الموضوع: الكروز جابت فتيس ومحتاج حل دلوقتي

العربيه 2013 ومبعملش صيانات فالتوكيل

الفتيس ملهوش اي علاقه بالقرف من البلد، انا جزئية البلد اقصد بيها المعامله واكيد حضرتك داري بمعاملة البشر هنا وعايش معانا فالبلد.

انا بقالي ساعتين عالقهوه مستني الونش يتكرم ويجيلي.
بالبلد اقصد الناس الي زمتها زي الفل وزي البفته البيضا وبتراعي ربنا في اكل عيشها.

انا بعد ما حاسبت الميكانيكي 130 جنيه عشان بس يعرفني ان الفتيس بايظ
قفل الورشه ومشي وببص عالموتور لقيته سايب الطبه بتاعت زيت الفتيس مفتوحه وقعدت اركب فيها 10 دقايق وايدي اتحرقت من الموتور.

تحب احكيلك تاني عن البلد ولا كفايه، انا قاعد عالقهوه مستني الونش وموراييش حاجه

و عليكم السلام

اهدى يا عمنا الحمد لله على كل حال انت لا عملت حادثه ده كله حديد و ان شاء الله تلاقي حل
بس اهدى غضبك مش هيحل حاجة

قدر الله ماشاء فعل.
معلش الحمد لله جت بعيد عن الصحة والاهل.

انا شاكك اصلا ان الميكانيكي عارف جابت فتيس و لا لا

موجوع يا باشا، 1250 جنيه فلحظات عالهوا بدون اي لازمه

ربنا سترها.

المشكله لما هروح التوكيل الزفت هيظبطني ف15 ولا 20 الف.

وانا لسه مطلعها من كم شهر ودافعلها فوق 50000 جنيه ده غير الست شهور اللي بدفعلهم قسط شهري 3000 جنيه

يعني العربيهقعدت معايا سنتين، ركبتها سنة وكم شهر بس وبرضه بدفع

الحمد لله

ربنا يخليكم كلكم علا زؤكم واهتمامكم.
انا بس كنت عاوز حد يعرفني سكه غير التوكيل عشان العمليع عالاقد.

السلام عليكم يا شباب

انا دلوقتي لفيت الحرفيين

والخيارات قدامي كالتالي

عمرة فتيس من 7000 الى 10000 جنيه
فتيس استعمال من غير تركيب وهياخد اللي عندي 15000
موتور 1800 سي سي كامل بالكبالن وهياخد اللي عندي 18000 والمصنعيه 2000

في ناس حذرتني من موضوع الموتور بالفتيس لانه هيظبط كهرباء العربيه كلها بالضفيره وبيقولولي مفيش حد هيعرف يعملها ولا حتى التوكل، الكلام ده صح ولا ايه.

وياريت تشوروا عليه اعمل ايه

مستنيكم