دعوة للنقاش الهادي في تكاليف الزواج في مصر
هتدفع 5000 جنية لميكب آرتيست و زيهم أو اكتر للفوتوجرافر و 50.000 للقاعة و من 10.000 ل 15.000 للفستان و العروسة تدفع 7000 جنية حنة ليها و لصاحبتها و دي جي و تاتو و ب 1000 جنية طراطير مكتوب عليها انا العروسة و دول صحبات العروسة..و 1000 تانية برواز أحمق يوقفوا يتصوروا جواه و مكتوب عليه بنحب العروسة..
و في الآخر طنط مرفت تبص لطنط كوثر و تمصمص شفايفها و تقولها مقولتها الشهيرة اللي بتنزل بيها كل فرح... "أنا فرح منة بنتي كان يضرب الفرح ده بالجزمة القديمة".. و طنط كوثر ترد عليها و هي بتطرقع اللبانة تقولها ااه و الله يا مرفت..عندك حق..مش كانوا بحبحوا ايدهم شوية!! ياريتني ما جيت..
ده حتي الديك الرومي اللي اتشمللوا و جابوه كان جلد علي عضم.. و ملحقتش آكل من الفخدة...و العروسة كانت شبه العروسة الحلاوة بعد ما ساحت..أنا أعرف هو واخدها علي ايه و اللا هي متنيلة واخداه ليه...حاجة تقرف..
ده كلام منقول بس السؤال المعروض للنقاش
1- اذا كان النساء والبنات دماغهم لاسعة فماذا الرجاله بتساعدهم على الهبل ده .
2- كل ام من دول عندها ولد هيدفع نفس التكاليف دي لما يجي يجوز فليه مش بيرحموا ولاد الناس عشان الناس ترحم ولادهم
3-ليه الشباب بيكلفوا نفسوا فوق طاقتهم ليه لا تكون واضح من الاول ولو الموضوع وصل لدرجة الانفصال العرايس مش هتخلص ؟؟:Copy of rfds: