم من جيبه و العريس قال موضوع الدخان ده كوم و حتى لو ببلاش و الزواج كوم تانى و بينى و بنكم الجوازة باظت و انا مكنتش زعلان......بأختصار لو الزوجين معرفوش يراعوا ظروف بعض يبقى بلاش منها من الاول . ناس كتير هتزعل من اللى قلتوا بس لو الزوجة لم تراعى ظروف زوجها هتسبب له و لها الكثير من المشاكل.
و الله احسن له يا باشا
دخان ليزر ايه
امال الناس اللي مبتعملش فرح خالص
ليا زميل لا عمل فرح و لا خطوبه هو قاعده في الجامع
و ابو العروسه مطلبش منه مؤخر و لا قايمه
و قبل بكل اللي عرضه من مهر و شبكه و غيره
و ساعه المؤخر قال ميلزمنيش يا ابني و ساعه القايمه قاله انا مأمنك علي بنتي مش هأمنك علي شويه خشب
دي الناس اللي بتشتري راجل و عايزه تستر بناتها
اللي للأسف مش موجودين كتير و نادرين
و محدش يتيخل ان العروسه واقعه ولا وحشه و لا عيلتها مستواها منخفض
ده العكس تماما
بس نقول ايه