عاوز اجيب بطارية جديدة اجيب اى نوع وبكام

**masrawy99** · 17-11-2008 05:06 PM

النهاردة جيت ادور العربية مدرتش
التابلوه ينور بس العربية مدورش المهم انا كنت لسه مغير قطاش البطارية والكهربائى قالى البطارية كده فله
المهم جبت النهاردة الكهربائى خبط خبطتين على القطاش العربية دارت وقالى ان صباع البطارية بيهرب وفيه عندك حلين
الحل الاول انك تصبه وقالى على واحد فى شارع شبرا بيصب صوابع بطارية
والحل التانى انى اغير البطارية خالص علشان اريح دماغى وخصوصا انا هطلع قريبا على صحراواى وطرق طويلة مفيش فيها اى خدمات
فكنت عاوز اعرف هل البطارية ممكن تتباع على حالتها دى وتجيب كام لو اتباعت للعلم العربية الان شغالة وبدور عادى وخرجت بيها ومفيش مشكلة
واه افضل بطارية جافة موجودة دلوقتى
البطارية تقريبا 50 امبير والعربية دوجان 96
نرجو الافادة لانى هاخد قرار واغير بكرة ان شاء الله

**HeMa_LanCeR** · 17-11-2008 05:16 PM

من رأيي اعمل الصباع وما تقلقش خالص
بس قولي هو وصفلك راجل فين في شارع شبرا وانا اقولك كويس ولا لأ
وانت ساكن فين أصلا؟

**masrawy99** · 17-11-2008 06:40 PM

واحد فى شارع شبرا عند شارع الورشة
انا ساكن فى الزيتون
بس الكهربائى قالى ممكن يقعد وممكن ميقعدش وبعدين انا لسه مغير قطاش مصنيعة بتركيب 35 جنيه وبعدين النهاردة الكهربائى خد له 15 جنيه علشان دق دقتين على القطاش
انا قولت لو البطارية ياخدها 100 جنيه والبطارية الجافة التانية 350 ادفع 250 واخلص لانى لسه جديد فى السواقة وبتلخم فى شبر ميه

SS · 17-11-2008 09:29 PM

المشاركة الأصلية كتبت بواسطة masrawy99

واحد فى شارع شبرا عند شارع الورشة

بس الكهربائى قالى ممكن يقعد وممكن ميقعدش وبعدين انا لسه مغير قطاش مصنيعة بتركيب 35 جنيه وبعدين النهاردة الكهربائى خد له 15 جنيه علشان دق دقتين على القطاش
انا قولت لو البطارية ياخدها 100 جنيه والبطارية الجافة التانية 350 ادفع 250 واخلص لانى لسه جديد فى السواقة وبتلخم فى شبر ميه

لييييييييييييييييه؟؟؟بتاع ايه؟؟ خد 35 جنيه فى تغييير القطاش بس ...انت متأكد انه معملش حاجة تانى؟
و 15 جنيه كمان عشان خبط ع البطارية بس...يعنى لا فك و لا شحن و لا عمل اى حاجة تانى.؟؟
لو زى ما بتقول يبقى كتير جدا جدا
بالنسبة لموضوع الصباع اللى بيهرب ده معرفش حاجة و مش هاقدر افتيلك فيه...بس اعتقد لو بعت البطارية هتتحسب كانها ميتة ..محدش غالبا هيحط فى اعتباره انها شغالة...حتى لو عارف ده و خدها يصلحها...بالنسبة لاسعار البطاريات فهى غليت شوية عن الاول يعنى لو هتجيب البطارية العادية و ياخد منك ديه ..هتدفع حوالى 300 ل 320 و السعر ده كان للكلورايد الميراج..55 امبير
الجافة و بقيت الانواع مش عارف سعرهم بصراحة.