- ده أنت مش متابع أخبارهم خالص.
- إلا أن دارفور كمان هتنفصل عشان هما مش ناقصين أراء تجار الدين.
- المفروض يعدمو الخاين إللى عندهم زى ما احنا هنعمل.
- عشان هيخلى لهم بلدهم 3 بلاد وكل ده عشان يعد على الكرسى.
عرض للطباعة
كلام سليم 100%
أحد الأساتذة العظام بمعهد البحوث والدراسات الإفريقية يحفظ جنوب السودان شبرا شبرا ، قال لي أنه برغم حملات التبشير المحمومة بجنوب السودان ، فإن 95% من أهل الجنوب أصحاب ديانات وثنية مختلفة ، و5% فقط أصحاب ديانات سماوية ، مسيحيون ومسلمون ، فالانقسام تم لأسباب عرقية بالدرجة الاولى.
- تم تقسيم السودان نصفين على أساس دينى.
- شماله مسلمين.
- جنوبه مسيحيين.
- ورضى البشير بكده عشان يعد على الكرسى.
- بس هيقابل نفس مصير أى مُتاجر بالدين ولنا العبره فيما يحدث فى بلدنا الأن.
- المشنقة.
الجنوب اغلبهم وثنيين و اقلية منهم مسيحيين و مسلمين ..... و الموضوع عرقي ثقافي ...... مالوش في الدين اصلا ..... بلاش تاليف الله يكرمك .....
التقسيم تم بضغوط دولية و بعد استفتاء باغلبية ساحقة من المصوتين في الجنوب ..... مش بمزاجه و لا عشان يقعد ...... و اصلا بعد التقسيم السودان خسر كل فلوس البترول الجنوبي !
دارفور مشكلتها عرقية لانهم بالرغم من انهم مسلمين الا انهم مش عرب و ده سبب الخلافات و الصراعات ...... و الخلافات دي من قبل البشير اساسا بسنين ....... بالمناسبة مفيش عاقل اصلا يدافع عن البشير لانه خرب البلد فعلا ...... بس الموضوع مش ديني و لا ليه علاقة بيه اساسا .....
بالمناسبة فيه سودانيين شماليين مسيحيين بالهبل
و شفت بعيني كنايس كتير في الخرطوم و في منتهى الامان
غير ملايين المسيحيين الاثيوبيين و من جنسيات اخرى اللي عايشين في امان و سلام في السودان
التسامج هناك اعلى من بلاد كتير و الناس هناك لو بتحترمها بتشيلك عالراس سواء مسلم مسيحي عربي اجنبي اوروبي اسيوي الخ
- طالما أنت كنت هناك إللى يجيبك هنا !!!!!!!!
- عشان أنت شوفتها على حقيقتها.
- فقلت أرجع مصر أم الدنيا وهتبقى قد الدنيا.
- قلت ارجع الوطن مصر. مصر الوطن العظيم.
- ده حبايبك هنا فى المنتدى تقريباً وصفها بالجنة واحنا هنا فى النار.
- حد يسيب الجنة ويرجع للنار. بس العكس صحيح تماماً. أن احنا أحسن منهم مليون مرة رغم أنف تجار الدين.
ياشباب - فيه حاجة اسمها الفرص الاقتصادية المتوقعة ودي احجام حسب قدرة اي مستثمر - الوضع الاقتصادي في مصر مهئ حاليا فقط للفرص الضخمة الكبيرة وعلي مستوي الافراد الناس اللي معاها فلوس كتير تعدي مثلا 2 مليون جنيه ممكن يجيبو له دخل كويس
فيه ناس معاها نص مليون جنيه ومش عارفه تعمل بيه ايه وناس معاها مليون والفرص قدامها محدودة
لكن فيه دول ممكن ب150 الف يعمل مشروع ويدر له ربح معقول جدا يعيشه في الدول دي بل كمان يقدر ينميه ويكبره ويبقي مشروع ضخم واستثمار هائل وساعتها ممكن ينقل استثماراته في اي مكان ومنها بلده الاصلي
السودان وافريقيا السوداء من الدول دي وياما سمعنا عن مصريين عاشو في السودان افر يقيا الوسطي اثيوبيا جيبوتي الكاميرون السنغال نيجيريا وعملو فلوس حلوة جدا ورجعو كملو استثماراتهم في مصر
مش بس المصريين اللي بيدورو علي الفرص دي
اللبنانين - الاتراك ماليين افريقيا - لكن الموضوع لسه مانتشرش في مصر قوي
الخليجين بردو بيدورو علي الفرص دي في السودان تحديدا لان عائدها كويس جدا
موضوع الامن فعلا بيأثر علي قرار المستثمر وبيزود عامل المخاطرة علي الاستثمار لكنه في نفس الوقت ممكن يرفع من هامش الربح جدا تصل 100 او 200% سنويا - زي مالبورصة تقع والناس بتبيع وواحد داخل يشتري برخص التراب - الموضوع بقي ملوش علاقة بان مصر وحشة او حلوة او السودان اوروبا والكلام دي
بيقولو الاستثمار لايعرف الحدود او راس المال لايعرف الحدود