الحرارة فى السودان 42 درجة فى الظل بس الرطوبة قليلة فالشعور بالحر بيكون اقل
عرض للطباعة
الحرارة فى السودان 42 درجة فى الظل بس الرطوبة قليلة فالشعور بالحر بيكون اقل
ينفع المصري يتملك عقارات في السودان؟
انا بقالي سنتين بافكر اروح بس متردد من حكاية الملك
الخرطوم بلد جميلة وياسلام لو عرفت تسكن فى خرطوم بحرى
انا كنت ساكن فى منطقة جمب المطار كان يسكنها عليه القوم والاجانب
بس للاسف مش هقدر افيدك فى حاجات كتير لانى كنت اعمل فى شركة مقاولات وهى كانت تتحمل كافة المصروفات من طيران الى سكن وتطعيمات وخلافة لاننا موظفين بالشركة
الخرطوم العاصمة جميلة وبها الخدمات الاساسية والمطاعم المشهورة فحاول تسكن فيها وهي جميلة من ناحية الخضرة ومنظر النيل وليست من حيث روعة العمارات والمبانى فالقاهرة متقدمة اكثر بكثير
الخرطوم نصفين (بحرى وقبلى ) خرطوم بحرى هى الشمال وخرطوم قبلى هى الجنوب ويتوسط العاصمة فرع النيل الازرق
يلتقى النيل الازرق مع النيل الابيص عند راس جزيرة تسمي جزيرة توتى
حاجة روعة فى المنظر وجمال الطبيعة وعند هذه الجزيرة تلاقى قصر البشير الرئاسى ومبنى القصر يبعد عن طريق السيارات حوالى 10 متر يعنى لو حدفت طوبة هتترزع على مكتب البشير
والبشير كل يوم جمعة بيخطب فى مسجد فى العاصمة ممكن تروحح تشوفة وببيصلى التروايح فى مسجد ايضا
كنت راكب مع سائق فبيجكيلى ان خالة شغال فى القصر فحط البطاقة على باب القصر وقالهم داخل يشوف خالة وكان البشير فى القر عادى
وكنت واقف فى شارع المطار عند مطعم اسمه امواج (هيعجبك جدا سعر موحد لاى وجبه ب20 جنية سودانى) المهم سمعت سارينه موتيسيكل واحد بيجرى والناس عادى بتعدى الشارع وخلف هذا المتوتسيكل سيارة مرسيدس عليها علم السودان فطلع دة الموكب الرئاسى وكان رايح يستقبل ضيف ىف المطار والناس بتعدى الطريق عادى ياباشا جمب سيارة البشير
تانى منطقة حلوة هى ام درمان وهى غرب الخرطوم وبينها وبين الخرطوم نهر النيل (زى الجيزة كده)
انا مرحتش بورسودان عشان مفتيش بس هى بعيدة عن العاصمة ( زى الاسكندرية كده)
هتاكل وهتتبسط وهتتخن اللحمة هناك رخيصة جدا والخروف عام 2008 كان سعرة تثريبا 400 جنية مصرى والغزالة بحوالى 600 جنية تقريبا واكل الغزال ده عادى فى السودان
بيحبوا المصريين وللمصرى 5 حقوق وفقا للقانون:
1- لا تدفع رسوم وصول او مغادرة فى المطار انت والليبى فقط واى جنسية اخرى بتدفع
2- للمصرى حق تملك العقارات
3- للمصرى حق انشاء شركات بدون شريك سودانى
4- للمصرى حق الجنسية له ولاولادة لو تزوج سودانية (تقريبا مش فاكر)
5- للمصرى حق شراء الاراضى
تقريبا عشان مش فاكر اوى
هتلاقى المصريين شغالين كتير وفاتحين محلات
فى احدى السفريات قبلنى مصرى فى مطار القاهرة وطلب منى توصيل ماسورة ستارة الى مطار الخرطوم مع الحقائب وعند الوصول قابلنى مصىري اخد الماسورة ومكان معاة سيارة بيقولى انه عايش من 20 عام فى السودان ومتزوج وفاتح محل لتركيب الستائر....
الحاجات الغاليه هناك ((كافة المعلبات والاجبنان الرومى تقريبا مبعروفوهاش والجبنة البيضاء غاليه)
الجبنة البيضا تقريبا اغلى من اللحمة
تعدد الزوجات ده اساسى واللى متزوج مرة واحده فقط بيسموه عازب وهو اللى بيخدم فى اى قاعدة رجالة يعنى يقدم الشاى ويسقى الناس المياه لانه عازب
فى يوم لقينا زميل من السودان فى احد الشركات الناس بتباركله عشان اتجوز جديد وعرفنا انه كان بيتجوز الثانية. عادى والستات هناك عادى ومش بيزعلوا.
ويوجد سودانيات جمال جدا عكس ماهو معروف طبعا انهم اسمر البشرة ولكن فيهم نساء كتير لونهم زى المصريين السمر او القمحى وجمال جدا.
السودان كنز مفقود ولا احد يعرف عنه كتير
هتلاقى اجانب وصينينن وجنسيات كتير اتراك واوروبيين وامريكان شغالة زى مايكون الخليج
فى المجمل بلد جميل ناس طيبين جدا وبيحبوا المصريين جدا لكن كعمران وابراج شاهقة ومسارح وسينمات مفيش
هتلاقى مول مشهور اسمه مول عفراء ومول اسمه الواحة (مولات تعبانه شوية)
بالتوفيق وهتتبسط باذن الله
السودان كنز مفقود ولا احد يعرف عنه كتير
هتلاقى اجانب وصينينن وجنسيات كتير اتراك واوروبيين وامريكان شغالة زى مايكون الخليج
فى المجمل بلد جميل ناس طيبين جدا وبيحبوا المصريين جدا لكن كعمران وابراج شاهقة ومسارح وسينمات مفيش
هتلاقى مول مشهور اسمه مول عفراء ومول اسمه الواحة (مولات تعبانه شوية)
وفيه مبنى جامد اسمه الفاتح وده اللى بناه القذافى خدية للسودان وهو شكلة عبارة عن بيضة كده فيها خطوط زرقاء انا اتفرجت عليه من جوة والمنظر من فوقه روعة بيطل على غابة اسمها السنط حاجة خيال ومناظر خلابة روعة
خليك فى العاصمة هتكسب وهتتبسط كتير
انا سافرت دول عربية كتير اكثر تقدم وتمدن من السودان ولكن فى السودان تحس براحه نفسية غريبة وتحس انك بتحب البلد والناس مش عارف ليه
ناس بيعرفوك انك مصرى من اول مايشوفوك وبيعرضوا عليك اى مساعدة وانت اساسا متعرفهومش
انا فاكر كنت ماشى فى شارع وفيه ميركوباص كان معدى وكان فى هذا الوقت تقريبا مصر كسبت كاس افريقيا - حاجة زى كده
لقيت الميكوباص قرب ومليان سودانيين وراحوا طالعين من الشبابيك وبيحيوا وفرحانين وبيشاورا رغم ان الماتش كان بقالة تقريبا يوم او اتنين لمجرد انهم شافوا مصرى
وكنت بشترى محفظة جلد تعبان من محل صاحب المحل قالى انت مصرى - ياخبر قعد يحكيلى عن سفريته اللى عملها لمصر ويقعد يقولك كيف مصر واحوال مصر تحس انك هتعيط.
اكتر كلمه مشهورة هى : اشنو (زى كده عندنا ايه؟)
ياعم هتاكل اكل صحى جدا مفيش فيه مبيدات وهتحجس بطعم الخضار والفاكهه الاصلى وهتستغرب هتحس انك كنت فى مصر بتاكل بلاستك
وهتشم جو صحى جدا جدا ونظيف ونقى
وهتاكل لحمة الى ان تزهق وتكره حاجة اسمها لحمة
وهتلاقى صحتك اتحسنت بعد شهر وهتحس بالنشاط والقوة
وهتنام بدرى وهتصحى بدرى
وهتلاقى طيور غريبة - زى العصافير اللى فى شوارعنا كده - منشرة وصوتها جميل
فيه محلات كتير مصريين (الشبراى وجراند كافية والعبد ولابوار اكيد الان المحلات كترت..) لان اكلهم تقريبا مش هيعجلك - غير اكل امواج وهو محل شهير فى شارع المطار - روعة روعة ومقتدرش تاكل الوجبة كامله - واى وجبة كانت ب 20 جنية سودانى (سعر موحد) دجاج - سمك- لحوم
ومش هتسمع اصوات كلاكس تقريبا - اساسا الناس يمكن مش حاطين كلاكس فى العربيات
كنت راكب مع سواق فحسيت انه عاوز يعدى واللى قدامه قافل عليه قلتله اديله كلاكس - الراجل استغرب وقالى ليه؟ وخاف على شعور السائق امامه - بيعتبروا الكلاكس اهانة ومبيكسروش على بعض وعندهم طولة بال فى السواقة رهيبة ممكن السواق يتزنق فى زحمة ربع ساعة ولا الهوا وانت تبقى قاعد هتولع وهو عادى
(المياه مش حلوة اوى فهتشرب مياه معدنية)
بالتوفيق وهتتبسط باذن الله وافتكرنى بدعوة معاك كده وانت فى ارض الخير