الموضوع: محتارة بين عيوب السيارتين !!!

لو سمحتو انا كنت بافكر اجيب لوجان او فيرنا

اللوجان ...
1- قالولي ان الدواسات على وايرات بتعمل مشاكل
2- وان مشوار الدواسات قصير فمش امان ف سواقة الستات

الفيرنا ...
1- مافيهاش وسايل امان
2- شكلها قديم

ممكن تقولولي اي العيوب تستحق اني اختار العربية التانية ؟!
شكرا جزيلا

المشاركة الأصلية كتبت بواسطة hesham fawzy h

الفيرنا محافظة على سعرها .. و قطع غيار رخيصة .. اى حد ممكن يشتغل فيها .. على عكس اللوجان

تمام متشكرة قوي

المشاركة الأصلية كتبت بواسطة scientist9508

بسم الله الرحمن الرحيم

أختنا الفاضله juliet

أحدثك عن تجربه لأننى قدت السيارتين أكثر من مره. اللوجان أفضل بكثير جدآ من الفيرنا و من وجهة نظرى الشخصيه فإن مميزات الفيرنا تتضاءل أمام عيوبها الكبيره.

لكى أكون صادق بل و دقيق أود أن أخبرك بأننى كنت من أقوى المدافعين عن وكيل رينو و لكن للأسف كثرت الشكاوى منه مؤخرآ و كأنه لم يعد يطيق زيادة أعداد السيارات المباعه و بالتبعيه زيادة أعداد السيارات فى مراكز الصيانه. و يجب التنبيه أيضآ بأن رينز سياره من الصعب جدآ إجراء أى صيانات لها خارج الوكيل.

أنصحك بالتفكير فى إختيارات أخرى مثل البروتون بيرسونا أو البروتون جين 2 و كذلك السوزوكى سويفت و أيضآ السوزوكى سياز.

هداك الله لأرشد أمرك و أقومه

السلام عليكم و رحمة الله و بركاته

نقطة الوكيل دي المفروض اخد بالي منها برده ، كتر خيرك
بس للاسف العربيات التانية اللي قلتها اغلى من الفيرنا واللوجان وانا مش هاقدر ازود عن كده
آمين يا رب واياكم

المشاركة الأصلية كتبت بواسطة lelouch

الفيرنا عربية عملية..مفيش اوبشنز كتير وشكل مش مريح لناس كتير وانعدام وسائل الامان
وفي المقابل اداء اقتصادي وقطع غيار رخيصة جدا..واي حد ممكن يشتغل فيها...سحب سريع وتكييف جيد..لو ماشي تحت ال 100 كم الفرامل هتبقي كويسة معاك

ماهو (انعدام) وسائل الامان دي قالقني
شكرا لردك

المشاركة الأصلية كتبت بواسطة omar_alaa

انا كان معايا فيرنا و ده من أسوأ العربيات الي ممكن حد يركبها من حيث الأمان و المساحه الداخليه

تمام .. شكرا لحضرتك

المشاركة الأصلية كتبت بواسطة swimmer25

دواسات إيه اللي على وايرات مش فاهمها دي؟

المشاركة الأصلية كتبت بواسطة j a g u a r

تلاقيها تقصد واير الدبرياج او البنزين

ايوة بالظبط .. هل دي امان ولا بتعمل مشاكل تستحق اني ما اختارش اللوجان ؟

المشاركة الأصلية كتبت بواسطة wael30003

http://www.nilemotors.net/nile/255606-2009-2012-a.html
ده مقارنة عملتها من سنتين ..ممكن تفيدك .....

المقارنة هايلة وفعلا استفدت منها
بس ايه رأي حضرتك في مسألة واير الدبرياج والبنزين ؟؟
وفعلا الدواسات مشوارها قصير قوي وفي منها مشكلة ولا عادي ؟

المشاركة الأصلية كتبت بواسطة hythm nazme

اساسا مفيش وجه مقارنه الرينو تكسب من كل الجوانب والكلام الناس حافظاه والعربيه جميله جدا وبعدين الفيرنا شكل بقالو اكتر من 5 سنين وبعدين انا سمعن ان الموديل ده خلاص هيتوق انتاجه
وبعدين الوجان كلها امكانيات ورفاهيه وامان وركوبه ناعمه وربنا يوفق الي الصالح

آمين يا رب
كتر خيرك

المشاركة الأصلية كتبت بواسطة swimmer25

مفيش قلق من دواسات البنزين والدبرياج إنها تكون واير
الدبرياج الواير بتاعه ممكن يقطع وبردو الدبرياج اللي على ماستر زيت ممكن يفصل عادي جدا
تغيير واير الدبرياج أسهل بكتير من صيانة ماستر دبرياج
واير البنزين بقى مفيش منه أي قلق...الهوندا كلها البنزين على واير

وبعدين ما تفكري في لوجان أتوماتيك أفضل والفرق مش كبير..الفرق 13 ألف بين أقل فئة مانيوال وأقل فئة أتوماتيك..أنا شايفها على كونتاكت ب 100 ألف
دبري نفسك فيهم أفضل ما تشتري مانيوال وترجعي تقولي مش كنت حاوت أتصرف وأريح نفسي

وطبعا اللوجان أفضل ..راحة ووسائل أمان

ربنا يكرمك طمنتني
هافكر في موضوع الاوتوماتيك .. متشكرة قوي

المشاركة الأصلية كتبت بواسطة wael30003

بالنسبة للدبرياج ....انا عملت ٤٠٠٠٠كم وما قبلنيش اى مشكلة فى الدبرياجو.العربية كويسه ....

ربنا يباركلك فيها ويكفيك شرها

بسم الله الرحمن الرحيم

أختنا الفاضله juliet

أحدثك عن تجربه لأننى قدت السيارتين أكثر من مره. اللوجان أفضل بكثير جدآ من الفيرنا و من وجهة نظرى الشخصيه فإن مميزات الفيرنا تتضاءل أمام عيوبها الكبيره.

لكى أكون صادق بل و دقيق أود أن أخبرك بأننى كنت من أقوى المدافعين عن وكيل رينو و لكن للأسف كثرت الشكاوى منه مؤخرآ و كأنه لم يعد يطيق زيادة أعداد السيارات المباعه و بالتبعيه زيادة أعداد السيارات فى مراكز الصيانه. و يجب التنبيه أيضآ بأن رينز سياره من الصعب جدآ إجراء أى صيانات لها خارج الوكيل.

أنصحك بالتفكير فى إختيارات أخرى مثل البروتون بيرسونا أو البروتون جين 2 و كذلك السوزوكى سويفت و أيضآ السوزوكى سياز.

هداك الله لأرشد أمرك و أقومه

السلام عليكم و رحمة الله و بركاته

الفيرنا عربية عملية..مفيش اوبشنز كتير وشكل مش مريح لناس كتير وانعدام وسائل الامان
وفي المقابل اداء اقتصادي وقطع غيار رخيصة جدا..واي حد ممكن يشتغل فيها...سحب سريع وتكييف جيد..لو ماشي تحت ال 100 كم الفرامل هتبقي كويسة معاك

انا كان معايا فيرنا و ده من أسوأ العربيات الي ممكن حد يركبها من حيث الأمان و المساحه الداخليه