الموضوع: الاستعدادت النهائيه للسفر الي السودان

المشاركة الأصلية كتبت بواسطة باسم يوسف

ان شاء الله السفر هيكون ما بين 21 ديسمبر 2015 و 21 يناير 2016

عندي شويه اسئله و ارجو الاجابه عليها

1- اسافر بري و لا طيران؟ انا عملت بحث عن التكلفه و لقيت ان البري هيكلف في حدود 1000 جنيه مصري و الطيران 1500 جنيه مصري اللي هي تمن تذكره الطياره (ذهاب فقط)

2- عايز اطلع اذن السفر + اخد التطعيمات من هيئه المصل و اللقاح + اروح السفاره السودانيه + اروح اتغدي في مطعم شرق السودان ... حد يعرف ازاي انجز المشاوير دي كلها في يوم واحد؟ اروح فين الاول ؟

3- ايه الورق المطلوب لاذن السفر؟ و مدته قد ايه ؟ و كام التكلفه؟ وهل محتاج كشف عائله ؟ مع العلم اني 28 سنه و والدي 57 سنه ... وحيد و معايا شهاده الاعفاء المؤقته

4- تكلفه التطعيمات كام ؟ اخد دواء ايه للملاريا ؟ و تكلفته كام ؟

5- حد عايش في السودان دلوقتي ؟ اعيش في الخرطوم و لا بورسودان ؟

6- اشتري مسلتزمات ايه قبل ما اسافر ؟

7- حد يعرف تاجر فلاشات جمله ؟ و ايه اقل كميه اخدها منه ؟ و بكام ؟

في انتظار اجاباتكم و نصايحكم ... بالتوفيق للجميع ان شاء الله

1- بري؟ انت بتهزر صح ؟

2- اذن السفر من التجنيد
التطعيمات من عيادة المسافرين في المنيرة مش من المصل و اللقاح

و تعملها قبل السفر بعشر ايام ...... خد تطعيم الحمى الصفراء (لو ماخدتوش و سافرت من السودان اي بلد تاني هتتحجر صحيا) + الكوليرا


المالاريا تشتري فيبرامايسين و تاخد حباية كل يوم (و اوعى تاخدها في خلال ساعة قبل او بعد اي منتجات البان) ...... تبتدي قبل السفر باسبوع و ما تبطلش الا بعد ما ترجع بشهر


انت مش محتاج السفارة السودانية في حاجة ......

3- ماعرفش

4- مش فاكر لاني خدتها من سنين ..... المالاريا رديت عليك

5- بورسودان في الشتا بتبقى مدينة اشباح و في كل الاحوال مش عمرانة زي الخرطوم

6 و 7 : ماعرفش

ياااااااااااااه يا عبد الصمد
أولا التجاره فى السودان وانت نازل مربحه جدا بسبب الجهل والفقر والكسل الهيستيرى اللى الناس عايشه فيه
الشعب السودانى شعب طيب جدا ومسالم جدا وبصراحه انا حبيتهم
زيارتى كانت لبلد بعيد جدا عن الخرطوم اسمها أم روابه
السفر عن طريق مصر للطيران غالى - فيه شركة طيران قذره سودانيه مش فاكر اسمها ايه وكانت تكلفتها نص مصر للطيران ذهاب وعوده
بخصوص السودان انت بمجرد خروجك من الخرطوم هاتشوف غرائب وعجائب بوعدك ..... كلها جديده
بالمناسبه انا روحت 3 أيام هناك والحمد لله كان فى شهر 11 - كنت رايح بأكلى وشربى
الحاجه الوحيده اللى اكلتها من هناك بصل اخضر طعمه راااائع وبيض مسلوق (البيضه تفتحها البياض لونه ابيض والصفار برضو ابيض)
متشربش المياه الغازيه اللى هناك نهائى - هاتلاقى حاجات غريبه والاحمر والاخضر والاصفر - اهل البلد نفسهم حذرونى منها
السياره المقدسه عندهم هيه هيونداى اتوس واغلبهم ميعرفش حاجه اسمها هيونداى لكن عارفين الاتوس فقط

بجد 3 أيام كانوا زى الفل